Eksodosy 14:21 - DIEM PROTESTANTA

²¹ Nahinjitr’i Mosesy teo ambony ranomasina ny tanany. Ary ny TOMPO nampitsoka rivo-mahery avy any atsinanana nandritra ny alina manontolo ka nanosika ny ranomasina hanamaina azy. Nisaraka ny ranomasina,

Baiboly Protestanta Malagasy 2011

²¹ Dia natsotran’i Mosesy teo ambonin’ny ranomasina ny tanany ka rivotra mahery avy any atsinanana no nampisavan’NY TOMPO ny ranomasina nandritra iny alina iny, ary nataony tany maina ny ranomasina sady voasaraka ny rano.

Dikateny Iombonana Eto Madagasikara

²¹ Nahinjitr’i Mosesy teo ambony ranomasina ny tanany. Ary ny TOMPO nampitsoka rivo-mahery avy any atsinanana nandritra ny alina manontolo ka nanosika ny ranomasina hanamaina azy. Nisaraka ny ranomasina,

Baiboly Katolika

²¹ Nony nahinjitr’i Môizy teo ambonin’ny ranomasina ny tanany dia nohemorin’i Iaveh ny ranomasina tamin’ny rivotra nifofofofo mafy avy any atsinanana nandritra ny alina, ka nataony tonga maina ny ranomasina fa nisaraka roa ny rano.

Baiboly Protestanta Malagasy

²¹ Dia nahinjitr’i Mosesy teo ambonin’ny ranomasina ny tànany; ary rivotra mahery avy atsinanana no nampisavan’i Jehovah ny ranomasina mandritra iny alina iny, ka nataony tany maina ny ranomasina, ary dia voasaraka ny rano.

Malagasy Bible

²¹ Dia nahinjitr'i Mosesy teo ambonin'ny ranomasina ny tànany; ary rivotra mahery avy atsinanana no nampisavan'i Jehovah ny ranomasina mandritra iny alina iny, ka nataony tany maina ny ranomasina, ary dia voasaraka ny rano.

La Bible en Malgache

²¹ Dia natsotran’i Mosesy teo ambonin’ny ranomasina ny tanany ka rivotra mahery avy any atsinanana no nampisavan’NY TOMPO ny ranomasina nandritra iny alina iny, ary nataony tany maina ny ranomasina sady voasaraka ny rano.

Eksodosy 14:21 Rohy Ifampitohizana

Genesisy 8:1

Rehefa afaka izany, dia notsarovan’Andriamanitra i Noà sy ny bibidia rehetra ary ny biby fiompy rehetra izay niaraka taminy tao anatin’ny sambofiara; ka nampandalo rivo-mahery teny ambonin’ny tany Izy, dia niharîtra ny rano.

2Mpanjaka 2:8

Nalain’i Elià ny akanjobeny, dia nahorongorony ary nikapohany ny rano. Dia nisaraka roa ilay rano ka nita tamin’ny tany maina izy mianaka.

Nehemia 9:11

Nosarahinao teo anoloan’ny razanay ny ranomasina ka nandeha teo afovoany nandia tany maina izy; fa ireo mpanenjika azy kosa natsipinao tao amin’ny hantsana ka nilentika tahaka ny vato amin’ny rano lalina.

Joba 26:12

Ny heriny no namolahany ny ranomasina, ary ny fahendreny no handreseny an’i Rahaba.

Joba 38:24

Aiza moa ny lalana ipariahan’ny fahazavana, ary ny toerana iaingan’ny rivotra avy atsinanana mba hielezany etỳ ambonin’ny tany?

Salamo 136:13

Izy no nampisaraka ny Ranomasin’ny Volotara –eny, maharitra mandrakizay ny fitiavany!

Salamo 148:8

ry afo sy havandra, ry orampanala sy zavona, ry rivotra mahery izay mpankatò ny teniny;

Salamo 66:6

ny ranomasina novany ho tany maina, nitan’ny razanay an-tongotra ny ony. Aoka hifaliantsika eto izany asany izany!

Salamo 74:13

Mampisaraka ny ranomasina tamin’ny herinao Ianao, namakivaky ny lohan’ny dragona teny ambony ranobe,

Salamo 78:13

nosarahiny ny ranomasina mba hampitany azy ireo, nasainy nivangongo ny rano ho tahaka ny fefiloha;

Eksodosy 14:16

Ingao ny tehinao, ka ahinjiro eo ambony ranomasina ny tananao. Ary saraho ny rano, dia hamaky eo afovoan’ny rano eo amin’ny tany maina ny Israelita.

