Eksodosy 15:16 - DIEM PROTESTANTA

¹⁶ Tahotra sy horohoro no mahazo azy ireo! Manoloana ny halehiben’ny herinao, ry TOMPO, dia tsy nihetsika toy ny vato izy ambara-pahatafita ilay vahoakanao, dia ny vahoaka izay navotanao.

Baiboly Protestanta Malagasy 2011

¹⁶ Tonga aminy ny tahotra sy ny hovitra; noho ny halehiben’ny sandrinao dia mangina tahaka ny vato izy, mandra-pandalon’ny olonao, TOMPO ô, mandra-pandalon’ny olona izay nalainao ho Anao.

Dikateny Iombonana Eto Madagasikara

¹⁶ Tahotra sy horohoro no mahazo azy ireo! Manoloana ny halehiben’ny herinao, ry TOMPO, dia tsy nihetsika toy ny vato izy ambara-pahatafita ilay vahoakanao, dia ny vahoaka izay navotanao.

Baiboly Katolika

¹⁶ Ho resin-tahotra sy zoim-pahoriana izy ireo. Noho ny herin-tsandrinao, hanjary toa vato tsy mahahetsika izy ireo. Mandra-pandalon’ny vahoakanao, ry Iaveh ô, Mandra-pandalon’ny vahoakanao izay navotanao.

Baiboly Protestanta Malagasy

¹⁶ Mahazo azy ny tahotra sy ny hovitra; Noho ny halehiben’ny sandrinao dia mangina tahaka ny vato izy. Mandra-pandalon’ ny olonao, Jehovah ô, Mandra-pandalon’ ny olona izay navotanao.

Malagasy Bible

¹⁶ Mahazo azy ny tahotra sy ny hovitra; Noho ny halehiben'ny sandrinao dia mangina tahaka ny vato izy. mandra-pandalon'ny olonao, Jehovah ô, mandra-pandalon'ny olona izay navotanao.

La Bible en Malgache

¹⁶ Tonga aminy ny tahotra sy ny hovitra; noho ny halehiben’ny sandrinao dia mangina tahaka ny vato izy, mandra-pandalon’ny olonao, TOMPO ô, mandra-pandalon’ny olona izay nalainao ho Anao.

Eksodosy 15:16 Rohy Ifampitohizana

Genesisy 35:5

Ary rehefa niala teo ry i Jakôba sy ny zanany, dia nampihorohoroin’Andriamanitra ireo tanàna manodidina, ka tsy nisy sahy nanarakaraka azy avy taoriana.

2Samoela 7:23

Moa misy eto an-tany firenena tahaka an’i Israely vahoakanao? Dia ilay firenena navotanao ho afaka tamin’ireo Ejiptianina sy ireo andriamaniny mba ho tonga vahoakanao ka nomenao laza tamin’ny nanatanterahanao izao asa lehibe izao ho azy ary zava-mahatahotra ho an’ny taninao.

Salamo 105:38

Ravoravo ny Ejiptianina rehefa niala ny Israelita, satria efa nianjadian’ny tahotra azy loatra.

Salamo 74:2

Tsarovy ilay vahoakanao izay efa azonao hatramin’ny ela, dia ireo foko navotanao ho fanananao; tsarovy ny tendrombohitra Tsiôna izay nataonao fonenana.

Salamo 89:14

Anao ny hery tsy hay tohaina; azo antoka ny fifehezanao, tsy refesi-mandidy ny fahefànao.

Eksodosy 11:7

Fa ao amin’ny Israelita rehetra kosa dia tsy handrenesana na inona na inona, na dia ny vovòn’alika amin’ny olona sy amin’ny biby fiompy aza. Izay no hahafantaranareo fa Izaho TOMPO dia manavaka ny Ejiptianina amin’ny Israelita».

Eksodosy 15:13

Tarihinao amin’ny fitiavanao ny vahoaka izay navotanao. Amin’ny herinao no itondranao azy ho amin’ny fonenany masina.

Eksodosy 15:5

Nandrakotra azy ny ranobe: nilentika any amin’ny farany ambany toy ny vato alatsaka izy.

Eksodosy 15:6

TOMPO ô, malaza ho mahery ny sandrinao ankavanana, ka manorotoro fahavalo!

Eksodosy 18:8

Notantarain’i Mosesy tamin’ny rafozany avokoa izay rehetra nataon’ny TOMPO tamin’ny Farao sy ny Ejiptianina noho ny amin’i Israely; notantarainy koa ny zava-tsarotra rehetra niseho teny an-dalana sy ny nanafahan’ny TOMPO ilay vahoakany.

Eksodosy 20:2

–Izaho no TOMPO Andriamanitrao, Izay namoaka anao hiala tany Ejipta, toera-nanandevozana anao.

Eksodosy 23:20

«Haniraka anjely iray hialoha anareo Aho, mba hiaro anareo eny an-dàlana; izy no hitarika anareo ho ao amin’ny tany izay efa nomaniko ho anareo.

Eksodosy 23:22

Raha mankatò azy hatrany ianareo, ka manatanteraka an-tsipiriany izay rehetra nandidiako anareo, dia Izaho Tompo no ho fahavalon’izay fahavalonareo, ary handrafy izay mandrafy anareo.

