Eksodosy 10:21 - DIEM PROTESTANTA

²¹ Hoy ny TOMPO tamin’i Mosesy: –Atsangano manondro lanitra ny tananao hisian’ny haizina manerana an’i Ejipta, dia haizina mikitroka.

Baiboly Protestanta Malagasy 2011

²¹ Hoy indray NY TOMPO tamin’i Mosesy: Atsory manandrify ny lanitra ny tananao mba hampisy haizina ao amin’ny tany Ejipta, dia haizina azo tsapain-tanana.

Dikateny Iombonana Eto Madagasikara

²¹ Hoy ny TOMPO tamin’i Mosesy: –Atsangano manondro lanitra ny tananao hisian’ny haizina manerana an’i Ejipta, dia haizina mikitroka.

Baiboly Katolika

²¹ Ary hoy i Iaveh tamin’i Môizy: «Ahinjiro manandrify ny lanitra ny tananao, hisian’ny haizim-pito amin’ny tany Ejipta, sady haizina azo tsapain-tanana.»

Baiboly Protestanta Malagasy

²¹ ARY hoy Jehovah tamin’i Mosesy: Ahinjiro manandrify ny lanitra ny tànanao, mba hisy aizina amin’ny tany Egypta, dia aizina azo tsapaina.

Malagasy Bible

²¹ Ary hoy Jehovah tamin'i Mosesy: Ahinjiro manandrify ny lanitra ny tananao, mba hisy aizina amin'ny tany Egypta, dia aizina azo tsapaina.

La Bible en Malgache

²¹ Hoy indray NY TOMPO tamin’i Mosesy: Atsory manandrify ny lanitra ny tananao mba hampisy haizina ao amin’ny tany Ejipta, dia haizina azo tsapain-tanana.

Eksodosy 10:21 Rohy Ifampitohizana

Joba 5:14

Tojo ny haizina amin’ny andro antoandro izy; ka dia amin’ny mitataovovonana, no iraparapany toy ny amin’ny alina.

Salamo 105:28

Dia nahatonga haizim-pito Andriamanitra ka nanjary maizina izany tany izany ary tsy nisy nahatohitra ny teniny.

Salamo 35:6

ary aoka ho maizina sy halama ny lalany, rehefa hanenjika azy ny anjelin’ny TOMPO!

Salamo 78:49

Nozeràny fahatezerana mirehitra ny Ejiptianina, dia fahavinirana sy fisafoahana ary fampahoriana izay toy ny andian’iraka tonga hitondra loza.

Eksodosy 7:19

Ary hoy koa ny TOMPO tamin’i Mosesy: –Lazao i Aharôna handray ny tehinao ka haninjitra ny tanany manandrify ny rano rehetra eto Ejipta, izany hoe ny renirano sy ny lakan-drano mbamin’ny farihy rehetra; dia hiova ho ra ny rano amin’ireny. Ary hisy ra manerana ny tany Ejipta manontolo, hatrany an-tsinibe hazo sy vato.

Eksodosy 9:22

Hoy ny TOMPO tamin’i Mosesy: –Atsangano manondro lanitra ny tananao! Aoka ny havandra hirotsaka amin’ny tany Ejipta manontolo, amin’ny olona sy ny biby fiompy ary amin’ny voly rehetra any an-tsaha.

Ohabolana 4:19

Fa ny toetran’ny olon-dratsy fanahy kosa toy ny haizim-pito ka tsy fantany akory izay hanafintohina azy.

Mpitoriteny 2:14

Satria ny hendry mahita ny tokony halehany, fa ny adala kosa miraparapa ao anaty haizina. Nefa fantatro koa fa mitovy ihany ny hanjo azy roa tonta.

Mpitoriteny 6:4

Fa na dia zava-poana aza ny nahatongavan’io zazarano io ka tao anaty haizina no nahalasanany ary tsy hotsarovana intsony izy;

Ezekiela 32:7

Rehefa maty ianao, dia hohamaiziniko ny lanitra, hosaronako ny fahazavan’ny kintana, hotakonako rahona ny masoandro ary tsy hamirapiratra intsony ny hazavan’ny volana.

Matio 27:45

Hatramin’ny mitataovovonana dia nanomboka rakotra haizina ny faritany manontolo, ka naharitra hatramin’ny telo tolakandro izany.

Marka 15:33

Tamin’ny mitataovovonana, dia rakotra haizina ny faritany manontolo, ka naharitra hatramin’ny telo tolakandro izany.

Lioka 23:44

Tamin’ny mitataovovonana teo ho eo, dia takona ny masoandro ka rakotra haizina ny faritany manontolo ary naharitra hatramin’ny telo tolakandro izany. Nitriatra nizara roa kosa ny efitra lamba tao amin’ny Toeramasina tao an-tempoly.

Deoteronomia 1:30

Ny TOMPO Andriamanitrareo, Ilay mandeha eo alohanareo, no hiady ho anareo, araka izay rehetra nataony ho anareo teo imasonareo tany Ejipta

Deoteronomia 28:29

Dia hitsapatsapa ianareo na dia amin’ny mitataovovonana aza, tahaka ny jamba mitsapatsapa ao anaty haizim-pito; tsy hahomby amin’ny zavatra hirosoanareo ianareo; hampahorîn’ny sasany sy hobaboiny mandrakariva ianareo, fa tsy hisy hamonjy.

Deoteronomia 4:34

Moa efa nisy ve andriamanitra sampy nanandrana nanafaka firenena anankiray teo an-tanan’ny firenen-kafa mba hatokany ho azy, ka nampiasa fizahan-toetra sy famantarana ary zava-mahagaga sy ady ombàn’ny fiarovana mahery sy fahefana tsy hay tohaina ary fampatahorana goavana? Tsia, kanefa teo imasoanareo indrindra no nanaovan’ny TOMPO Andriamanitrareo izany rehetra izany ho anareo tany Ejipta.

2Petera 2:17

Ireo mpampianatra sandoka ireo dia loharano ritra, zavona avoivoin’ny tafio-drivotra, ka ny haizim-pito no voatahiry ho azy ireo.

2Petera 2:4

Ireo anjely, fony nanota, dia tsy namindran’Andriamanitra fo, fa noroahiny ho any amin’ny toeran’ny maty ka natolony ho ao an-davaka maizina mangitsokitsoka izay itanana azy ho amin’ny fitsarana.

Joda 1:13

toy ny onjan-dranomasina misamboaravoara ka mamorivory henatra vokatry ny ataony; toy ny tain-kintana mirenireny, ka voatahiry mandrakizay ho an’ny haizina mangitsokitsoka.

Joda 1:6

ary ny anjely izay tsy nitana ny fiamboniana nomena azy fa nandao ny fonenany, dia tazonin’ny Tompo am-patorana mandrakizay ao anaty haizina mandra-pahatongan’ny andro lehibe hanamelohana azy;

Apokalipsy 8:12

Nitsoka trompetra ilay anjely fahefatra, dia niharan-doza ny ampahatelon’ny masoandro sy ny ampahatelon’ny volana ary ny ampahatelon’ireo kintana rehetra, mba tsy hamiratra intsony mandritra ny ampahatelom-potoana famiratany; ka tsy nisy hazavan’ny masoandro intsony nandritra ny ampahatelon’ny antoandro, ary tsy nisy hazavan’ny volana aman-kintana toy izany koa nandritra ny ampahatelon’ny alina.