Daniela 3:26 - DIEM PROTESTANTA

²⁶ Dia nanatona ny varavaran’ny lafaoro misy afo mivaivay i Nebokadnetsara ka niantso hoe: –Ry i Sadràka sy i Mesàka ary i Habeda-Negao mpanompon’Andriamanitra Avo Indrindra ô, mivoaha tao ianareo ka avia atỳ! Niaraka tamin’izay dia nivoaka avy tao anaty afo i Sadràka sy i Mesàka ary i Habeda-Negao.

Baiboly Protestanta Malagasy 2011

²⁶ Dia nanatona ny varavaran’ny lafaoro nisy afo mirehitra i Nebokadnezara ka niantso hoe: Ry Sadraka sy Mesaka ary Abed-Nego, mpanompon’Andriamanitra Avo Indrindra! Mivoaha tao ianareo ka avia atỳ! Dia nivoaka avy tao anaty afo i Sadraka sy i Mesaka ary i Abed-Nego.

Dikateny Iombonana Eto Madagasikara

²⁶ Dia nanatona ny varavaran’ny lafaoro misy afo mivaivay i Nebokadnetsara ka niantso hoe: –Ry i Sadràka sy i Mesàka ary i Habeda-Negao mpanompon’Andriamanitra Avo Indrindra ô, mivoaha tao ianareo ka avia atỳ! Niaraka tamin’izay dia nivoaka avy tao anaty afo i Sadràka sy i Mesàka ary i Habeda-Negao.

Baiboly Protestanta Malagasy

²⁶ Dia nanatona ny varavaran’ny lafaoro nisy afo mirehitra Nebokadnezara ka niantso hoe: Ry Sadraka sy Mesaka sy Abednego, mpanompon’Andriamanitra Avo Indrindra, mivoaha, ka avia atỳ. Dia nivoaka avy teo anatin’ny afo Sadraka sy Mesaka ary Abednego.

Malagasy Bible

²⁶ Dia nanatona ny varavaran'ny lafaoro nisy afo mirehitra Nebokadnezara ka niantso hoe: Ry Sadraka sy Mesaka sy Abednego, mpanompon'Andriamanitra Avo Indrindra, mivoaha, ka avia atỳ. Dia nivoaka avy teo anatin'ny afo Sadraka sy Mesaka ary Abednego.

La Bible en Malgache

²⁶ Dia nanatona ny varavaran’ny lafaoro nisy afo mirehitra i Nebokadnezara ka niantso hoe: Ry Sadraka sy Mesaka ary Abed-Nego, mpanompon’Andriamanitra Avo Indrindra! Mivoaha tao ianareo ka avia atỳ! Dia nivoaka avy tao anaty afo i Sadraka sy i Mesaka ary i Abed-Nego.

Daniela 3:26 Rohy Ifampitohizana

Genesisy 14:18

Dia nitondra mofo sy divay i Melkitsedèka mpanjakan’i Salema sady mpisoron’ilay Andriamanitra avo indrindra,

1Mpanjaka 8:51

Vahoakanao sy fanananao manko ireo hatramin’ny nitondranao azy niala tany Ejipta, dia avy tao amin’ny memy fandrendreham-by.

Ezra 5:11

Ka izao no teny navaliny anay: ‹Mpanompon’ilay Andriamanitry ny tany aman-danitra izahay; ary trano efa vita ela be ihany no amboarinay indray, fa mpanjaka lehibe anankiray tamin’i Israely no nanorina sy nahavita azy.

Salamo 66:12

Olon-dratsy no navelanao hanosihosy anay; izahay dia voatery namaky afo sy rano, kanjo nafahanao ihany sy nampahazoinao aina.

Isaia 28:16

Koa izao no lazain’ny Tompo ANDRIANANAHARY: «Indro Aho hametraka vato iray ao Tsiôna mba hizahan-toetra anareo, dia vato fehizoro sarobidy natao ho fanorenana mafy; ka izay matoky azy tsy hihontsina.

Isaia 52:12

Satria tsy hikoropaka ianareo raha miainga hivoaka ny tanàna, ary tsy hihorohoro raha miala teto; fa ny TOMPO no hialoha lalana anareo ary ny Andriamanitr’i Israely no ho vodilalanareo.

