Eksodosy 15:26 - DIEM PROTESTANTA

²⁶ Hoy Izy taminy: «Raha ankatoavinareo tokoa Aho TOMPO Andriamanitrareo, ka ataonareo izay heveriko ho marina, raha henoinareo ny didiko, ka tandremanareo ny fitsipiko dia tsy hisy hataoko aminareo ny aretina rehetra izay namelezako ny Ejiptianina, satria Izaho no TOMPO Izay manasitrana anareo.»

Baiboly Protestanta Malagasy 2011

²⁶ ka hoy Izy: Raha mazoto mihaino ny feon’NY TOMPO Andriamanitrao ianao ka manao izay mahitsy eo imasony sy mihaino ny lalànany ary mitandrina ny didiny rehetra dia tsy hisy hataoko aminao ireny aretina rehetra izay nataoko tamin’ny Ejiptiana ireny; fa Izaho no TOMPO izay manasitrana anao.

Dikateny Iombonana Eto Madagasikara

²⁶ Hoy Izy taminy: «Raha ankatoavinareo tokoa Aho TOMPO Andriamanitrareo, ka ataonareo izay heveriko ho marina, raha henoinareo ny didiko, ka tandremanareo ny fitsipiko dia tsy hisy hataoko aminareo ny aretina rehetra izay namelezako ny Ejiptianina, satria Izaho no TOMPO Izay manasitrana anareo.»

Baiboly Katolika

²⁶ Hoy Izy: «Raha mihaino ny feon’i Iaveh Andriamanitrao ianao, raha manao izay mahitsy eo anatrehany, raha mampandry sofina amin’ny didiny ary mitandrina ny lalàny rehetra, dia tsy hisy hameliko anao ireny aretina nafitsoko ny Ejiptianina ireny, fa i Iaveh manasitrana anao Aho.»

Baiboly Protestanta Malagasy

²⁶ ka hoy Izy: Raha hazoto hihaino ny feon’i Jehovah Andriamanitrao hianao ka hanao izay mahitsy eo imasony sy hihaino ny lalàny ary hitandrina ny didiny rehetra, dia tsy hisy hataoko aminao ireny aretina rehetra ireny, izay nataoko tamin’ny Egyptiana; fa Izaho no Jehovah Izay mahasitrana anao.

Malagasy Bible

²⁶ ka hoy Izy: Raha hazoto hihaino ny feon'i Jehovah Andriamanitrao ianao ka hanao izay mahitsy eo imasony sy hihaino ny lalàny ary hitandrina ny didiny rehetra, dia tsy hisy hataoko aminao ireny aretina rehetra ireny, izay nataoko tamin'ny Egyptiana; fa Izaho no Jehovah Izay mahasitrana anao.

La Bible en Malgache

²⁶ ka hoy Izy: Raha mazoto mihaino ny feon’NY TOMPO Andriamanitrao ianao ka manao izay mahitsy eo imasony sy mihaino ny lalànany ary mitandrina ny didiny rehetra dia tsy hisy hataoko aminao ireny aretina rehetra izay nataoko tamin’ny Ejiptiana ireny; fa Izaho no TOMPO izay manasitrana anao.

Eksodosy 15:26 Rohy Ifampitohizana

1Mpanjaka 11:33

Hataoko izany satria efa nandao Ahy ireo ka niankohoka teo anatrehan’i Hastôreta andriamani-bavin’ny Tsidônianina, sy teo anatrehan’i Kemôsy andriamanitry ny Môabita, ary teo anatrehan’i Milkôma andriamanitry ny Hamônita; fa tsy mba ny sori-dalako no nizorany hanaovana izay mahitsy eo imasoko ary hitandremana ny lalàna amam-pitsipiko tahaka ny nataon’i Davida rain’i Salômôna.

1Mpanjaka 11:38

Raha henoinao izay rehetra andidiako anao ka izoranao ny sori-dalako ary ataonao izay mahitsy eo imasoko sady tandremanao ny lalànako sy ny didiko tahaka ny nataon’i Davida mpanompoko, dia hiaraka aminao Aho ka hampiorina taranaka maharitra ho anao tahaka izay nataoko tamin’i Davida; ary dia homeko anao i Israely,

2Mpanjaka 2:21

Ary niainga nankany amin’ilay loharano i Elisà, dia nanipy sira tao sady niteny hoe: –Izao no lazain’ny TOMPO: «Efa nodioviko ity rano ity, ka tsy hahatonga fahafatesana na tsy fahavokarana intsony izy.»

