Eksodosy 20:4 - DIEM PROTESTANTA

⁴ «Aza manao sarin-tsampy voasokitra ho anao, ampisehoanao endri-javatra izay eny amin’ny habakabaka ambony, na izay etỳ amin’ny tany ambany, na izay ao amin’ny rano ambanin’ny tany.

Baiboly Protestanta Malagasy 2011

⁴ Aza manao sarin-javatra voasokitra, na izay mety ho endriky ny zavatra izay eny amin’ny lanitra ambony, na izay etỳ amin’ny tany ambany, na izay any amin’ny rano ambanin’ny tany.

Dikateny Iombonana Eto Madagasikara

⁴ «Aza manao sarin-tsampy voasokitra ho anao, ampisehoanao endri-javatra izay eny amin’ny habakabaka ambony, na izay etỳ amin’ny tany ambany, na izay ao amin’ny rano ambanin’ny tany.

Baiboly Katolika

⁴ Tsy hanao sarin-javatra voasokitra ho anao ianao na sary fampisehoana ny zavatra eny amin’ny lanitra ambony, na ny eny amin’ny tany ambany, na ny any amin’ny rano ambanin’ny tany.

Baiboly Protestanta Malagasy

⁴ Aza manao sarin-javatra voasokitra ho anao, na ny mety ho endriky ny zavatra izay eny amin’ny lanitra ambony, na izay etỳ amin’ny tany ambany, na izay any amin’ny rano ambanin’ny tany.

Malagasy Bible

⁴ Aza manao sarin-javatra voasokitra ho anao, na ny mety ho endriky ny zavatra izay eny amin'ny lanitra ambony, na izay etỳ amin'ny tany ambany, na izay any amin'ny rano ambanin'ny tany.

La Bible en Malgache

⁴ Aza manao sarin-javatra voasokitra, na izay mety ho endriky ny zavatra izay eny amin’ny lanitra ambony, na izay etỳ amin’ny tany ambany, na izay any amin’ny rano ambanin’ny tany.

Eksodosy 20:4 Rohy Ifampitohizana

1Mpanjaka 12:28

Dia nitady hevitra i Jerôbohama mpanjaka ka nanao ombilahikely volamena roa, ary nilaza tamin’ny vahoaka hoe: –Efa be izay niakaranareo matetika tany Jerosalema izay, ry Israely ô, koa indreo ny andriamanitrareo izay nitondra anareo niala tany Ejipta.

2Mpanjaka 17:12

nanompo sampy izy na dia efa noraran’ny TOMPO tsy hanao izany aza.

2Tantara 33:7

Izay sarin-tsampy voasokitra nampanamboarin’i Manase dia napetrany tao an-tranon’Andriamanitra, izay efa nolazain’Andriamanitra tamin’i Davida sy i Salômôna zanany hoe: «Ato amin’ity trano ity sy eto Jerosalema izay nofidiko tamin’ny foko israelita rehetra no hampitoerako mandrakizay ny voninahitro.

Salamo 78:58

Nampahatezitra ny Tompo izy tamin’ireo toeram-panasinany sady nankasiaka mafy Azy tamin’ny sarivongan’andriamani-tsiizy.

Salamo 97:7

Aoka ho menatra izay rehetra manompo sampy sy mirehareha amin’ny zavatra tsinontsinona! Aoka hiankohoka eo anoloan’ny Tompo ianareo andriamanitra rehetra!

Eksodosy 20:23

Koa aza ataonareo ho toy ny andriamani-bolafotsy na volamena Aho, ary aza manamboatra ireny ho anareo.

Eksodosy 32:1

Nony hitan’ny vahoaka israelita fa tara ny fidinan’i Mosesy avy any an-tendrombohitra, dia nivory teo amin’i Aharôna izy, ka nanao taminy hoe: –Ndeha anaovy andriamanitra iray izahay handeha eo alohanay, satria tsy fantatray izay nanjo an’i Mosesy, ilay lehilahy namoaka anay hiala tany Ejipta.

Eksodosy 32:23

Tonga nilaza tamiko izy hoe: «Anaovy andriamanitra izahay hitarika anay satria tsy fantatray izay nanjo an’i Mosesy, ilay lehilahy namoaka anay hiala tany Ejipta.»

Eksodosy 32:4

Noraisin’i Aharôna ireny ka nempoiny ary nararany tamin’ny lasitra, dia nanaovany sarivongana ombilahikely iray. Dia nihoraka ny Israelita hoe: –Ity no andriamanitsika izay namoaka antsika hiala tany Ejipta!

Eksodosy 32:8

Nalaky nivily hiala tamin’ny lalana izay nasaiko nalehany izy, fa nanamboatra sarivongana ombilahikely ho azy, sady niankohoka taminy ary nanao sorona ho azy. Nilaza aza izy hoe: «Ity no andriamanitsika izay namoaka antsika hiala tany Ejipta!»

