Eksodosy 22:26 - DIEM PROTESTANTA

²⁶ satria tsy manana afa-tsy iny mba hirakofana sy hiarovan-tena izy. Raha tsy misy an’iny, inona àry no hirakofany rehefa hatory? Hiantso vonjy Amiko izy, ka hihaino azy Aho, satria izaho dia Andriamanitra be fangorahana.

Baiboly Protestanta Malagasy 2011

²⁶ Fa izany ihany no mba firakofany sady fitafiany eny an-kodiny, koa inona no hoentiny mandry? Ary raha mitaraina Amiko izy dia hohenoiko, fa mamindra fo Aho.

Dikateny Iombonana Eto Madagasikara

²⁶ satria tsy manana afa-tsy iny mba hirakofana sy hiarovan-tena izy. Raha tsy misy an’iny, inona àry no hirakofany rehefa hatory? Hiantso vonjy Amiko izy, ka hihaino azy Aho, satria izaho dia Andriamanitra be fangorahana.

Baiboly Katolika

²⁶ «Raha alainao ho antoka ny kapaotin’ny namanao dia avereno aminy alohan’ny maty masoandro,

Baiboly Protestanta Malagasy

²⁶ Fa izany ihany no firakofany sady fitafiany amin’ny hodiny, ka inona no ho entiny mandry? ary raha mitaraina amiko izy, dia hohenoiko, fa mamindra fo Aho.

Malagasy Bible

²⁶ Fa izany ihany no firakofany sady fitafiany amin'ny hodiny, ka inona no ho entiny mandry? ary raha mitaraina amiko izy, dia hohenoiko, fa mamindra fo Aho.

La Bible en Malgache

²⁶ Fa izany ihany no mba firakofany sady fitafiany eny an-kodiny, koa inona no hoentiny mandry? Ary raha mitaraina Amiko izy dia hohenoiko, fa mamindra fo Aho.

Eksodosy 22:26 Rohy Ifampitohizana

Joba 22:6

Fa naka antoka tsy an-drariny tamin’ny rahalahinao ianao ka nanendaka ny hany fitafiana teny an-kodiny.

Joba 24:3

Indaosina ny borikin’ny kamboty ary atao antoka ny ombin’ny mpitondratena.

Joba 24:7

Mandry miboridana izy amin’ny alina; fa tsy manan-damba hisaronana; tsy mba mirakotra izy raha mangatsiaka.

Joba 24:9

Na dia ny kamboty mbola minono aza dia sarihin’ny olon-dratsy ho mpanompony, ary ataony ho antoky ny mahantra.

Joba 34:28

Izany no nanesika ny mahantra sy ory hiantso vonjy amin’Andriamanitra; ka henony tokoa ny fitarainany.

Salamo 10:14

Hitanao fa mijaly sy ory ny mahantra, ka mivonon-kanampy azy hatrany Ianao; Ianao no itokian’ny malemy, sady mamonjy ny kamboty.

Salamo 34:7

Niantso vonjy aho fa olo-mahantra ka nohenoin’ny TOMPO sy novonjeny tamin’izay fahoriako rehetra.

Ohabolana 20:16

Raha misy olona sahy miantoka trosan’olona vahiny, dia tano ny akanjony ho antoka ny amin’io olon-tsy fantatra io.

Ohabolana 22:27

fa raha tsy manan-kaloa ianao, dia halaina mbamin’ny farafara fandrianao.

Ezekiela 18:16

Tsy mitsentsitra na mangalatra izy sady tsy mitaky antoka amin’ny mpitrosa ary manome hanina ho an’ny noana sy fitafiana ho an’ny tsy manana,

Ezekiela 18:7

Tsy mitsentsitra na mangalatra izy fa mamerina ny antoka amin’ny mpitrosa, ary manome hanina ho an’ny noana sy fitafiana ho an’ireo tsy manana.

Ezekiela 33:15

Raha mamerina ny zavatra natao tsatòka izy sady mampody izay nangalariny, raha tsy manao ratsy intsony fa mankatò ny lalàna izay manome fiainana, dia tsy ho faty izy fa ho velona tokoa.

Amosa 2:8

Lamba nomen’ny mahantra ho antoka no itsilailaizany eny akaikin’ny alitara rehetra eny; ary divay azo avy amin’ny sazy no sotroiny ao an-tempolin’ireo andriamaniny.

Deoteronomia 24:17

Aza manao fitsarana miangatra amin’ny vahiny sy ny kamboty ary aza maka ny fitafian’ny mpitondratena ho antoka.

Deoteronomia 24:6

Aza misy maka ny vato roa fikoseham-bary na ny vatony ambony ho antoka, fa maka aina ho antoka izany.