Eksodosy 29:30 - DIEM PROTESTANTA

³⁰ Ny mpisorona hisolo an’i Aharôna dia hitondra ireo akanjo ireo mandritra ny fito andro, rehefa miditra ao amin’ny Tranolay fihaonana mba hanatanteraka ny raharahany ao amin’ny Toeramasina.

Baiboly Protestanta Malagasy 2011

³⁰ Hiakanjo azy hafitoana izay iray amin’ny zanany ho mpisorona handimby azy, dia izay miditra ao amin’ny tranolay fihaonana hanao fanompoam-pivavahana ao amin’ny fitoerana masina.

Dikateny Iombonana Eto Madagasikara

³⁰ Ny mpisorona hisolo an’i Aharôna dia hitondra ireo akanjo ireo mandritra ny fito andro, rehefa miditra ao amin’ny Tranolay fihaonana mba hanatanteraka ny raharahany ao amin’ny Toeramasina.

Baiboly Katolika

³⁰ ka hitafy izany mandritra ny hafitoana, izay anankiray amin’ny zanany ho tonga mpisorona handimby azy; dia izay hiditra ao an-trano lay fihaonana, hanao ny fanompoam-pivavahana ao amin’ny fitoerana masina.»

Baiboly Protestanta Malagasy

³⁰ Hiakanjo azy hafitoana izay anankiray amin’ny zanany ho mpisorona handimby azy, dia izay miditra amin’ny trano-lay fihaonana hanao fanompoam-pivavahana ao amin’ny fitoerana masina.

Malagasy Bible

³⁰ Hiakanjo azy hafitoana izay anankiray amin'ny zanany ho mpisarona handimby azy, dia izay miditra amin'ny trano-lay fihaonana hanao fanompoam-pivavahana ao amin'ny fitoerana masina.

Eksodosy 29:30 Rohy Ifampitohizana

Genesisy 8:10

Mbola niandry herinandro izy vao nandefa ilay voromahailala fanindroany.

Genesisy 8:12

Dia mbola niandry herinandro indray izy vao nandefa ilay voromahailala izay tsy niverina intsony kosa.

Eksodosy 12:15

«Mandritra ny fito andro no hihinananareo ny mofo tsy misy leviora. Raha vao amin’ny andro voalohany dia efa esory tsy ho ao an-tranonareo ny leviora. Fa na iza na iza mihinana mofo misy leviora, manomboka amin’ny andro voalohany ka hatramin’ny andro fahatelo, dia hofongorana tsy ho anisan’ny vahoaka israelita izy.

Eksodosy 29:29

«Rehefa maty i Aharôna, dia hafindra amin’ny taranany ny fanamiana masina; ka ireo no hiakanjo azy amin’ny andro hanokanana sy hametrahana azy amin’ny raharahany.

Eksodosy 29:31

«Halaina ny ondrilahy fanokanana, ilay faharoa, dia handrahoina ao amin’ny toerana iray voatokana ny henany.

Eksodosy 29:35

«Mifanaraka tanteraka amin’ny torolalana efa nomeko anao no hataonao amin’i Aharôna sy ny zanany. Haharitra fito andro ny lanonana fametrahana azy amin’ny asany.

Ezekiela 43:26

Koa mandritra ny fito andro no hanaovam-panavotana ny alitara ka hanadiovana azy sy hanokanana azy.

Levitikosy 13:5

Hozahan’ny mpisorona izy amin’ny andro fahafito; ka raha hitany fa tsy mitombo ny aretina sady tsy manitatra eo amin’ny hoditra, dia hatokany toerana fanindroany mandritra ny fito andro izy.

Levitikosy 16:32

«Any aoriana any, dia ny mpisorona izay voahosotra sy voatokana ho mpisorombe hisolo ny rainy no hanao ireo fombam-pivavahana famelan-keloka sy fanadiovana ireo; ny fanamiana masina, ireo fanamiana vita kiran-drongony fotsy, no hiakanjoany amin’izany;

Levitikosy 9:1

Tamin’ny andro fahavalo, dia nampanalain’i Mosesy i Aharôna sy ny zanany ary ny loholon’i Israely,

Levitikosy 9:8

Dia nanatona ny alitara i Aharôna ka namono ny ombilahikely hatao fanalana ny ota ho an’ny tenany.

Nomery 20:28

Nesorin’i Mosesy ny akanjo fisoronana teny amin’i Aharôna ka nampanaovina an’i Elehazara zanany; ary maty teo an-tampon’ny tendrombohitra i Aharôna. Avy eo i Mosesy sy i Elehazara dia nidina ny tendrombohitra.

Hebreo 7:26

Eny, Mpisorombe natao ho antsika tokoa i Jesoa: masina, tsy misy faharatsiana na fahotana ao aminy, voasaraka tamin’ny mpanota ka nasandratra avo noho ny lanitra.