Eksodosy 10:16 - DIEM PROTESTANTA

¹⁶ Niantso an’i Mosesy sy i Aharôna haingana ny Farao ka nanao taminy hoe: –Diso tamin’ny TOMPO Andriamanitrareo sy taminareo aho.

Baiboly Protestanta Malagasy 2011

¹⁶ Dia nampiantso an’i Mosesy sy i Arona haingana i Farao ka niteny hoe: Efa nanota tamin’NY TOMPO Andriamanitrareo sy taminareo aho.

Dikateny Iombonana Eto Madagasikara

¹⁶ Niantso an’i Mosesy sy i Aharôna haingana ny Farao ka nanao taminy hoe: –Diso tamin’ny TOMPO Andriamanitrareo sy taminareo aho.

Baiboly Katolika

¹⁶ Koa nampanalain’i Faraôna faingana i Môizy sy i Aarôna nilazany hoe: «Efa nanota tamin’i Iaveh Andriamanitrareo sy taminareo aho.

Baiboly Protestanta Malagasy

¹⁶ Ary Farao dia nampaka an’i Mosesy sy Arona faingana ka nanao hoe: Efa nanota tamin’i Jehovah Andriamanitrareo sy taminareo aho.

Malagasy Bible

¹⁶ Ary Farao dia nampaka an'i Mosesy sy Arona faingana ka nanao hoe: Efa nanota tamin'i Jehovah Andriamanitrareo sy taminareo aho.

La Bible en Malgache

¹⁶ Dia nampiantso an’i Mosesy sy i Arona haingana i Farao ka niteny hoe: Efa nanota tamin’NY TOMPO Andriamanitrareo sy taminareo aho.

Eksodosy 10:16 Rohy Ifampitohizana

2Samoela 19:20

sady niteny taminy hoe: –Aza isainao heloka aho, ry andriamanjaka. Aza tsaroanao ny fahadisoako tamin’ny andro nandaozanao an’i Jerosalema. Aoka tsy hataonao am-po izany!

2Samoela 24:10

Nahatsiaro ny tenany ho meloka i Davida taorian’ilay fanisam-bahoaka; ka hoy izy tamin’ny TOMPO: –Fahotana lehibe no vitako tamin’izao nataoko izao. Koa ankehitriny mifona aminao aho, TOMPO ô, mba avelao ny heloko fa efa nanao fahadalana lehibe tokoa aho.

2Samoela 24:17

Raha nahita ilay anjely mpandringana ny vahoaka i Davida, dia nanao tamin’ny TOMPO hoe: –Izaho no nanota, izaho no nanao ratsy! fa ireo ondry ireo moa no nanao inona? Koa mifona aminao re aho, aoka ny tananao hamely ahy sy ny fianakaviako.

Eksodosy 8:25

Dia hoy i Mosesy hoe: –Raha vao miala eto aminao aho, dia hangataka amin’ny TOMPO. Rahampitso ihany dia hoesoriny tsy ho eo aminao sy ny tandapanao ary ny vahoakanao ny fihitra. Fa izao kosa, aoka ianao tsy hamitaka anay intsony ka tsy handefa ny Israelita hanao sorona aminy indray.

Eksodosy 8:8

Dia niala teo anatrehan’ny Farao i Mosesy sy i Aharôna. Ary nitaraina tamin’ny TOMPO i Mosesy momba ireo sahona izay efa namelezany ny Farao;

Eksodosy 9:27

Dia nampiantso an’i Mosesy sy Aharôna ny Farao ka nilaza taminy hoe: –Diso aho tamin’ity indray mandeha ity. Izao sy ny vahoakako no meloka, fa ny TOMPO dia manao ny marina.

Ohabolana 28:13

Izay manafina ny fahotany tsy mba hahita fahombiazana, fa izay miaiky izany ka miala aminy no hahazo indrafo.

Nomery 21:7

Dia nankeo amin’i Mosesy ny vahoaka sisa ka nanao hoe: –Efa nanota izahay fa nanome tsiny ny TOMPO sy ny tenanao. Koa ifony re ny TOMPO mba hanala ireo bibilava ireo aminay. Dia nifona ho an’ny vahoaka i Mosesy.

Nomery 22:34

Dia hoy i Balahama tamin’ilay anjelin’ny TOMPO: –Nanota aho satria tsy nahafantatra fa ianao no nisakan-dalana ahy. Koa ankehitriny raha tsy tianao ny hankanesako any, dia hiverina hody aho.

Matio 27:4

sady nilaza hoe: –Nanota aho fa nanolotra olona tsy manan-tsiny hovonoina. Fa hoy ireo: –Ahoanay inona izany? Raharahanao ny anao!

1Samoela 15:24

Ka hoy ny navalin’i Saoly azy: –Efa nanota tokoa aho, satria nandika ny didin’ny TOMPO sy ny teninao. Natahotra ny miaramila manko aho, ka nanaraka ny teniny.

1Samoela 15:30

Fa hoy ihany i Saoly hoe: –Efa diso aho, kanefa aoka re mba homenao voninahitra eo anatrehan’ny loholon’ilay Israely vahoakako ihany aho; miverena miaraka amiko mba hahazoako eo anatrehan’ny TOMPO Andriamanitrao.

1Samoela 26:21

Hoy kosa i Saoly hoe: –Nanota tokoa aho, koa miverena, ry Davida zanako; fa tsy hanisy ratsy anao intsony aho, satria sarobidy taminao ny aiko androany. Nitondra tena toy ny adala aho, ka mahatsiaro ho diso tokoa.