Eksodosy 14:21 - Baiboly Katolika

²¹ Nony nahinjitr’i Môizy teo ambonin’ny ranomasina ny tanany dia nohemorin’i Iaveh ny ranomasina tamin’ny rivotra nifofofofo mafy avy any atsinanana nandritra ny alina, ka nataony tonga maina ny ranomasina fa nisaraka roa ny rano.

Baiboly Protestanta Malagasy 2011

²¹ Dia natsotran’i Mosesy teo ambonin’ny ranomasina ny tanany ka rivotra mahery avy any atsinanana no nampisavan’NY TOMPO ny ranomasina nandritra iny alina iny, ary nataony tany maina ny ranomasina sady voasaraka ny rano.

DIEM PROTESTANTA

²¹ Nahinjitr’i Mosesy teo ambony ranomasina ny tanany. Ary ny TOMPO nampitsoka rivo-mahery avy any atsinanana nandritra ny alina manontolo ka nanosika ny ranomasina hanamaina azy. Nisaraka ny ranomasina,

Dikateny Iombonana Eto Madagasikara

²¹ Nahinjitr’i Mosesy teo ambony ranomasina ny tanany. Ary ny TOMPO nampitsoka rivo-mahery avy any atsinanana nandritra ny alina manontolo ka nanosika ny ranomasina hanamaina azy. Nisaraka ny ranomasina,

Baiboly Protestanta Malagasy

²¹ Dia nahinjitr’i Mosesy teo ambonin’ny ranomasina ny tànany; ary rivotra mahery avy atsinanana no nampisavan’i Jehovah ny ranomasina mandritra iny alina iny, ka nataony tany maina ny ranomasina, ary dia voasaraka ny rano.

Malagasy Bible

²¹ Dia nahinjitr'i Mosesy teo ambonin'ny ranomasina ny tànany; ary rivotra mahery avy atsinanana no nampisavan'i Jehovah ny ranomasina mandritra iny alina iny, ka nataony tany maina ny ranomasina, ary dia voasaraka ny rano.

La Bible en Malgache

²¹ Dia natsotran’i Mosesy teo ambonin’ny ranomasina ny tanany ka rivotra mahery avy any atsinanana no nampisavan’NY TOMPO ny ranomasina nandritra iny alina iny, ary nataony tany maina ny ranomasina sady voasaraka ny rano.

Eksodosy 14:21 Rohy Ifampitohizana

Genesisy 8:1

Ary Andriamanitra nahatsiaro an’i Nôe sy ny biby ary ny biby fiompy rehetra izay niaraka taminy tao an-tsambo fiara; ary Andriamanitra nandefa rivotra tamin’ny tany ary nihena ny rano;

2Mpanjaka 2:8

Dia nalain’i Elia ny kapaotiny; nahorony nikapohany ny rano, izay nisaraka roa teo an-daniny avy, ary izy roa lahy nita tamin’ny tany maina.

Nehemia 9:11

Nosarahinao teo anoloan’ireny ny ranomasina ka dia namaky teo afovoan’ny ranomasina nandia tany maina izy; fa ireo mpanenjika azy kosa nazeranao tao amin’ny hantsana, sahala amin’ny vato, ao anatin’ny ranobe.

Joba 26:12

Ny heriny no anaingany ny ranomasina, ny fahendreny no anorotoroany ny avonavona.

Joba 38:24

Aiza ho aiza no lalana izarazaran’ny mazava?

Salamo 136:13

Izay nampisaraka roa ny Ranomasina Mena, fa mandrakizay ny famindram-pony.

Salamo 148:8

afo aman-kavandra, oram-panala aman’etona, rivotra mahery izay manatanteraka ny fandaharany,

Salamo 66:6

Nampodiny ho tany maina ny ranomasina, ka nandeha tongotra namaky ny ony ny olona, dia faly taminy izahay.

Salamo 74:13

Ianao no nampisaraka ny ranomasina tamin’ny herinao, nanorotoro ny lohan’ireo biby goavam-be tao anaty rano.

Salamo 78:13

nampisaraka ny ranomasina hampandehanany azy ireo; nitana ny rano mitsangana toy ny antontan-javatra miavosa.

