Eksodosy 20:5 - Baiboly Protestanta Malagasy 2011

⁵ Aza miankohoka eo anatrehany ary aza manompo azy; fa Izaho, TOMPO Andriamanitrao, dia Andriamanitra saro-piaro ka mamaly ny heloky ny ray amin’ny zanaka hatramin’ny zafiafy sy ny zafindohalika, dia amin’izay mankahala Ahy,

DIEM PROTESTANTA

⁵ Aza miankohoka eo anatrehan’ireny sampy ireny ary aza manompo azy, satria Izaho TOMPO Andriamanitrao dia saro-piaro amin’ny maha Andriamanitra Ahy. Raha misy olona meloka amin’izany ka mankahala Ahy, dia hofaiziko izy sy ny taranany hatramin’ny zafiafy sy ny zafindohalika;

Dikateny Iombonana Eto Madagasikara

⁵ Aza miankohoka eo anatrehan’ireny sampy ireny ary aza manompo azy, satria Izaho TOMPO Andriamanitrao dia saro-piaro amin’ny maha Andriamanitra Ahy. Raha misy olona meloka amin’izany ka mankahala Ahy, dia hofaiziko izy sy ny taranany hatramin’ny zafiafy sy ny zafindohalika;

Baiboly Katolika

⁵ Tsy hiankohoka eo anatrehan’ireny na hanompo azy akory ianao, fa Izaho Iaveh Andriamanitrao dia Andriamanitra saro-piaro, ka amin’izay mankahala Ahy, mamaly ny heloky ny ray amin’ny zanaka hatramin’ny taranaka fahatelo sy fahefatra,

Baiboly Protestanta Malagasy

⁵ Aza miankohoka eo anatrehany, ary aza manompo azy; fa Izaho, Jehovah Andriamanitrao, dia Andriamanitra saro-piaro ka mamaly ny heloky ny ray amin’ny zanaka hatramin’ny zafiafy sy ny zafindohalika, dia amin’izay mankahala Ahy;

Malagasy Bible

⁵ Aza miankohoka eo anatrehany, ary aza manompo azy; fa Izaho, Jehovah Andriamanitrao, dia Andriamanitra saro-piaro ka mamaly ny heloky ny ray amin'ny zanaka hatramin'ny zafiafy sy ny zafindohalika, dia amin'izay mankahala Ahy;

La Bible en Malgache

⁵ Aza miankohoka eo anatrehany ary aza manompo azy; fa Izaho, TOMPO Andriamanitrao, dia Andriamanitra saro-piaro ka mamaly ny heloky ny ray amin’ny zanaka hatramin’ny zafiafy sy ny zafindohalika, dia amin’izay mankahala Ahy,

Eksodosy 20:5 Rohy Ifampitohizana

2Samoela 21:1

Nisy mosary nandritra ny telo taona misesy tamin’ny andron’i Davida, ary nanontany tamin’NY TOMPO i Davida ka hoy NY TOMPO: Avy amin’ny taranak’i Saoly, izay meloka noho ny fandatsahan-dra izao, satria namono ny Gibeonita izy.

2Samoela 21:6

koa avelao hisy fito lahy amin’ny zanany no hatolotra anay hosamatsamahinay ho an’NY TOMPO ao Gibean’i Saoly, ilay voafidin’NY TOMPO. Dia hoy ny mpanjaka: Hatolotro izy ireo.

1Mpanjaka 19:10

Dia hoy izy: Saro-piaro loatra ny foko noho ny fitiavako NY TOMPO, Andriamanitra Tompon’izao rehetra izao; fa ny Zanak’Israely dia nahafoy ny fanekenao; ny alitaranao dia noravany, ny mpaminaninao dia novonoiny tamin’ny sabatra, ary izaho dia izaho irery ihany no sisa, nefa mbola mitady hahafaty ny aiko koa izy!

1Mpanjaka 21:29

Hitanao va ny nanetren’i Ahaba tena teo anatrehako? Satria nanetry tena teo anatrehako izy dia tsy hahatonga loza aminy Aho amin’ny androny; fa any amin’ny andron’ny zanany Aho vao hahatonga loza amin’ny taranany.