Eksodosy 34:17

«Aza manao andriamanitra sarivongana ho anareo.

Isaia 42:17

Aoka hianòtra amin-kenatra tokoa ianareo mitoky amin’ny sampy sady milaza amin’ny sarivongana hoe: «Ianareo no andriamanitray.»

Isaia 42:8

Izaho no TOMPO, izany no anarako ka ny voninahitro tsy homeko ny hafa ary ny fiderana Ahy tsy avelako ho an’ny sampy.

Isaia 45:16

Indro ny mpanamboatra sarivongan-tsampy fa ho indray menatra sy ho afa-baràka; mandeha mitanondrika izy rehetra.

Ezekiela 20:7

Ary nibaiko azy Aho samy hiala amin’ny sampy maharikoriko izay manintona azy, ka tsy handoto tena amin’ny fanompoana ireo sampy ejiptianina. Izaho no TOMPO Andriamaniny.›

Ezekiela 8:10

Dia niditra aho ary izao no hitako: rakotry ny sary mampiseho ireo biby mandady sy biby hafa mahatsiravina rehetra ny rindrina manodidina ahy, ary hita teo avokoa ny sampin’i Israely.

Ezekiela 8:3

Nisy toa tanana natsotrany tamiko ka noraisiny tamin’ny volon-dohako aho. Tanatin’izany fahitana avy amin’Andriamanitra izany, dia tsaroako ho ningain’ny Fanahin’Andriamanitra ho eny ana habakabaka aho ka nentiny hankany Jerosalema. Mby teo amin’ny vavahadin-tanàna izay mitodika mianavaratra aho, dia teo amin’ny toerana nisy ilay sarivongan-tsampy tsy zakan’Andriamanitra.

Levitikosy 19:4

«Aza mivily hanaraka ireo andriamani-tsiizy ary aza manao andriamanitra anidina ho anareo. Izaho no TOMPO Andriamanitrareo.

Levitikosy 26:1

«Aza manao andriamani-tsiizy, aza manangana sarin-tsampy voasokitra na manao tsangambaton-tsampy, aza manorina vato voaravaka hiankohofana eo amin’ny taninareo; fa Izaho no TOMPO Andriamanitrareo.

Nomery 12:8

Mifanatrika no itenenako aminy, dia amin’ny teny mazava fa tsy miafina; ary mahita Ahy TOMPO miseho aminy izy; koa nahoana ianareo no tsy natahotra hanome tsiny an’i Mosesy mpanompoko?

Asan’ny Apostoly 17:29

Koa satria avy amin’Andriamanitra no ipoirantsika, dia tsy tokony hoheverintsika fa Andriamanitra dia mitovy endrika amin’ny sampy volamena na volafotsy na vato, sary sokitra vokatry ny fahaizana amam-pisaintsainan’olombelona.

Romana 1:23

Ilay Andriamanitra be voninahitra sy tsy mety levona nosoloany sarin-javatra mety levona, dia sary mampiseho olona, vorona, biby mandeha tongotra efatra na biby mikisaka.

Deoteronomia 16:22

ary aza ampijoroanareo tsangambaton-tsampy koa eo, fa halan’ny TOMPO Andriamanitrareo izany.

Deoteronomia 27:15

«Ho voaozona anie ny olona izay manao sarin-javatra voasokitra ho sampiny na sarin-javatra amin’ny metaly nempoina ka mametraka azy hotsaohina an-takona, satria maharikoriko eo imason’ny TOMPO ny asan-tanan’ny mahay taozavatra toy ireny!» Dia hamaly ny vahoaka rehetra ka hanao hoe: «Amen!»

Deoteronomia 5:8

«Aza manao sarin-tsampy voasokitra ho anao, ampisehoanao endri-javatra izay eny amin’ny habakabaka ambony na izay etỳ amin’ny tany ambany, na izay any amin’ny rano ambanin’ny tany.

Apokalipsy 16:2

Dia nandeha ny anjely voalohany nandraraka ny tao an-doviany tamin’ny tany; ka nisy vay mandoza sady mampahory nihatra tamin’ny olona izay nanana ny mariky ny biby sy nivavaka tamin’ny sariny.

Apokalipsy 9:20

Kanefa ny olombelona, sisa tsy matin’ireo loza ireo, dia tsy niova toetra hiala tamin’ireo andriamanitra voatran’ny tanany, ka tsy nitsaha-nivavaka tamin’ny demony sy tamin’ny sampy volamena sy volafotsy sy halimo ary vato aman-kazo, sampy izay tsy afaka mijery na mandre na mamindra;

Mpitsara 17:3

Dia naverin’i Mikà tamin’ny reniny ny vola sekela 1 100; fa hoy kosa ny reniny taminy: –Efa natokako mihitsy ho an’ny TOMPO ireo vola ireo ka hankinina aminao, anaka, mba hanamboarana sampy atao sarivongana metaly narendrika. Indro àry averiko aminao izy izao.