2Mpanjaka 20:5

hiverina ka hilaza amin’i Hezekià filohan’ny vahoakan’Andriamanitra hoe: –Izao no lazain’ny TOMPO Andriamanitr’i Davida razambenao: Reko ny vavakao ary hitako ny ranomasonao. Koa hositraniko ianao, ary raha afakampitso ihany dia hiakatra ao an-tranoko ianao.

2Mpanjaka 22:2

Nanao izay mahitsy eo imason’ny TOMPO i Jôsià; ka narahiny avokoa ny toetran’i Davida razambeny fa tsy mba nivily hiala tamin’izany izy.

Joba 5:18

Fa Andriamanitra dia mety mampijaly, raha mitsabo fery; ary ny tànany dia mety mandratra, raha manasitrana.

Salamo 103:3

Fa Izy no mamela ny heloko rehetra ary manasitrana ny aretiko rehetra.

Salamo 147:3

Manasitrana ny torotoro fo Izy sy mamehy ny ferin’ireo.

Salamo 81:9

Ry vahoakako, mihainoa fa mampitandrina Aho; satriko hihaino Ahy ianareo, ry Israelita:

Eksodosy 12:29

Nony tamin’ny misasakalina dia namono ny lahimatoa rehetra tao amin’ny tany Ejipta ny TOMPO, nanomboka amin’ny lahimatoan’ny Farao izay nipetraka eo amin’ny sezafiandrianany ka hatramin’ny lahimatoan’ny babo tao an-tranomaizina mbamin’ny voalohan-teraky ny biby fiompy rehetra.

Eksodosy 19:5

Koa ankehitriny, raha mihaino tsara izay lazaiko ianareo ka manaja ny fanekempihavanako, dia hanjary vahoaka sarobidy manokana ho Ahy eo amin’ny firenena rehetra. Fa Ahy manko ny tany manontolo,

Eksodosy 19:6

saingy ianareo kosa dia ho fanjaka-mpisorona ho Ahy, ho firenena voatokana hanompo Ahy.» Ireo no teny izay hambaranao amin’ny Israelita.

Eksodosy 20:2

–Izaho no TOMPO Andriamanitrao, Izay namoaka anao hiala tany Ejipta, toera-nanandevozana anao.

Eksodosy 23:25

Izaho TOMPO Andriamanitrareo irery ihany no hivavahanareo; amin’izay Aho dia hitahy anareo ka hanome anareo sakafo sy fisotro, sady hampanalavitra ny aretina aminareo.

Isaia 55:3

Mankanesa atỳ amiko ianareo, ka manongilàna sofina; henoy Aho, dia ho velombelona indray ny tenanareo. Hanaovako fanekempihavanana mandrakizay ianareo ka homeko ny fitahiana nampanantenaiko an’i Davida:

Isaia 57:18

ary hitako ny fitondrantenany. Saingy izao no lazaiko: Hanasitrana ny vahoakako Aho, ka hitari-dalana sy hampahery azy. Ary ho an’ireo olony misaona kosa,

Jeremia 11:7

Fa nananatra mafy ny razanareo aho hatramin’ny andro izay nampiakarako azy hiala tany Ejipta ary manao izany mandraka androany; eny, nananatra tsy an-kiato aho milaza hoe: henoinareo izay lazaiko.

Jeremia 17:24

«Ianareo kosa, mihainoa Ahy tsara, hoy ny teny hentitra avy amiko TOMPO. Aza mampandalo entana amin’ireo vavahadin’ny tanàna ireo amin’ny andro sabata; fa atokany ho Ahy izany andro izany ka aza manao raharaha akory ianareo.

Jeremia 30:17

Satria ireo efa niantso anao hoe: «Ry ilay tsy misy ilana azy,» «ry Tsiôna tsy misy miahy akory», koa hositraniko ny ratranao ary hohamainiko ny ferinao; teny hentitra avy amiko TOMPO izany.».

Jeremia 33:6

«Kanefa indro Aho hitsabo an’i Jerosalema ka hahasitrana azy tanteraka; ary hasehoko mitafotafo amin’ny mponina indray ny fiadanana sy ny filaminana.