2Mpanjaka 17:35

sady nanaovany fanekena sy nomeny didy hoe: Aza matahotra izay andriamanitra hafa, na miankohoka eo anatrehany, na manompo azy, na mamono zavatra ho fanatitra ho azy;

2Mpanjaka 17:41

Koa natahotra NY TOMPO ihany ireo firenena ireo, kanefa nanompo ny sarin-javatra voasokitra izy hatramin’ny zanany sy ny zafiny koa aza; tahaka ny fanaon’ny razany ihany no nataon’ireny mandraka androany.

2Mpanjaka 23:26

Nefa NY TOMPO tsy nitsahatra tamin’ny firehetan’ny fahatezerany mafy, dia ilay fahatezerana nirehitra tamin’ny Joda noho ny zavatra rehetra izay nataon’i Manase ka nahatezitra Azy.

2Mpanjaka 5:18

Nefa aoka havelan’NY TOMPO ny heloky ny mpanomponao ny amin’izao zavatra izao: Rehefa miditra ao amin’ny tempolin’i Rimona hiankohoka ao ny tompoko, ary mitehina amin’ny tanako, ka mba miankohoka ao amin’ny tempolin’i Rimona aho, NY TOMPO anie hamela ny heloky ny mpanomponao amin’izany zavatra izany raha miankohoka ao aho!

2Mpanjaka 5:27

Koa ny habokan’i Namàna dia hiraikitra aminao sy ny taranakao mandrakizay! Ary niala teo anatrehany i Gehazy ka indro, boka ka fotsy toa ny orampanala izy.

2Tantara 25:14

Nony niverina avy nanafika ny Edomita i Amazia dia nitondra ny andriamanitry ny taranak’i Seìra ka nanangana azy ho andriamaniny; ary niankohoka teo anatrehany izy sady nandoro ditin-kazo manitra ho azy.

2Tantara 7:19

Fa raha mivily kosa ianareo ka mahafoy ny didiko sy ny lalànako, izay nataoko teo anoloanareo, ka mandeha manompo andriamanitra hafa sy miankohoka eo anatrehany,

Joba 21:19

Andriamanitra, hoy ianareo, mbola hampijaly ny zanany noho ny heloky ny rainy! Tsia! Fa ny tenan’ireny ihany no tokony handray ny valiny ary aoka ho fantany izany!

Joba 5:4

Aoka ho lavitra ny famonjena ny zanany ka ho torotoro eo am-bavahady nefa tsy misy mamonjy!

Salamo 109:14

Aoka hotsarovan’NY TOMPO ny heloky ny rainy ary aoka tsy hovonoina ny heloky ny reniny.

Salamo 78:58

Nampahatezitra Azy tamin’ny toerana fanaovany sorona izy sady nahasaro-piaro Azy tamin’ny sarin-javatra voasokitra.

Salamo 79:8

Aza tsarovanao ny helokay taloha! Aoka ho avy haingana hitsena anay ny fiantranao! Fa reraka loatra izahay.

Salamo 81:15

Izay mankahala NY TOMPO dia hikoy Aminy, fa haharitra mandrakizay ny andron’ny oloko.

Eksodosy 23:24

Aza miankohoka eo anatrehan’ny andriamanitr’ireny ianao, na manompo azy, na manao toy ny fanaony; fa aringano tokoa izy ary poteho tanteraka ireo tsangambaton-tsampiny.

Eksodosy 34:14

Fa tsy hiankohoka eo anatrehan’izay andriamanitra hafa ianao; fa NY TOMPO dia saro-piaro, izany rahateo no anarany, satria Andriamanitra saro-piaro Izy.

Ohabolana 8:36

Izay diso ahy kosa dia mampidi-doza amin’ny tenany; izay rehetra mankahala ahy dia tia fahafatesana.

Isaia 44:15

Fanaovan’ny olona kitay izany ary analany hamindroany. Ampirehetiny izany mba hanendasany mofo sady anaovany andriamanitra ka ivavahany; eny, anaovany sarin-javatra voasokitra koa izany ka iankohofany.

Isaia 44:19

Tsy mieritreritra izy na mba manana fahalalana sy saina akory hitenenana hoe: Nodorako tamin’ny afo ny antsasany; eny, nanendy mofo tamin’ny vainafony aho: nanatsatsika hena aho dia nihinana; koa ny sisa dia hataoko fahavetavetana! Hiankohoka eo anatrehan’ny vatan-kazo aho!

Jeremia 2:9

Koa mbola hifandahatra aminareo Aho, hoy NY TOMPO, ary hiady amin’ny zafinareo koa.