Eksodosy 14:16

Ianao manainga ny tehinao sy maninjira ny tananao eo ambonin’ny ranomasina dia hampisaraka roa azy; ary ny zanak’i Israely kosa hamaky eo afovoany mandia tany maina,

Eksodosy 14:20

Dia nankeo anelanelan’ny tobin’ny Ejiptianina sy ny tobin’ny zanak’i Israely izy; maizina ny ilan’io rahona io; ary ny ilany manazava ny alina, ka tsy nifanatona ny toby roa nandritra ny alina.

Eksodosy 15:8

Noho ny fofon’ain’ny vavoronao, Niangona niavosa ny rano, Niantsavovona ny onjan-drano; Raikitra nandry tao anaty mason-dranomasina ny alon-drano.

Eksodosy 7:19

Hoy i Iaveh tamin’i Môizy: «Lazao amin’i Aarôna hoe: Raiso ny tehinao ary ahinjiro eo ambonin’ny ranon’i Ejipta ny tananao, dia amin’ny reniranony, amin’ny lakan-dranony, amin’ny dobo aman-kamoriny rehetra. Hanjary ra ireny ary hisy ra amin’ny tany Ejipta manontolo, na amin’ny fasian-drano hazo, na amin’ny fasian-drano vato.»

Isaia 23:11

I Iaveh efa naninjitra ny tanany amin’ny ranomasina, nampihorohoro ny fanjakana; nanao didy hamelezana ny tanànany mimanda.

Isaia 43:16

Izao no lazain’i Iaveh, Izay nanao lalana eny amin’ny ranomasina, sakeli-dalana eny amin’ny rano mahery,

Isaia 44:27

Izaho no milaza amin’ny hantsana hoe: «Tankìna! Hataoko ritra ny oninao.»

Isaia 50:2

Tonga Aho: nahoana no tsy nisy olona? Niantso Aho: nahoana no tsy nisy namaly? Moa fohy tanana va Aho, ka tsy afa-namonjy? Sa tsy ampy hery hoenti-manafaka? Vao rahonako fotsiny dia maina ny ranomasina, zary efitra ny ony, maimbo ny hazandranony, fa ritra ny rano, ka matin’ny hetaheta ireny.

Isaia 51:10

Tsy Ianao va no nahamaina ny ranomasina, dia ny rano tao amin’ny hantsam-be. Ka nanao ny fanambanin’ny ranomasina ho lalana nalehan’ny navotana?

Isaia 51:15

Izaho dia Iaveh Andriamanitrao, izay mampanonja ny ranomasina, ka dia mirohondrohona ny onjany; Iavehn’ny tafika no anarany.

Isaia 63:12

izay nampandeha, teo ankavanan’i Môizy, ny sandriny be voninahitra, izay nampisaraka ny rano teo anoloany, hahazoany anarana mandrakizay;

Isaia 63:13

izay nampandeha azy namaky ny hantsana ka tsy tafintohina, tahaka ny soavaly mamaky ny tany lava volo,

Habakoka 3:8

Amin’ny ony va no mahatezitra an’i Iaveh? sa amin’ny ony no irehetan’ny fahatezeranao? amin’ny ranomasina no mampisafoaka anao, raha ilay mitaingina ny soavalinao iny Ianao, raha mitaingina ny kalesim-pamonjenao?

Asan’ny Apostoly 7:36

Izy ihany no nanafaka azy ireo, tamin’ny fahagagana amam-pamantarana nataony tany Ejipta, sy tao amin’ny ranomasina Mena, ary tany an’efitra efapolo taona.

Josoa 2:10

Renay ny nanamainan’i Iaveh ny Ranomasina Mena teo anoloanareo, fony ianareo nivoaka avy tany Ejipta; sy ny nanaovanareo ny mpanjakan’ny Amôreana roa lahy, tany an-dafin’i Jordany, dia i Sehôna sy i Oga, izay nataonareo anatema.

Josoa 3:17

Nitsatoka tsy nihetsika tamin’ny tany maina teo afovoan’i Jordany ny mpisorona nitondra ny fiaran’ny faneken’i Iaveh, nandritra ny nitan’i Israely rehetra tamin’ny tany maina, mandra-pahatafitan’ny firenena an’i Jordany.

Josoa 4:23

Satria nataon’i Iaveh Andriamanitrareo maina ny ranon’i Jordany teo anoloanareo mandra-pitanareo, toy ny nataon’i Iaveh Andriamanitrareo tamin’ny Ranomasina Mena, izay nataony maina teo anoloantsika, mandra-pitantsika,