Eksodosy 30:10 - DIEM PROTESTANTA

¹⁰ Indray mandeha isan-taona i Aharôna no hanadio azy; hapetrany eo amin’ny tandroky ny alitara ny ra nalaina avy tamin’ny biby natao sorona ahazoana famelan-keloka. Havaozina isan-taona io lanonana io eo amin’ny taranaka mifandimby. Voatokana ho Ahy TOMPO io alitara io, ka hanan-kasina fatratra.»

Baiboly Protestanta Malagasy 2011

¹⁰ Ary aoka hanao fanavotana eo amin’ireo tandrony indray mandeha isan-taona i Arona; indray mandeha isan-taona no hanaovany fanavotana ho azy amin’ny ran’ny fanatitra noho ny ota izay atao fanavotana, ary io dia hatramin’ny taranakareo fara aman-dimby ka ho masina indrindra ho an’NY TOMPO.

Dikateny Iombonana Eto Madagasikara

¹⁰ Indray mandeha isan-taona i Aharôna no hanadio azy; hapetrany eo amin’ny tandroky ny alitara ny ra nalaina avy tamin’ny biby natao sorona ahazoana famelan-keloka. Havaozina isan-taona io lanonana io eo amin’ny taranaka mifandimby. Voatokana ho Ahy TOMPO io alitara io, ka hanan-kasina fatratra.»

Baiboly Katolika

¹⁰ Eo amin’ny tandrok’io ôtely io no hanaovan’i Aarôna ny fanoneram-pahotana indray mandeha isan-taona; ny ran’ny sorona fanoneram-pahotana no hanaovany ny fanoneram-pahotana ao, indray mandeha isan-taona, hatramin’ny taranaka mifandimby. Ho masina indrindra amin’i Iaveh io ôtely io.»

Baiboly Protestanta Malagasy

¹⁰ Ary aoka Arona hanao fanavotana eo amin’ny tandrony indray mandeha isan-kerintaona; amin’ny ran’ny fanatitra noho ny ota, izay atao fanavotana, indray mandeha isan-kerintaona, no hanaovany fanavotana eo, hatramin’ny taranakareo fara mandimby; ho masina indrindra ho an’i Jehovah izany.

Malagasy Bible

¹⁰ Ary aoka Arona hanao fanavotana eo amin'ny tandrony indray mandeha isan-kerintaona; amin'ny ran'ny fanatitra noho ny ota, izay atao fanavotana, indray mandeha isan-kerintaona, no hanaovany fanavotana eo, hatramin'ny taranakareo fara mandimby; ho masina indrindra ho an'i Jehovah izany.

La Bible en Malgache

¹⁰ Ary aoka hanao fanavotana eo amin’ireo tandrony* indray mandeha isan-taona i Arona; indray mandeha isan-taona no hanaovany fanavotana ho azy amin’ny ran’ny fanatitra noho ny ota izay atao fanavotana, ary io dia hatramin’ny taranakareo fara aman-dimby ka ho masina indrindra ho an’NY TOMPO.

Eksodosy 30:10 Rohy Ifampitohizana

1Mpanjaka 1:50

Natahotra an’i Salômôna koa i Adônià, dia nitsangana ka lasa namikitra tamin’ny tandroky ny alitara.

1Tantara 6:49

Nomen’ny Israelita ho an’ny Levita ireo tanàna ireo sy ny kijàna samy manodidina azy.

Eksodosy 30:11

Hoy indray ny TOMPO tamin’i Mosesy:

Eksodosy 30:9

Aza manolotra vovo-javamanitra tsy sahaza eo, na sorona dorana manontolo, na fanatitra vokatry ny tany; tsy handrarahana fanatitra divay koa eo ambonin’io alitara io.

Levitikosy 16:16

Ary hotontosain’i Aharôna ny fombam-pivavahana fanadiovana ny Toeramasina Indrindra, noho ny fahalotoana amam-pahadisoan’ny Israelita, araka ny fahotana rehetra vitany; toy izany koa no hataon’i Aharôna amin’ny faritra sisa ao amin’ny Tranolay fihaonana, izay mitoetra miaraka amin’ny Israelita sady eo afovoan’ny fahalotoany.

Levitikosy 16:18

dia hivoaka hankeo amin’ny alitara eo anoloan’ny Tranolay fihaonana izy, ka hanao ny fombam-pivavahana fanadiovana io alitara io. Samy hangalany avy ny ran’ny ombilahy sy ny ran’ny osilahy hanentenany ny tandroky ny alitara eo amin’ny zorony efatra;

Levitikosy 16:2

Ka hoy ny TOMPO tamin’i Mosesy: «Ilazao i Aharôna rahalahinao mba tsy hiditra ao amin’ny Toeramasina Indrindra, ambadiky ny efitra lamba, afa-tsy amin’ny andro sahaza ihany; ary ilazao koa izy tsy hankeo anoloan’ilay Vatamasina izay misy rakotra volamena eo amboniny, sao ho faty izy satria hiseho anaty rahona eo ambonin’io rakotra volamena io Aho.»

Levitikosy 23:27

«Ny andro fahafolon’ny volana fahafito kosa dia andro fankalazana ny Famelàn-keloka; hisy fanompoam-pivavahana hivorianareo amin’izany, ary hifady hanina ianareo sady hanatitra sorona levonina amin’ny afo ho Ahy TOMPO.

Levitikosy 4:18

Hakany koa io ra io hatentiny eo amin’ny tandroky ny alitara eo anoloan’ny Toeramasina Indrindra, alitara izay ao anatin’ny Tranolay fihaonana. Ary ny ra sisa rehetra dia haidiny eo am-pototry ny alitara fanaovan-tsorona dorana, alitara izay eo am-baravaran’ny Tranolay fihaonana.

Levitikosy 4:7

Hotentenany ra koa ny tandroky ny alitara fandoroana ditin-kazo manitra eo anoloan’ny Toeramasina Indrindra, alitara izay ao anatin’ny Tranolay fihaonana; ary ny ra sisa rehetra, avy amin’ilay ombilahy, dia haidiny eo am-pototry ny alitara fanaovan-tsorona dorana, alitara izay eo anoloan’ny varavaran’ny Tranolay fihaonana.

Hebreo 1:3

Taratra mamirapiratry ny voninahitr’Andriamanitra sady famantarana velona izay tena toetra amam-pomban’Andriamanitra Izy; ary ny teniny manan-kery no ihazonany ny zavatra rehetra. Nony avy nanadio ny olona ho afaka amin’ny fahotany Izy, dia nipetraka any amin’ny avo indrindra eo ankavanan’ilay Andriamanitra lehibe.

Hebreo 9:25

Ny mpisorombe jiosy dia niditra tao amin’ny Toeramasina Indrindra isan-taona nitondra ram-biby; i Kristy kosa tsy niditra tao an-danitra mba hanolotra ny tenany matetika;

Hebreo 9:7

fa ao amin’ny tranolay faharoa kosa dia ny mpisorombe irery ihany no miditra ao indray mandeha isan-taona, sady mitondra ram-biby hatolony an’Andriamanitra ho fanalana ny hadisoana tsy nahy vitan’ny tenany sy vitan’ny vahoaka.

Apokalipsy 9:13

Dia nitsoka trompetra ilay anjely fahenina, ka nisy feo reko nivoaka avy tamin’ny zoro efatry ny alitara volamena izay teo anatrehan’Andriamanitra.