Jeremia 32:18

Mamindra fo amin’ny arivoarivo Ianao ary mamaly ny heloky ny ray ho ao an-tratran’ny zanany mandimby azy, dia Andriamanitra lehibe sy mahery, Andriamanitra, Tompon’izao rehetra izao, no anaranao,

Ezekiela 18:19

Nefa hoy ianareo: Nahoana moa ny zanaka no tsy mba hitondra ny heloky ny rainy? Raha ny zanaka no manao izay marina sy mahitsy sy mitandrina ny didiko rehetra ka mankatò azy dia ho velona tokoa izy.

Ezekiela 18:2

Nahoana no manao izao oha-teny izao ao amin’ny tanin’ny Israely ianareo: Ny ray no mihinana voaloboka maharikivy ka ny nifin’ny zanany no madilo?

Ezekiela 20:7

dia hoy Aho taminy: Samia manary ny fahavetavetan’ny masonareo avy ianareo! Aza mandoto tena amin’ny sampin’i Ejipta! Izaho no TOMPO Andriamanitrareo.

Ezekiela 39:25

Koa izao no lazain’NY TOMPO Andriamanitra: Ankehitriny dia haveriko ho toy ny teo aloha i Jakoba, ary hamindrako fo ny taranak’Israely rehetra; ary hiseho ho saro-piaro noho ny amin’ny anarako masina Aho.

Ezekiela 8:3

Ary nisy zavatra nitarehin-tanana natsotra ka noraisiny tamin’ny voloko aho, dia nisy fanahy nanainga ahy ho eny anelanelan’ny tany sy ny lanitra ka nitondra ahy ho any Jerosalema tamin’ny fahitana avy amin’Andriamanitra, ho eo amin’ny vavahadin’ny kianja anatiny izay manatrika ny avaratra, dia ilay nisy ny sarin-javatra mampahasaro-piaro, ilay mampahasaro-piaro.

Daniela 1:2

Ary ny Tompo nanolotra an’i Joiakima, mpanjakan’ny Joda, mbamin’ny fanaka sasany tao amin’ny tranon’Andriamanitra ho eo an-tanany. Dia noentiny ho any amin’ny tany Sinara, ho ao amin’ny tranon’ireo andriamaniny ireo; ary ny fanaka dia nampidiriny tao amin’ny trano fitahirizana an’ireo andriamaniny.

Daniela 3:18

Ary na tsy izany aza, aoka ho fantatrao, ry mpanjaka ô, fa ny andriamanitrao dia tsy hotompoinay, ary ny sariolona volamena natsanganao dia tsy hivavahanay.

Levitikosy 20:5

dia hifanandrina amin’io olona io sy ny ankohonany ny tavako ka haringako tsy ho eo amin’ny fireneny izy mbamin’izay rehetra mijangajanga manaraka azy hijangajanga amin’i Moloka.

Levitikosy 26:1

Aza manao andriamanitra tsy izy. Aza manangana sarin-javatra voasokitra na manao tsangambaton-tsampy na manorina vato soratana hiankohofana eo amin’ny taninareo, fa Izaho no TOMPO Andriamanitrareo.

Levitikosy 26:29

Dia hihinana ny nofon’ny zanakareo lahy sy ny zanakareo vavy ianareo.

Nahoma 1:2

Andriamanitra saro-piaro sy mamaly heloka NY TOMPO; NY TOMPO dia mpamaly heloka sady feno fahatezerana; NY TOMPO dia mpamaly ny rafilahiny ary mitahiry fahatezerana hamelezany ny fahavalony.

Nomery 14:18

Mahari-po NY TOMPO sady be famindrampo, mamela heloka sy fahadisoana, kanefa tsy mety manamarina ny meloka, fa mamaly ny heloky ny ray amin’ny zanaka hatramin’ny zafiafy sy ny zafindohalika.

Nomery 14:33

ary ny zanakareo dia hirenireny toy ny mpiandry ondry atỳ an-tany efitra nandritra ny efapolo taona ka hiharan’ny valin’ny fijangajanganareo, mandra-pahafatinareo rehetra atỳ an-tany efitra.

Nomery 25:11

I Finehasa, zanak’i Eleazara, zanak’i Arona mpisorona, no nampiala ny fahatezerako tamin’ny Zanak’Israely satria nirehitra noho ny fitiavany Ahy izy; koa tsy nataoko lany ringana ny Zanak’Israely tamin’ny firehetan’ny fahatezerako.

