Eksodosy 20:5 - DIEM PROTESTANTA

⁵ Aza miankohoka eo anatrehan’ireny sampy ireny ary aza manompo azy, satria Izaho TOMPO Andriamanitrao dia saro-piaro amin’ny maha Andriamanitra Ahy. Raha misy olona meloka amin’izany ka mankahala Ahy, dia hofaiziko izy sy ny taranany hatramin’ny zafiafy sy ny zafindohalika;

Baiboly Protestanta Malagasy 2011

⁵ Aza miankohoka eo anatrehany ary aza manompo azy; fa Izaho, TOMPO Andriamanitrao, dia Andriamanitra saro-piaro ka mamaly ny heloky ny ray amin’ny zanaka hatramin’ny zafiafy sy ny zafindohalika, dia amin’izay mankahala Ahy,

Dikateny Iombonana Eto Madagasikara

⁵ Aza miankohoka eo anatrehan’ireny sampy ireny ary aza manompo azy, satria Izaho TOMPO Andriamanitrao dia saro-piaro amin’ny maha Andriamanitra Ahy. Raha misy olona meloka amin’izany ka mankahala Ahy, dia hofaiziko izy sy ny taranany hatramin’ny zafiafy sy ny zafindohalika;

Baiboly Katolika

⁵ Tsy hiankohoka eo anatrehan’ireny na hanompo azy akory ianao, fa Izaho Iaveh Andriamanitrao dia Andriamanitra saro-piaro, ka amin’izay mankahala Ahy, mamaly ny heloky ny ray amin’ny zanaka hatramin’ny taranaka fahatelo sy fahefatra,

Baiboly Protestanta Malagasy

⁵ Aza miankohoka eo anatrehany, ary aza manompo azy; fa Izaho, Jehovah Andriamanitrao, dia Andriamanitra saro-piaro ka mamaly ny heloky ny ray amin’ny zanaka hatramin’ny zafiafy sy ny zafindohalika, dia amin’izay mankahala Ahy;

Malagasy Bible

⁵ Aza miankohoka eo anatrehany, ary aza manompo azy; fa Izaho, Jehovah Andriamanitrao, dia Andriamanitra saro-piaro ka mamaly ny heloky ny ray amin'ny zanaka hatramin'ny zafiafy sy ny zafindohalika, dia amin'izay mankahala Ahy;

La Bible en Malgache

⁵ Aza miankohoka eo anatrehany ary aza manompo azy; fa Izaho, TOMPO Andriamanitrao, dia Andriamanitra saro-piaro ka mamaly ny heloky ny ray amin’ny zanaka hatramin’ny zafiafy sy ny zafindohalika, dia amin’izay mankahala Ahy,

Eksodosy 20:5 Rohy Ifampitohizana

2Samoela 21:1

Nisy mosary naharitra telo taona misesy tamin’ny andron’i Davida. Nanontany ny TOMPO momba izany i Davida ka novaliany hoe: –Avy amin’i Saoly sy ny fianakaviany lian-dra izao, satria i Saoly no namono nahafaty ny Gibehônita.

2Samoela 21:6

ka avelao hisy fito lahy amin’ny taranany hatolotra anay mba hahantonay eo anatrehan’ny TOMPO ao Gibehà tanànan’i Saoly ilay mpanjaka voafidin’ny TOMPO. Ka hoy ny mpanjaka: –Hatolotro ireo.

1Mpanjaka 19:10

Dia hoy ny navaliny: –Fatratra loatra ny fitiavako Anao, ry TOMPO Andriamanitr’izao rehetra izao ô, koa tsy tantiko intsony ny nandaozan’ireo Israelita ny fanekempihavananao; ny alitaranao noravany, ny mpaminaninao novonoiny ho faty; ary dia izaho irery ihany no sisa, nefa mbola mitady hahafaty ahy koa izy.

1Mpanjaka 21:29

–Moa hitanao izao fietren-tenan’i Ahaba eto anatrehako izao? Satria nanao izany izy, dia tsy hahatonga loza amin’ny fianakaviany amin’ny androny Aho, fa amin’ny andron-janany kosa.

2Mpanjaka 17:35

Rehefa nanao fanekempihavanana taminy manko ny TOMPO, dia nanome azy izao didy izao hoe: Aza manaja ny andriamani-kafa; aza miankohoka aminy ary aza manompo azy na manao sorona aminy.

2Mpanjaka 17:41

Tetsy andaniny dia mba nanaja ny TOMPO ihany izy, fa tetsy ankilany kosa dia nanompo ny sampiny izy hatramin’ny zanaka aman-jafiny mandraka ankehitriny.