Eksodosy 14:20

Nifindra teo anelanelan’ny tobin’ny Ejiptianina sy ny tobin’ny Israelita teo anelanelan’ny tobin’ny Ejiptianina sy ny tobin’ny Israelita ny andry rahona. Io andry rahona io dia maizina tany andaniny fa nanazava ny alina kosa taty ankilany. Koa tsy afaka nifanatona izy roa tonta nandritra ny alina.

Eksodosy 15:8

Noho ny hamafin’ny fofonainao dia nisavovona ny ranobe; nivangongo toa rindrina ny onjan-drano; teo amin’ny fanambanin’ny ranomasina no nifitsaka ny alon-drano.

Eksodosy 7:19

Ary hoy koa ny TOMPO tamin’i Mosesy: –Lazao i Aharôna handray ny tehinao ka haninjitra ny tanany manandrify ny rano rehetra eto Ejipta, izany hoe ny renirano sy ny lakan-drano mbamin’ny farihy rehetra; dia hiova ho ra ny rano amin’ireny. Ary hisy ra manerana ny tany Ejipta manontolo, hatrany an-tsinibe hazo sy vato.

Isaia 23:11

Efa naninji-tanana ny TOMPO, mba handrahonana ny ranomasina, efa nampangorohoro ny fanjakana maro Izy, ary efa nanome baiko handravana ireo tanàna mimanda teo amin’ny Kanahanita.

Isaia 43:16

Izao no lazain’ny TOMPO, ilay nanokatra lalana tany an-dranomasina sy nitari-dalana teo anivon’ny rano manonja,

Isaia 44:27

Hoy Aho amin’ny ranomasina lalimbe: ‹Aoka ho maina ianao, fa horitiko ny ranobenao.›

Isaia 50:2

Nahoana, fony tonga Aho, no tsy nahita olona; nahoana, fony niantso Aho, no tsy nisy namaly? Ny tanako ve no fohy loatra ka tsy mahavonjy? Sa Izaho no tsy manan-kery hoenti-manafaka? Indro mandrahona fotsiny Aho, dia maina ny ranomasina na manjary taniefitra ny ony. Amin’izay, noho ny tsy fisian’ny rano, dia matin-ketaheta ny trondro ka maimbo.

Isaia 51:10

Moa tsy ianao no nahamaina ny ranomasina, dia ny rano ao amin’ny hantsana lalimbe, ka nahatonga ny fanambanin’ny ranomasina ho lalana hiampitan’ny voaavotra?

Isaia 51:15

Satria Izaho Tompo no Andriamanitrao, Ilay mamolaka ny ranomasina raha mirohondrohona ny onjany; Ny TOMPOn’izao rehetra izao no anarako.

Isaia 63:12

Izy no nampandroso ny sandriny mamirapiratra teo ankavanan’i Mosesy, ka nampisaraka ny ranomasina teo anoloan’ny vahoakany mba hananany laza mandrakizay.

Isaia 63:13

Izy no nampandeha azy ireo teo amin’ny fanambanin’ny ranomasina; toy ny soavaly mikarenjy any an-taniefitra ireo ka tsy mba solafa-mamindra.

Habakoka 3:8

Moa ny ony va, TOMPO ô, no irehetan’ny fahatezeranao sa ny ranomasina no isafoahanao, no dia ny rahona no toa kalesy tarihin-tsoavaly itaingenanao mba hahazoam-pandresena?

Asan’ny Apostoly 7:36

I Mosesy no nahavita zava-mahagaga amam-pamantarana tany Ejipta sy tany amin’ny Ranomasina Mena ary tany an-taniefitra nandritra ny efapolo taona, ka nahatafavoaka ny Israelita.

Josoa 2:10

Efa renay ny fomba nataon’ny TOMPO hanamainana ny Ranomasin’ny Volotara teo anoloan’ny razanareo niala tany Ejipta. Efa renay koa fa novonoinareo i Sihôna sy i Hôga izay mpanjaka amôrita anankiroa tany andafy atsinanan’i Jôrdàna ka nafoinareo ho an’ny TOMPO ny fananany rehetra.

Josoa 3:17

Ny mpisorona izay nitondra ny Vatamasina mirakitra ny fanekempihavanan’ny TOMPO dia nijoro tamin’ny tany maina teo afovoan’i Jôrdàna, mandra-pahatafita ny Israelita rehetra izay nandia tany maina ho eny ampita.

Josoa 4:23

Eny, nataon’ny TOMPO Andriamanitrareo maina ny falehan’ny ranon’i Jôrdàna teo anoloantsika mandra-pitantsika, tahaka izay nataony tamin’ny Ranomasin’ny Volotara teo anoloan’ny razantsika mandra-pitany.»