Matio 4:9

sady niteny Taminy hoe: Homeko Anao izao rehetra izao raha miankohoka eto anatrehako Ianao.

Jaona 15:18

Raha halan’izao tontolo izao ianareo dia aoka ho fantatrareo fa Izaho efa halany talohanareo.

Jaona 7:7

Tsy afaka mankahala anareo izao tontolo izao; fa Izaho no halany satria Izaho milaza fa ratsy ny asany.

Jaona 9:2

Ary nanontany Azy ny mpianany hoe: Raby ô, iza moa no nanota, io lehilahy io va sa ny ray aman-dreniny, no dia teraka jamba izy?

Romana 1:30

mpifosafosa, mpankahala an’Andriamanitra, mpampahory, mpiavonavona, mpidoka tena, mpamoron-tsain-dratsy, tsy manoa ray sy reny,

Romana 8:7

satria fandrafiana an’Andriamanitra ny fihevitry ny nofo; fa tsy manaiky ny lalànan’Andriamanitra izy sady tsy hainy akory izany.

1Korintiana 10:22

Mampahasaro-piaro ny Tompo va isika? Mahery noho Izy va isika?

Deoteronomia 32:21

Ireo dia nampahasaro-piaro Ahy tamin’izay tsy Andriamanitra sy nampahasosotra Ahy tamin’ny zava-poanany; ary Izaho kosa dia hampahasaro-piaro azy amin’izay tsy olona sy hampahasosotra azy amin’izay firenena adala.

Deoteronomia 32:41

raha manasa ny sabatro manelatselatra Aho, ka voarain’ny tanako ny fitsarana, dia hampanodiaviko ny mpandrafy Ahy ny ataony ary hovaliako ny mankahala Ahy.

Deoteronomia 4:24

Fa NY TOMPO Andriamanitrao dia afo mandevona; eny, Andriamanitra saro-piaro Izy.

Deoteronomia 5:10

nefa kosa mamindra fo amin’ny olona arivo mandimby, izay tia Ahy ka mitandrina ny didiko.

Deoteronomia 5:9

Aza miankohoka eo anatrehany ary aza manompo azy; fa Izaho, TOMPO Andriamanitrao, dia Andriamanitra saro-piaro ka mamaly ny heloky ny ray amin’ny zanaka hatramin’ny zafiafy sy ny zafindohalika, dia amin’izay mankahala Ahy,

Deoteronomia 6:15

fa Andriamanitra saro-piaro aminao NY TOMPO Andriamanitrao, fandrao hirehitra aminao ny fahatezeran’NY TOMPO Andriamanitrao ka hofongorany tsy ho eo ambonin’ny tany ianao.

Deoteronomia 7:10

ary mamaly miharihary amin’ny fandringanana izay mandrafy Azy fa tsy hitaredretra.

Jakoba 4:4

Ry mpijangajanga! Tsy fantatrareo va fa fandrafiana an’Andriamanitra ny fisakaizana amin’izao tontolo izao? Koa na iza na iza te ho sakaizan’izao tontolo izao dia fahavalon’Andriamanitra izy.

Josoa 23:16

Amin’izay hivadihanareo ny faneken’NY TOMPO Andriamanitrareo izay nandidiany anareo sy handehananareo hanompo ireo andriamanitra hafa ary hiankohofanareo eo anatrehany dia hirehitra aminareo ny fahatezeran’NY TOMPO ary ho lany ringana haingana ianareo tsy ho eo amin’ny tany soa nomeny anareo.

Josoa 23:7

mba tsy hankanesanareo any amin’ireo firenena sisa eo aminareo ireo. Ny anaran’ny andriamaniny dia aoka tsy hotononinareo na hampianiananareo akory, ary aza manompo azy na miankohoka eo anatrehany;

Josoa 24:19

Ary hoy i Josoa tamin’ny vahoaka: Tsy mahay manompo NY TOMPO ianareo; fa Andriamanitra masina Izy, Andriamanitra saro-piaro Izy ka tsy hamela ny fahadisoanareo sy ny fahotanareo.

Mpitsara 2:19

Kanjo nony maty ilay mpitsara dia nanao izay ratsy mihoatra noho ny nataon’ny razany indray izy, fa nanaraka andriamanitra hafa sy nanompo azy ireo ary niankohoka teo anatrehany; tsy nitsahatra tamin’ny fanaony sy ny ditrany izy.