2Mpanjaka 23:26

Kanefa tsy nitony ny firehetam-pahaviniran’ny TOMPO tamin’ny fanjakan’i Joda satria zavatra isan-karazany no nampahatezeran’i Manase mpanjaka Azy.

2Mpanjaka 5:18

Saingy mangata-pamelana mialoha amin’ny TOMPO aho momba izao zavatra izao: Raha miditra mba hivavaka ao amin’ny tempolin’i Rimôna andriamaniny ny tompoko mpanjakan’i Siria, dia tsy maintsy hiankohoka hitehi-tany miaraka aminy koa aho satria mitehina amin’ny tanako izy. Ny TOMPO anie hamela heloka ahy amin’izany fihetsiko izany!

2Mpanjaka 5:27

satria ny aretin-koditr’i Nahamàna dia hiraikitra aminao sy ny taranakao hatrany hatrany. Rehefa niala teo anatrehan’i Elisà i Gehazỳ, dia indro fa niempaka fotsy toa oram-panala ny hodiny.

2Tantara 25:14

Nony niverina avy nanafika ny Edômita i Amatsià, dia nitondra ny sarivongan’ny andriamanitr’ireo taranak’i Sehîra ireo ka nanangana azy ho andriamaniny; ary niankohoka teo anatrehany izy hitsaoka azy sady nanolotra sorona taminy.

2Tantara 7:19

Nefa kosa raha mivily ianareo ka mandao ny lalàna sy ny didy izay napetrako teo anoloanareo, ka mandeha manompo andriamani-kafa sy miankohoka eo anatrehany,

Joba 21:19

Fa hoy ianareo hoe: «Andriamanitra noho ny helo-dray, dia mbola hanasazy ny zanany.» Tsia! Fa aoka ilay meloka ihany no hosazin’Andriamanitra mba hahatonga saina azy.

Joba 5:4

«Ho lavi-pamonjena anie ny zanany, ka hohelohina tsisy mpiaro amin’ny fitsarana!

Salamo 109:14

Hampahatsiahivina ny TOMPO anie ny heloky ny rainy ary tsy mba ho voakosoka ny fahotan-dreniny,

Salamo 78:58

Nampahatezitra ny Tompo izy tamin’ireo toeram-panasinany sady nankasiaka mafy Azy tamin’ny sarivongan’andriamani-tsiizy.

Salamo 79:8

Aza tsaroana hamelezana anay ny heloka vitan’ireo talohanay; fa aoka ny famindramponao no ho tonga haingana hitsena anay, satria voa mafy tokoa izahay!

Salamo 81:15

dia ho nampietreko faingana ireo fahavalony ary ho nofaiziko ireo mpampahory azy.

Eksodosy 23:24

Koa aza miankohoka eo anoloan’ny andriamaniny, na manao fanompoam-pivavahana aminy na mianatra ny fanaony, fa ravao mihitsy ny sarivongan’ireo sampiny sady potipoteho ny tsangambatony.

Eksodosy 34:14

Aza miankohoka amin’andriamani-kafa ianareo, satria Izaho TOMPO dia antsoina hoe ‹Ilay mpitandro hasina›, ka Izaho irery ihany no ho Andriamanitrareo.

Ohabolana 8:36

Fa izay diso amiko dia handratra ny tenany, ary izay mankahala ahy dia tia fahafatesana.»

Isaia 44:15

Ireny no ampiasain’ny olona ho kitay ka angalany hamindroana na handrahoan-tsakafo. Ireny ihany koa no anaovany andriamanitra hiankohofany sy sarivongan-tsampy hivavahany.

Isaia 44:19

Tsy misy mieritreritra ao am-pony na mba mahalala handini-tena hoe: «Ny antsasak’ity vatan-kazo ity dia nodorako tamin’ny afo; ka ny vainafony no nanendasako mofo sy nanatsatsihako hena hohaniko. Ny antsasaky ny vatan-kazo kosa dia hanaovako sampy mamoafady, ka tapa-kazo no indro hiankohofako.»

Jeremia 2:9

Noho izany dia hifandahatra hiady aminareo Aho, ary hatrany amin’ny zafinareo no hiadiako; teny hentitra avy amiko TOMPO izany.

Jeremia 32:18

Maneho fitiavana hatramin’ny taranaka faharivo Ianao; fa raha misy nanao fahadisoana kosa ny ray aman-dreny, dia ny zanany no asainao mizaka ny vokatr’izany. Andriamanitra lehibe sy mahery Ianao, ary TOMPOn’izao rehetra izao no anaranao.

