Eksodosy 14:27 - DIEM PROTESTANTA

²⁷ Dia nahinjitr’i Mosesy teo ambony ranomasina ny tanany. Niverina ho amin’ny toerany ny ranomasina rehefa ho maraina ny andro ka nifanehatra taminy ireo Ejiptianina nandositra, dia narian’ny TOMPO tao afovoan’ny ranomasina ny Ejiptianina.

Baiboly Protestanta Malagasy 2011

²⁷ Dia natsotran’i Mosesy teo ambonin’ny ranomasina ny tanany ka niverina ho amin’ny toerany teo aloha ny ranomasina rehefa nadiva ho maraina ny andro; nitsoaka nandositra ny rano ny Ejiptiana, kanjo notsenainy ihany, ary narian’NY TOMPO teo afovoan’ny ranomasina ny Ejiptiana.

Dikateny Iombonana Eto Madagasikara

²⁷ Dia nahinjitr’i Mosesy teo ambony ranomasina ny tanany. Niverina ho amin’ny toerany ny ranomasina rehefa ho maraina ny andro ka nifanehatra taminy ireo Ejiptianina nandositra, dia narian’ny TOMPO tao afovoan’ny ranomasina ny Ejiptianina.

Baiboly Katolika

²⁷ Dia nahinjitr’i Môizy teo ambonin’ny ranomasina ny tanany, ka vao nangirana ny andro dia nody tamin’ny toerany andavanandro ny ranomasina. Nandositra ny Ejiptianina ka tojo azy, ka dia navarin’i Iaveh tao anaty ranomasina ny Ejiptianina.

Baiboly Protestanta Malagasy

²⁷ Dia nahinjitr’i Mosesy teo ambonin’ny ranomasina ny tànany, ka nikatona ho tahaka ny teo ny ranomasina, rehefa nadiva ho maraina ny andro; ary ny Egyptiana nandositra, kanjo nitsena ny rano ihany izy, dia narian’i Jehovah teo afovoan’ny ranomasina ny Egyptiana.

Malagasy Bible

²⁷ Dia nahinjitr'i Mosesy teo ambonin'ny ranomasina ny tànany, ka nikatona ho tahaka ny teo ny ranomasina, rehefa nadiva ho maraina ny andro; ary ny Egyptiana nandositra, kanjo nitsena ny rano ihany izy, dia narian'i Jehovah teo afovoan'ny ranomasina ny Egyptiana.

La Bible en Malgache

²⁷ Dia natsotran’i Mosesy teo ambonin’ny ranomasina ny tanany ka niverina ho amin’ny toerany teo aloha ny ranomasina rehefa nadiva ho maraina ny andro; nitsoaka nandositra ny rano ny Ejiptiana, kanjo notsenainy ihany, ary narian’NY TOMPO teo afovoan’ny ranomasina ny Ejiptiana.

Eksodosy 14:27 Rohy Ifampitohizana

Nehemia 9:11

Nosarahinao teo anoloan’ny razanay ny ranomasina ka nandeha teo afovoany nandia tany maina izy; fa ireo mpanenjika azy kosa natsipinao tao amin’ny hantsana ka nilentika tahaka ny vato amin’ny rano lalina.

Salamo 106:11

Voarakotry ny rano kosa ireo mpandrafy ka tsy nisy niangana na iray aza;

Salamo 136:15

fa nanipy ny Farao sy ny tafiny tao; –eny, maharitra mandrakizay ny fitiavany!

Salamo 78:53

nentiny tamim-pilaminana ireo ka tsy natahotra, fa ny fahavalony no voasaron-dranomasina.

Isaia 10:26

Harangarangan’ny TOMPOn’izao rehetra izao manko ny karavasy hikapohany an’i Asiria tahaka izay nataony tamin’ny famelezana ny Midianita teo amin’ny harambaton’i Hôreba; ary hatsotrany eny ambony ranomasina ny tehiny, toy izay nataony tany Ejipta.

Deoteronomia 11:4

teo ny nataon’ny TOMPO hamelezana ny tafika ejiptianina sy ny soavaliny aman-kalesiny, dia ny nanaronany azy tao amin’ny Ranomasin’ny Volotara fony nanenjika anareo izy ka voaringana tsy hisy intsony;

Hebreo 11:29

Finoana no nitan’ireo Israelita ny Ranomasina Mena toy ny nandia tany maina; fa nony mba nanandrana nanao toy izany ireo Ejiptianina, dia voatelin’ny rano.

Josoa 24:7

Tamin’izay ny razanareo no niantso vonjy tamiko TOMPO; koa nametrahako haizina mikitroka tanelanelan’ireo sy ny Ejiptianina sady nazerako tamin’ireto Ejiptianina ireto ny onjan-dranomasina ka nanafotra azy. Fantatrareo tsara izay efa nataoko hamelezana ny Ejiptianina! Avy teo dia nipetraka ela tany an-taniefitra ny razanareo.

Josoa 4:18

Ary niakatra ireo mpisorona nitondra ny Vatamasina; ka raha vao nigadona teo an-tanety ny tongony, dia niverina tamin’ny laoniny indray ny ranon’i Jôrdàna ary nihoatra ny morony rehetra toy ny teo aloha.