Jeremia 7:23

Fa izao kosa no nandidiako azy: Henoy izay lazaiko, dia ho Andriamanitrareo Aho ary ianareo ho vahoakako. Araho ny lalàna izay nandidiako anareo, dia hahita soa ianareo.

Jeremia 8:22

Moa tsy misy balisama mampitony na dokotera ve any Gilehada? Nahoana no tsy mety sitrana ny ratran’ny fireneko?

Ezekiela 18:5

«Aoka hatao hoe misy lehilahy marina iray ka manao izay marina sy mahitsy.

Hosea 11:3

Izaho no nampiana-mandeha an’i Efraîma sady nitondra azy an-trotroana. Kanefa tsy fantany fa Izaho no nikarakara azy.

Hosea 6:1

Hoy ianareo roa tonta hoe: «Ndeha hiverina amin’ny TOMPO isika; fa Izy no nahatonga ny ratrantsika, nefa Izy ihany no hahasitrana antsika. Izy no nikapoka antsika nefa Izy no hitsabo ny ferintsika.

Levitikosy 26:13

Izaho no TOMPO Andriamanitrareo, Ilay namoaka anareo hiala tany Ejipta mba tsy hanandevozany anareo intsony; notapahiko ny zioga izay teo aminareo mba hitrakanareo fandeha.

Levitikosy 26:3

«Raha manaraka ny lalànako ianareo ka imasoanareo hotanterahina ny didiko,

Nomery 12:13

Nitaraina tamin’ny TOMPO i Mosesy ka nanao hoe: –Andriamanitra ô, mba sitrano re izy!

Deoteronomia 12:25

Eny, aza haninareo izany mba ho sambatra ianareo sy ny taranaka amam-paranareo, satria izay mahitsy eo imason’ny TOMPO no hataonareo.

Deoteronomia 12:28

Henoy sy tandremo ireo didy rehetra izay ampitaiko aminareo ireo, mba ho sambatra lalandava ianareo sy ny taranaka amam-paranareo, satria izay tsara sy mahitsy eo imason’ny TOMPO Andriamanitrareo no hotanterahinareo.

Deoteronomia 13:18

Aoka tsy hisy hataon’ny tananao fihi-mamba ny zavatra efa nafoy holevonina, mba hitsaharan’ny TOMPO amin’ny fahatezerany mirehitra; dia hamindrany fo tokoa ianareo ary hohamaroiny araka ny nampanantenainy ombàm-pianianana tamin’ny razambenareo,

Deoteronomia 28:27

Hamelezan’ny TOMPO anareo, tahaka ny hamelezany an’i Ejipta, ny vay isan-karazany sy ny hatina ary ny hazaka tsy andairam-panafody;

Deoteronomia 28:58

Imasoy hotanterahina ny didy rehetra amin’ity Lalàna ity, dia ny didy rehetra voasoratra ato amin’ity boky ity; ary hajao ilay mitondra ny anarana be voninahitra sady mendri-kohajaina hoe «Ny TOMPO Andriamanitrareo». Raha tsy izany no tandrovinareo,

Deoteronomia 28:60

Hataony mifotitra aminareo ny aretina rehetra nihatra tamin’ny Ejiptianina, aretina izay natahoranareo kanefa dia hiraikitra aminareo.

Deoteronomia 32:39

Fantaro ankehitriny fa Izaho ihany no Andriamanitra ary tsy misy andriamani-kafa miolotra amiko: Izaho no mahafaty sy mahavelona, Izaho no maharatra sy mahasitrana, ary tsy misy mahafaka olona eo am-pelatanako.

Deoteronomia 5:1

Dia novorîn’i Mosesy ny Israelita rehetra ka nilazany hoe: –Ry Israelita, henoy ny lalàna amam-pitsipika izay ampitaiko ho renareo anio; ianaro ireo àry imasoy ny fanatanterahana azy.

Deoteronomia 7:15

Ary harovan’ny TOMPO tsy ho azon’aretina ianareo, ka tsy hisy hamelezany anareo ny aretin-dratsy izay fantatrareo fa nanjo an’i Ejipta; saingy hafitsony amin’izay rehetra mankahala anareo kosa ireny.