Ezekiela 18:19

«Nefa ianareo manontany hoe: Nahoana ny zanaka no tsy mba mizaka ny fahadisoan-drainy? Satria manao izay marina sy mahitsy izy ary mitandrina sy manatanteraka ny lalànako rehetra, ka dia ho velona tokoa.

Ezekiela 18:2

«Ahoana moa no amerimberenanareo izao ohabolana izao ao amin’ny tanin’i Israely hoe: ‹Ny ray aman-dreny no nihinana voaloboka marikivy, ka ny zanany ve no hadilo nify?›

Ezekiela 20:7

Ary nibaiko azy Aho samy hiala amin’ny sampy maharikoriko izay manintona azy, ka tsy handoto tena amin’ny fanompoana ireo sampy ejiptianina. Izaho no TOMPO Andriamaniny.›

Ezekiela 39:25

«Kanefa izao no lazain’ny Tompo ANDRIANANAHARY: Ankehitriny dia hamindrako fo ny Israelita rehetra izay taranak’i Jakôba ka hampodiko avy amin’ny fahababoany; ary hotakîko ny hanajan’ny olona rehetra ny anarako masina.

Ezekiela 8:3

Nisy toa tanana natsotrany tamiko ka noraisiny tamin’ny volon-dohako aho. Tanatin’izany fahitana avy amin’Andriamanitra izany, dia tsaroako ho ningain’ny Fanahin’Andriamanitra ho eny ana habakabaka aho ka nentiny hankany Jerosalema. Mby teo amin’ny vavahadin-tanàna izay mitodika mianavaratra aho, dia teo amin’ny toerana nisy ilay sarivongan-tsampy tsy zakan’Andriamanitra.

Daniela 1:2

Dia natolotry ny Tompo teo an-tanany i Jôiakima mpanjakan’i Joda ary ny ampahan’ireo fanaka tao an-tranon’Andriamanitra. Nentin’i Nebokadnetsara ho any Babilônia ireo olona babo; ny fanaka kosa nentiny ho ao an-tempolin’ireo andriamaniny ary napetrany tao amin’ny efitrano firaketan’io tempoly io.

Daniela 3:18

Ary na tsy hataony aza izany, dia aoka ho fantatrao, ry mpanjaka, fa ireo andriamanitrao dia tsy hotompoinay ary ny sarivongana volamena izay natsanganao dia tsy hivavahanay.

Levitikosy 20:5

dia Izaho mihitsy no hanandrina izany olona izany sy ny ankohonany ka hofongorako tsy ho anisan’ny vahoaka israelita izy mbamin’ireo nanaraka azy hanompo ny sampy Môlôka.

Levitikosy 26:1

«Aza manao andriamani-tsiizy, aza manangana sarin-tsampy voasokitra na manao tsangambaton-tsampy, aza manorina vato voaravaka hiankohofana eo amin’ny taninareo; fa Izaho no TOMPO Andriamanitrareo.

Levitikosy 26:29

Ho mosarena ianareo ka hihinana ny nofon-janakalahy aman-janakavavinareo.

Nahoma 1:2

Andriamanitra sarotiny sy mpanafay ny TOMPO. Manafay tokoa ny TOMPO ary mahatsiravina ny fahatezerany; eny, manafay izay manohitra Azy ny TOMPO, ary mirehi-kavinirana amin’ny fahavalony.

Nomery 14:18

«Izaho no TOMPO Izay tsy mora tezitra sady be fitiavana fa mahazaka ny heloka sy ny fikomiana. Kanefa tsy afa-maina ny meloka, fa ny heloky ny olona kosa dia valiako amin’ny taranany hatramin’ny zafindohalika.»

Nomery 14:33

ny zanakareo kosa dia ho mpiandry ondry atỳ mandritra ny efapolo taona. Izy ireo no hizaka ny vokatry ny fivadihanareo mandrapahafatinareo rehetra atỳ an-taniefitra.

Nomery 25:11

–I Pinehasa, zanakalahin’i Elehazara sady zafikelin’i Aharôna mpisorona, no nampiala ny fahatezerako tamin’ny Israelita satria niseho ho saro-piaro momba Ahy teo anivon’izy ireo; ka dia tsy nataoko lany ringana ny Israelita, na dia saro-piaro amin’ny maha Andriamanitra Ahy aza Aho.

Matio 4:9

sady nataony hoe: –Homeko Anao avokoa ireo, raha miankohoka eto anoloako Ianao ho fanajana ahy!