Jeremia 11:4

izay nandidiako ny razanareo. Fony izy navoakako avy tany Ejipta, avy tao amin’ny memy fandrendreham-by, no nilazako hoe: Henoy ny feoko, ka araho izay rehetra andidiako anareo; dia ho vahoakako ianareo, ary Izaho kosa ho Andriamanitrareo.

Daniela 2:47

Izay ny mpanjaka vao namaly an’i Daniela ka nanao hoe: –Marina tokoa fa ny Andriamanitrareo no Andriamanitry ny andriamanitra sy Tompon’ny mpanjaka ary mpanambara ny zava-miafina, matoa afaka nanambara tamiko izany zava-miafina izany ianao.

Daniela 3:17

Fantaro fa afaka mamonjy anay ny Andriamanitray, dia ilay Andriamanitra izay tompoinay; eny, hanafaka anay amin’ny lafaoro misy afo mivaivay sy amin’ny fahefànao Izy, ry mpanjaka.

Daniela 4:2

Nanonofy zava-nampatahotra ahy aho ka nieritreritra teo am-pandriana; fa izay hitako dia nampitebiteby ahy.

Daniela 6:20

Fa raha vao nangiran-dratsy ny andro, dia nifoha ny mpanjaka ka nandeha faingana nankany amin’ny lavaky ny liona.

Daniela 6:21

Ary raha nanatona ny lavaka izy, dia niantso an’i Daniela tamin’ny feo malahelo hoe: –Ry Daniela mpanompon’Andriamanitra velona ô, moa Andriamanitrao Izay tompoinao fatratra va afaka namonjy anao tamin’ny liona?

Daniela 7:25

Hilaza teny manohitra ny Avo Indrindra izy, hampahory ny vahoakan’ilay Avo Indrindra sady mihevitra hanova ny fankalazana sy ny lalàna; ary hatolotra eny an-tanany nandritra ny telo taona sy tapany io vahoakan’Andriamanitra io ireo.

Asan’ny Apostoly 16:17

Nanjohy anay sy i Paoly izy sady niantsoantso hoe: –Mpanompon’ilay Andriamanitra Avo indrindra ireo lehilahy ireo! Ny lalam-pamonjena no torîny aminareo!

Asan’ny Apostoly 16:37

Fa hoy i Paoly tamin’ireo mpitan-defona: –Olona mizaka ny zom-pirenena rômanina izahay, kanefa nodarofana kapoka teo imason’ny vahoaka na dia tsy voatsara ara-dalàna aza; ary koa nampidirina am-ponja. Ka ankehitriny ve dia havoakan-dry zareo an-tsokosoko izahay? Sanatria! Aoka ny tenan’ireo mpanao fanjakana mihitsy no ho tonga atỳ hamoaka anay!

Asan’ny Apostoly 27:23

Halina manko dia nisy anjelin’ilay Andriamanitra Tompoko sady ivavahako tonga tamiko

Galatiana 1:10

Olombelona ve ankehitriny no ilàko sitraka? Tsia, fa Andriamanitra no ilàko sitraka! Sa ny ho mamy hoditra amin’ny olombelona no tadiaviko? Raha mbola ny ho mamy hoditra amin’ny olombelona no tadiaviko, dia tsy mpanompon’i Kristy aho.

Deoteronomia 4:20

Ianareo kosa dia nalain’ny TOMPO ka nentiny niala avy tao amin’ny memy fandrendreham-by, izany hoe avy tany Ejipta, mba ho vahoaka voatokana ho azy tahaka ny amin’izao anio izao.

Josoa 3:17

Ny mpisorona izay nitondra ny Vatamasina mirakitra ny fanekempihavanan’ny TOMPO dia nijoro tamin’ny tany maina teo afovoan’i Jôrdàna, mandra-pahatafita ny Israelita rehetra izay nandia tany maina ho eny ampita.

Josoa 4:10

Ny mpisorona nitondra ny Vatamasina kosa dia nijoro teo afovoan’i Jôrdàna ambara-pahatanteraky ny teny rehetra izay nodidian’ny TOMPO holazain’i Josoa amin’ny vahoaka, araka izay rehetra efa nandidian’i Mosesy an’i Josoa. Dia nita faingana ny vahoaka;

Apokalipsy 19:5

Dia nisy feo nivoaka avy teo amin’ilay sezafiandrianana ka nanao hoe: «Derao ny Andriamanitsika, ianareo rehetra mpanompony sy ianareo manaja Azy, na ny kely na ny lehibe!»