Daniela 3:27 - DIEM PROTESTANTA

²⁷ Dia nitangorona ireo solotenan’andriamanjaka sy ny mpifehy faritany ary ny governora sy ireo mpanolotsain’ny mpanjaka mba hijery ireo lehilahy ireo; ka hitany fa tsy nampaninona ny tenan’izy ireo akory ny afo, tsy may ny volon-dohany, tsy simba ny fitafiany sady tsy maimbo afo akory.

Baiboly Protestanta Malagasy 2011

²⁷ Dia nifanatona ny solo-mpanjaka, ny mpanapaka, ny governora ary ny mpanolotsainan’ny mpanjaka ka nahita ireo lehilahy ireo; hitany fa tsy nanan-kery hampaninona ny tenany akory ny afo, tsy nisy singam-bolo nikainkona tamin’ny lohany, tsy nihetsika ny lobany, ary tsy nisy fofon’afo akory taminy.

Dikateny Iombonana Eto Madagasikara

²⁷ Dia nitangorona ireo solotenan’andriamanjaka sy ny mpifehy faritany ary ny governora sy ireo mpanolotsain’ny mpanjaka mba hijery ireo lehilahy ireo; ka hitany fa tsy nampaninona ny tenan’izy ireo akory ny afo, tsy may ny volon-dohany, tsy simba ny fitafiany sady tsy maimbo afo akory.

Baiboly Protestanta Malagasy

²⁷ Dia nifanatona ny solo-mpanjaka sy ny mpanapaka sy ny governora ary ny mpanolo-tsain’ny mpanjaka ka nahita ireo lehilahy ireo, fa tsy nanankery hampaninona ny tenany akory ny afo, na nisy singam-bolo nikainkona tamin’ny lohany, na niova ny lobany, ary tsy nisy fofon’afo akory taminy.

Malagasy Bible

²⁷ Dia nifanatona ny solo-mpanjaka sy ny mpanapaka sy ny governora ary ny mpanolotsain'ny mpanjaka ka nahita ireo lehilahy ireo, fa tsy nanan-kery hampaninona ny tenany akory ny afo, na nisy singam-bolo nikainkona tamin'ny lohany, na niova ny lobany, ary tsy nisy fofon'afo akory taminy.

La Bible en Malgache

²⁷ Dia nifanatona ny solo-mpanjaka, ny mpanapaka, ny governora ary ny mpanolotsainan’ny mpanjaka ka nahita ireo lehilahy ireo; hitany fa tsy nanan-kery hampaninona ny tenany akory ny afo, tsy nisy singam-bolo nikainkona tamin’ny lohany, tsy nihetsika ny lobany, ary tsy nisy fofon’afo akory taminy.

Daniela 3:27 Rohy Ifampitohizana

1Mpanjaka 13:28

dia nandeha ilay mpaminany antitra ka nahita ny fatin-dralehilahy niampatra teo amin’ny lalana ary ny boriky sy ny liona nijanona teo anilan’ny faty; nefa ny liona tsy nihinana ny faty ary tsy namiravira ny boriky.

2Mpanjaka 19:19

Fa ankehitriny kosa ry TOMPO Andriamanitray ô, vonjeo tsy ho azon’ny tanan’i Saneheriba izahay mba hahafantaran’ny fanjakana rehetra etỳ an-tany fa Ianao irery ihany, TOMPO ô, no Andriamanitra.»

Salamo 83:18

Aoka ho menatra sy ho raiki-tahotra izy hatrany amin’ny mandrakizay ka hangaihay sy ho ringana!

Isaia 26:11

TOMPO ô, manandra-tanana handrahona Ianao kanefa tsy ahoan’ireo olon-dratsy akory. Aoka ho menatra izy raha mahita ny zotomponao hiaro ny vahoakanao; eny, aoka handevona azy ny afo izay natokanao ho an’ny fahavalonao!

Isaia 43:2

Raha mamakivaky ny rano ianao, dia homba anao Aho; raha miampita ny ony ianao, dia tsy hanafotra anao ireny; raha mandeha eo anivon’ny afo ianao, dia tsy ho may akory fa tsy handoro anao ny lelafo.

Daniela 3:21

Avy hatrany dia nafatotra niaraka tamin’ny lobany sy patalohany ary akanjony sy satrony ireo lehilahy ireo, ka natsipy tao amin’ny lafaoro misy afo mivaivay.

Daniela 6:23

Ny Andriamanitro efa naniraka ny anjeliny hanakombona ny vavan’ny liona tsy handratra ahy, satria hita tsy manan-tsiny teo anatrehany aho; ary tsy nanao ratsy teo anatrehanao koa aho, ry mpanjaka.

Daniela 6:7

Dia dodona nankany amin’ny mpanjaka ireo mpitantan-draharaha ambony sy solotenan’andriamanjaka, ary nanao taminy hoe: –Ho ela velona anie ianao, ry Dariôsa mpanjaka!

Matio 10:30

Na ny volon-dohanareo aza dia fantatr’Andriamanitra ny isany.

Asan’ny Apostoly 26:26

Tsy vahiny amin’ny mpanjaka izany toe-javatra izany, ka dia miteny tsy mihambahamba eto anatrehany aho. Matoky aho fa tsy misy miafina aminy velively izany, satria tsy mba an-takontakona no nanaovana azy.

Asan’ny Apostoly 27:34

Koa miangavy anareo aho hihinan-kanina, fa isan’ny hamonjena anareo izany. Tsy ho very na dia singam-bolo ao an-dohany aza aminareo.

Hebreo 11:34

namono ny afo midedadeda, tokony ho voan’ny sabatra nefa tsy voa, nalemy nefa tonga natanjaka, nahery an’ady ka nampandositra ny tafiky ny firenen-kafa.