Eksodosy 14:22 - DIEM PROTESTANTA

²² ary nita teo am-povoany nandia tany maina ny Israelita, fa nisavovona toa tamboho teo ankavanany sy ankaviany ny rano.

Baiboly Protestanta Malagasy 2011

²² Dia nandeha teo afovoan’ny ranomasina nandia tany maina ny Zanak’Israely; fa ny rano dia tonga fefy teo ankavanany sy teo ankaviany.

Dikateny Iombonana Eto Madagasikara

²² ary nita teo am-povoany nandia tany maina ny Israelita, fa nisavovona toa tamboho teo ankavanany sy ankaviany ny rano.

Baiboly Katolika

²² Dia niditra teo afovoan’ny ranomasina efa tonga maina ny zanak’i Israely ary zary rindrina ho azy ireo eo ankavanany sy ankaviany ny rano.

Baiboly Protestanta Malagasy

²² Dia nandeha teo afovoan’ny ranomasina nandia ny tany maina ny Zanak’Isiraely; ary ny rano dia tonga fefy ho azy teo amin’ny ankavanany sy teo amin’ny ankaviany.

Malagasy Bible

²² Dia nandeha teo afovoan'ny ranomasina nandia ny tany maina ny Zanak'Isiraely; ary ny rano dia tonga fefy ho azy teo amin'ny ankavanany sy teo amin'ny ankaviany.

La Bible en Malgache

²² Dia nandeha teo afovoan’ny ranomasina nandia tany maina ny Zanak’Israely; fa ny rano dia tonga fefy teo ankavanany sy teo ankaviany.

Eksodosy 14:22 Rohy Ifampitohizana

2Mpanjaka 2:14

Noraisin’i Elisà ilay akanjoben’i Elià ka nikapohany ny rano, sady nihiaka izy hoe: –Aiza ny TOMPO Andriamanitr’i Elià? Aiza Izy? Mba nikapoka ny rano koa i Elisà, dia nisaraka roa izany ary niampita izy.

2Mpanjaka 2:8

Nalain’i Elià ny akanjobeny, dia nahorongorony ary nikapohany ny rano. Dia nisaraka roa ilay rano ka nita tamin’ny tany maina izy mianaka.

Nehemia 9:11

Nosarahinao teo anoloan’ny razanay ny ranomasina ka nandeha teo afovoany nandia tany maina izy; fa ireo mpanenjika azy kosa natsipinao tao amin’ny hantsana ka nilentika tahaka ny vato amin’ny rano lalina.

Salamo 106:9

Norahonany ny Ranomasin’ny Volotara ka maina niaraka tamin’izay; dia toy ny mandeha amin’ny tany maina no nitondrany azy hitety ny fanambanin’ny ranobe.

Salamo 136:13

Izy no nampisaraka ny Ranomasin’ny Volotara –eny, maharitra mandrakizay ny fitiavany!

Salamo 136:14

ka nampandalo ny Israelita teo anivony, –eny, maharitra mandrakizay ny fitiavany!

Salamo 66:6

ny ranomasina novany ho tany maina, nitan’ny razanay an-tongotra ny ony. Aoka hifaliantsika eto izany asany izany!

Salamo 74:15

Nanokafanao lalana ny loharano sy ny sakeli-drano, ary nataonao tankina ny ony tsy mety ritra.

Salamo 78:13

nosarahiny ny ranomasina mba hampitany azy ireo, nasainy nivangongo ny rano ho tahaka ny fefiloha;

Eksodosy 14:29

Fa ny Israelita kosa dia niampita ny ranomasina nandia tany maina, fa ny rano dia nisavovona toa tamboho teo ankavanany sy ankaviany.

Eksodosy 15:19

Rehefa niditra tao anaty ranomasina ny soavalin’ny Farao sy ny kalesiny ary ny mpitaingina azy, dia naverin’ny TOMPO hanafotra azy ireo ny ranomasina; fa ny Israelita kosa niampita teo afovoan’ny ranomasina nandia tany maina.

Eksodosy 15:8

Noho ny hamafin’ny fofonainao dia nisavovona ny ranobe; nivangongo toa rindrina ny onjan-drano; teo amin’ny fanambanin’ny ranomasina no nifitsaka ny alon-drano.

Isaia 11:15

Handritra ny helo-dranomasin’i Ejipta ny TOMPO; haninji-tanana handrahona ny ony Eofrata Izy, ka ny rivo-mahery avy aminy no hizaràny azy hisampantsampana ho sakeli-drano fito izay ho azo diavin-tongotra tsy miala kapa.

Isaia 11:16

Hisy lalana ho an’ny sisa velona amin’ny vahoakany, dia izay sisa velona avy any Asiria, tahaka izay niseho fahiny tamin’i Israely fony izy niakatra avy tany Ejipta.

Isaia 43:16

Izao no lazain’ny TOMPO, ilay nanokatra lalana tany an-dranomasina sy nitari-dalana teo anivon’ny rano manonja,

Isaia 51:10

Moa tsy ianao no nahamaina ny ranomasina, dia ny rano ao amin’ny hantsana lalimbe, ka nahatonga ny fanambanin’ny ranomasina ho lalana hiampitan’ny voaavotra?

Isaia 63:12

Izy no nampandroso ny sandriny mamirapiratra teo ankavanan’i Mosesy, ka nampisaraka ny ranomasina teo anoloan’ny vahoakany mba hananany laza mandrakizay.

Isaia 63:13

Izy no nampandeha azy ireo teo amin’ny fanambanin’ny ranomasina; toy ny soavaly mikarenjy any an-taniefitra ireo ka tsy mba solafa-mamindra.

Zakaria 2:5

Nanopy maso indray aho, ka indro hitako nisy lehilahy nihazona tady fandrefesana.

Nomery 33:8

niala teo Py-Hahirôta, dia namakivaky ny ranomasina mba hihazo ny taniefitra ary nandeha lalana telo andro tany an-taniefitra dia nitoby tao Marà.

1Korintiana 10:1

Tiako hotsarovanareo, ry havako, izay nanjo ireo razantsika niara-dia tamin’i Mosesy. Tambanin’ny rahona izy rehetra; ary namakivaky ny Ranomasina Mena izy rehetra.

Hebreo 11:29

Finoana no nitan’ireo Israelita ny Ranomasina Mena toy ny nandia tany maina; fa nony mba nanandrana nanao toy izany ireo Ejiptianina, dia voatelin’ny rano.

Josoa 3:16

dia nijanona ny rano avy any ambony ka nisavovona toy ny antontan-javatra terỳ lavitra terỳ, dia terỳ amin’ny tanàna Adama izay takaikin’ny tanàna Tsaratàna; ary ny rano ambany izay nikoriana ho any amin’ny Ranomasina Maty kosa dia ritra tanteraka, hany ka afaka niampita tandrifin’i Jerikao ny vahoaka.

Josoa 3:17

Ny mpisorona izay nitondra ny Vatamasina mirakitra ny fanekempihavanan’ny TOMPO dia nijoro tamin’ny tany maina teo afovoan’i Jôrdàna, mandra-pahatafita ny Israelita rehetra izay nandia tany maina ho eny ampita.

Josoa 4:22

dia izao no hampahafantarinareo azy: «Nandia tany maina isika Israelita fahizany raha nita io Jôrdàna io.

1Samoela 25:16

Izy ireo no toy ny manda fiarovana ho anay andro aman’alina tamin’ny andro rehetra niandrasanay ondry teo aminy.