Eksodosy 23:27

«Halefako hialoha anareo ny tahotra Ahy, ka hisavoritaka ny firenena rehetra izay hidiranareo.

Eksodosy 6:7

Halaiko ho vahoakako ianareo, ary Izaho ho Andriamanitrareo; dia ho fantatrareo fa Izaho TOMPO Andriamanitrareo no namoaka anareo hiala amin’ny asa an-terivozona nampanaovin’ny Ejiptianina.

Isaia 51:10

Moa tsy ianao no nahamaina ny ranomasina, dia ny rano ao amin’ny hantsana lalimbe, ka nahatonga ny fanambanin’ny ranomasina ho lalana hiampitan’ny voaavotra?

Isaia 63:12

Izy no nampandroso ny sandriny mamirapiratra teo ankavanan’i Mosesy, ka nampisaraka ny ranomasina teo anoloan’ny vahoakany mba hananany laza mandrakizay.

Jeremia 31:11

Fa efa nanavotra ny olon’i Israely ny TOMPO ka nanafaka azy tamin’ireo mahery noho izy.

Ezekiela 16:8

Nandalo teo anilanao indray Aho, ka hitako fa tonga amin’ny taonan’ny fitiavana ianao. Koa narakotro anao ny lambako mba hanarona ny fitanjahanao. Nianiana Aho fa tsy hivadika aminao sady nanao fanekempihavanana taminao, ka Ahy ianao. Teny hentitra avy amiko Tompo ANDRIANANAHARY izany.

Asan’ny Apostoly 20:28

Tandremo ny tenanareo sy ny ondry rehetra nankinin’ny Fanahy Masina aminareo mba handrasanareo. Karakarao ny Fiangonana izay novidin’Andriamanitra tamin’ny alalan’ny ra nafoin-Janany.

Deoteronomia 11:25

Tsy hisy hahatohitra anareo fa hataon’ny TOMPO Andriamanitrareo ho azon’ny tahotra sy horohoro anareo ny tany rehetra hodiavin’ny faladian-tongotrareo, araka ny nampanantenainy anareo.

Deoteronomia 2:25

Manomboka anio, dia hataoko mahazo ny firenena rehetra ambany lanitra ny horohoro sy tahotra anareo; ka vantany vao reny ny lazanareo, dia hangovitra sy hipararetra noho ny aminareo izy.»

Deoteronomia 2:4

Koa izao no baiko homenao ny vahoaka: ‹Efa tomorinareo ny tanin’ny taranak’i Hesao havanareo izay eo amin’ny faritr’i Sehîra. Atahorany ianareo; nefa mitandrema tsara

Deoteronomia 32:6

Moa izany no tokony ho navalinareo ny TOMPO, ry vahoaka adala, tsy misy fahendrena? Moa tsy Izy no Rainareo, ka fananany ianareo? Tsy Izy ve no nanao sy nampiorina anareo?

Deoteronomia 32:9

Anjaran’ny TOMPO kosa ilay vahoakany; ny taranak’i Jakôba no natokany ho fananany.

Titosy 2:14

I Jesoa Kristy dia nanolo-tena ho antsika mba hanavotra antsika ho afaka amin’ny ratsy rehetra ka hahatonga antsika ho vahoaka voadio, natao ho Azy tokoa sy hazoto hanatontosa asa tsara.

Josoa 2:9

ka niteny taminy hoe: –Fantatro fa efa nomen’ny TOMPO anareo ity tany misy anay ity ka ny mponina rehetra dia raiki-tahotra anareo sady rera-po eo anoloanareo.

Josoa 4:24

Izany no hahafantaran’ny firenena rehetra ambonin’ny tany fa lehibe ny herin’ny TOMPO, ary hanajanareo mandrakizay ny TOMPO Andriamanitrareo!

1Petera 2:9

Fa ianareo kosa dia taranaka voafidy, fanjaka-mpisorona, firenena masina, vahoaka natao ho fananan’Andriamanitra, mba hitory ireo asa lehibe vitan’Andriamanitra Izay niantso anareo hiala tamin’ny haizina ho any amin’ny fahazavana mahagaga.

2Petera 2:1

Nisy mpaminany sandoka teo amin’ny vahoaka Israely; toy izany koa no hisian’ny mpampianatra sandoka eo aminareo: hampiditra an-tsokosoko fampianaran-diso mahavery izy ireo sady handà ny Tompo Izay nanavotra azy, ka hitarika fahaverezana tampoka ho an’ny tenany.

1Samoela 2:9

Tsinjoviny ny fiainan’ireo mpivavaka aminy, fa ny olon-dratsy kosa hovereziny any amin’ny haizina; satria tsy amin’ny herin’ny tenany no hahazoan’ny olona fandresena.

1Samoela 25:37

Ny ampitso maraina, rehefa afaka ny hamamoan’i Nabala, vao notantarain’ny vadiny taminy izay nitranga, ka voadona mafy ny fony, hany ka tsy nahahetsika toy ny vato izy.