Eksodosy 11:1 - DIEM PROTESTANTA

¹ Hoy ny TOMPO tamin’i Mosesy: –Mbola asiako loza iray farany ny Farao sy ny Ejiptianina. Aorian’izany vao halefany handeha ianareo; ary horoahiny tanteraka aza ianareo hiala eto.

Baiboly Protestanta Malagasy 2011

¹ Hoy anefa NY TOMPO tamin’i Mosesy: Mbola hahatonga loza iray amin’i Farao sy i Ejipta koa Aho. Aorianan’izany dia hamela anareo handeha hiala eto izy. Rehefa mamela anareo rehetra handeha izy dia ho may handroaka anareo hiala etỳ.

Dikateny Iombonana Eto Madagasikara

¹ Hoy ny TOMPO tamin’i Mosesy: –Mbola asiako loza iray farany ny Farao sy ny Ejiptianina. Aorian’izany vao halefany handeha ianareo; ary horoahiny tanteraka aza ianareo hiala eto.

Baiboly Katolika

¹ Ary hoy i Iaveh tamin’i Môizy: «Loza iray sisa hamelezako an’i Faraôna sy i Ejipta, fa rehefa afaka izany, dia halefany hiala atỳ ianareo; ary rehefa handefa anareo tokoa izy, dia horoahiny aza ianareo hiala atỳ.

Baiboly Protestanta Malagasy

¹ FA Jehovah nilaza tamin’i Mosesy hoe: Mbola hahatonga loza iray koa amin’i Farao sy Egypta Aho; ary rehefa afaka izany, dia handefa anareo hiala atỳ izy; ary rehefa handefa anareo rehetra izy, dia handroaka anareo fatratra hiala atỳ.

Malagasy Bible

¹ Fa Jehovah nilaza tamin'i Mosesy, hoe: Mbola hahatonga loza iray koa amin'i Farao sy Egypta Aho; ary rehefa afaka izany, dia handefa anareo hiala atỳ izy; ary rehefa handefa anareo rehetra izy, dia handroaka anareo fatratra hiala atỳ.

La Bible en Malgache

¹ Hoy anefa NY TOMPO tamin’i Mosesy: Mbola hahatonga loza iray amin’i Farao sy i Ejipta koa Aho. Aorianan’izany dia hamela anareo handeha hiala eto izy. Rehefa mamela anareo rehetra handeha izy dia ho may handroaka anareo hiala etỳ.

Eksodosy 11:1 Rohy Ifampitohizana

Genesisy 15:14

Avy eo kosa dia hofaiziko ny firenena izay notompoiny, ka hiainga mitondra fananam-be avy any ireo taranakao.

Joba 10:17

Totoafo ny fanafihana ataonao amiko; ataonao avo roa heny ny fahatezeranao amiko, ary tafika mifanontona no mamely ahy.

Eksodosy 12:29

Nony tamin’ny misasakalina dia namono ny lahimatoa rehetra tao amin’ny tany Ejipta ny TOMPO, nanomboka amin’ny lahimatoan’ny Farao izay nipetraka eo amin’ny sezafiandrianany ka hatramin’ny lahimatoan’ny babo tao an-tranomaizina mbamin’ny voalohan-teraky ny biby fiompy rehetra.

Eksodosy 3:20

Izany no hanehoako ny fahefako tsy hay tohaina ka hamelezako an’i Ejipta amin’ny zava-mahagaga rehetra izay hataoko ao anatiny, ary aorian’izany vao halefany ianareo.

Eksodosy 6:1

Fa namaly an’i Mosesy ny TOMPO hoe: –Ankehitriny vao ho hitanao izay hataoko amin’ny Farao, fa noho ny herin-tsandriko dia havelany handeha ny Israelita; eny, noho ny herin-tsandriko, dia horoahiny hiala amin’ny taniny izy ireo!

Eksodosy 9:14

Fa amin’ity indray mandeha ity dia halefako hamely anao sy ny mpanomponao ary ny vahoakanao ny loza rehetra mba ho fantatrao fa tsy misy tahaka ahy eto ambonin’ny tany.

Levitikosy 26:21

«Raha mbola toherinareo ihany Aho ka tsy henoinareo, dia hokapohiko impito henin’izany koa ianareo araka ny fahotanareo.

Deoteronomia 4:34

Moa efa nisy ve andriamanitra sampy nanandrana nanafaka firenena anankiray teo an-tanan’ny firenen-kafa mba hatokany ho azy, ka nampiasa fizahan-toetra sy famantarana ary zava-mahagaga sy ady ombàn’ny fiarovana mahery sy fahefana tsy hay tohaina ary fampatahorana goavana? Tsia, kanefa teo imasoanareo indrindra no nanaovan’ny TOMPO Andriamanitrareo izany rehetra izany ho anareo tany Ejipta.

Apokalipsy 16:9

Ary main’ny hafanana be ny olona; kanefa ny manevateva ny anaran’Andriamanitra Izay manam-pahefana amin’ireny loza ireny no nataony, fa tsy ny miala amin’ny toe-dratsiny mba hanome voninahitra an’Andriamanitra.

1Samoela 6:4

Hoy kosa ny Filistinina hoe: –Fa inona àry no fanonerana haterinay aminy? Dia hoy ny navalin’ny mpisorona sy ny mpimasy: –Araka izay isan’ireo andriana filohan’ny Filistinina, dia mba anatero sarin-kitso volamena dimy sy totozy volamena dimy; fa aretina iray ihany no mahazo anareo rehetra mbamin’ny filohanareo.