Jaona 15:18

–Raha ankahalain’izao tontolo izao ianareo, dia fantaro fa Izaho no efa nankahalainy talohanareo.

Jaona 7:7

Tsy afa-mankahala anareo izao tontolo izao; fa Izaho no ankahalainy, satria mijoro ho vavolombelona manambara fa ratsy ny asany.

Jaona 9:2

Dia nanontany an’i Jesoa ny mpianany nanao hoe: –Mpampianatra ô, iza moa no nanota, ralehilahy io sa ny ray aman-dreniny, no dia teraka jamba izy?

Romana 1:30

tonga mpanaratsy olona, mpankahala an’Andriamanitra, entin-kambo dia toerana, mpirehareha, mpiavonavona, mpamoron-dratsy, tsy manaiky ray aman-dreny,

Romana 8:7

Ny firònan’ny maha olona mpanota dia mifanohitra amin’Andriamanitra, ka tsy manoa sady tsy afa-manoa ny lalànan’Andriamanitra akory.

1Korintiana 10:22

Sa te hampahasaro-piaro ny Tompo ve isika? Mihevitra ho mahery noho Izy Tompo ve isika?

Deoteronomia 32:21

Ireo no nampitovy lanja Ahy tamin’andriamani-tsiizy sy naniratsira Ahy tamin’ny sampy tsinontsinona. Izaho kosa hampitovy lanja azy amin’izay tsy vahoaka akory; firenena adala no hampanaratsiako azy.

Deoteronomia 32:41

ka horanitiko hanelatselatra ny sabatro, harangarangan’ny tanako ny famaizana, dia hovaliako ny mpandrafy Ahy ary hampanodiaviko ny mpankahala Ahy ny ataony.

Deoteronomia 4:24

Fa afo mandevona tokoa ny TOMPO Andriamanitrareo; eny, Andriamanitra saro-piaro amin’ny maha Andriamanitra Azy Izy.

Deoteronomia 5:10

nefa kosa amin’izay tia Ahy sy mitandrina ny didiko, dia mamindrafo hatrany amin’ny taranaka faharivo Aho.

Deoteronomia 5:9

Aza miankohoka eo anatrehan’ireny sampy ireny ianao ary aza manompo azy, satria Izaho TOMPO Andriamanitrao dia saro-piaro amin’ny maha Andriamanitra Ahy. Raha misy olona meloka amin’izany ka mankahala Ahy, dia mamaly azy sy ny taranany hatrany amin’ny zafin-dohalika Aho;

Deoteronomia 6:15

satria Andriamanitra saro-piaro amin’ny maha Andriamanitra Azy ilay TOMPO Andriamanitrareo Izay eo afovoanareo. Koa tandremo fandrao hirehitra aminareo ny fahatezeran’ilay TOMPO Andriamanitrareo ka hofongorany tsy ho eto ambonin’ny tany ianareo.

Deoteronomia 7:10

fa an-karihary sady tsy an-kitaredretra kosa no amaliany sy andringanany an’izay mankahala Azy.

Jakoba 4:4

Olona mivadika amin’Andriamanitra ianareo! Tsy fantatrareo ve fa izay misakaiza amin’izao tontolo izao dia fahavalon’Andriamanitra? Koa na iza na iza te ho sakaizan’izao tontolo izao, dia mampahatonga ny tenany ho fahavalon’Andriamanitra.

Josoa 23:16

raha tàhiny ialànareo ny fanekempihavanana izay efa nandidian’Izy TOMPO Andriamanitrareo anareo; ary raha mandeha manompo andriamani-kafa ianareo ka hiankohoka eo anatrehan’ireo, dia hirehitra aminareo ny fahatezeran’ny TOMPO ka ho levona faingana tsy ho eto amin’ity tany soa nomeny anareo ity ianareo.

Josoa 23:7

Aza mifangaro amin’ireo firenena izay mbola tavela eo aminareo; aza miantso ny anaran’andriamaniny na mampiasa izany hianianana; aza mivavaka aminy na miankohoka eo anatrehany;

Josoa 24:19

Dia hoy i Josoa tamin’ny vahoaka: –Tsy hainareo ny hanompo ny TOMPO; fa Andriamanitra masina Izy, ka tsy hahazaka ny fahadisoanareo aman’otanareo.

Mpitsara 2:19

Kanjo raha vao maty ilay mpitsara, dia miverina indray amin’ny ratsy fanaony mihoatra noho ireo razany ny Israelita, ka manompo andriamani-tsiizy sy miankohoka eo anatrehany. Tsy nialany akory ny ratsy fanaony sy ny toetra maditra mahazatra azy.