Daniela 3:19 - DIEM PROTESTANTA

¹⁹ Dia feno fahatezerana i Nebokadnetsara ka niova endrika tamin’i Sadràka sy i Mesàka ary i Habeda-Negao. Nasainy nafanaina impito mihoatra noho ny famana azy ny lafaoro.

Baiboly Protestanta Malagasy 2011

¹⁹ Dia feno hatezerana i Nebokadnezara ka niova tamin’i Sadraka sy i Mesaka ary i Abed-Nego ny endriny, ary nasainy nohafanaina ho impito mihoatra noho ny famana azy ny lafaoro.

Dikateny Iombonana Eto Madagasikara

¹⁹ Dia feno fahatezerana i Nebokadnetsara ka niova endrika tamin’i Sadràka sy i Mesàka ary i Habeda-Negao. Nasainy nafanaina impito mihoatra noho ny famana azy ny lafaoro.

Baiboly Protestanta Malagasy

¹⁹ Dia feno fahatezerana Nebokadnezara, ka niova ny tarehiny tamin’i Sadraka sy Mesaka ary Abednego, dia nasainy nafanaina ho impito mihoatra noho ny famana azy ny lafaoro.

Malagasy Bible

¹⁹ Dia feno fahatezerana Nebokadnezara, ka niova ny tarehiny tamin'i Sadraka sy Mesaka ary Abednego, dia nasainy nafanaina ho impito mihoatra noho ny famana azy ny lafaoro.

La Bible en Malgache

¹⁹ Dia feno hatezerana i Nebokadnezara ka niova tamin’i Sadraka sy i Mesaka ary i Abed-Nego ny endriny, ary nasainy nohafanaina ho impito mihoatra noho ny famana azy ny lafaoro.

Daniela 3:19 Rohy Ifampitohizana

Genesisy 31:2

Hitan’i Jakôba nisoritra teny amin’ny tarehin’i Labàna fa tsy toy ny teo aloha intsony ny fiarahany aminy.

Estera 3:5

Rehefa hitan’i Hamàna fa tsy mba nety nandohalika sy niankohoka teo anatrehany tokoa i Môrdôkay, dia tezitra mafy izy.

Estera 7:7

Ary tezitra mafy ny amperôra, dia niala teo amin’ny fanasana ho eny amin’ny zaridainan’ny lapa. I Hamàna kosa nahatsapa fa misy loza hamelezan’ny amperôra azy ka nijanona nangataka tamin’i Estera mpanjakavavy izy mba hotsimbinina ny ainy;

Salamo 76:10

fony Ianao nitsangana hilaza ny fanapahan-kevitrao hamonjy ny malahelo rehetra eto amin’ny tany. Fiatoana

Ohabolana 16:14

Ny fahatezeran’ny mpanjaka dia iraka mahafaty; fa ny hendry kosa no manao izay hitonian’izany.

Ohabolana 21:24

Izay mirehareha sy miavonavona no atao hoe mpaniratsira; fatra-pianjonanjona izy raha manao zavatra.

Isaia 51:23

Io tsatokaty io dia hatolotro eo an-tanan’ny nampahory anao, dia ireo olona nilaza taminao hoe: ‹Miankohofa amin’ny tany mba hohitsahinay›; ka voatery ianao nanolotra ny lamosinao ho tahaka ny tany eny an-dalambe natao hohitsahin’ireo mpandalo.»

Daniela 2:12

Dia tezitra nisafoaka mafy noho izany rehetra izany ny mpanjaka, ka nanome baiko mba handringanana ny olon-kendry rehetra ao Babilôna.

Daniela 3:13

Tezitra sy nisafoaka mafy i Nebokadnetsara ka nampanalainy i Sadràka sy i Mesàka ary i Habeda-Negao. Rehefa tonga teo anatrehan’ny mpanjaka ireo lehilahy ireo,

Daniela 3:20

Ary ireo lehilahy matanjaka indrindra tamin’ny miaramilany no nasainy namatotra an’i Sadràka sy i Mesàka ary i Habeda-Negao sy nanipy azy tao anaty lafaoro misy afo mivaivay.

Daniela 5:6

dia nivaloarika ny tarehiny; nampitebiteby azy ny eritreriny, nivahavaha ny famavàn’ny vahiany ary nifampikitrana ny lohaliny.

Daniela 6:24

Tamin’izay dia faly tokoa ny mpanjaka, ka nasainy nakarina avy ao an-davaka i Daniela; rehefa tafakatra izy, dia tsy nahitana ratra akory satria natoky an’ilay Andriamaniny.

Levitikosy 26:18

«Raha amin’izany no tsy henoinareo ihany Aho, dia mbola hofaiziko impito henin’izany ianareo noho ny fahotanareo.

Levitikosy 26:21

«Raha mbola toherinareo ihany Aho ka tsy henoinareo, dia hokapohiko impito henin’izany koa ianareo araka ny fahotanareo.

Levitikosy 26:24

dia Izaho mihitsy kosa no hamely anareo ka hokapohiko impito henin’izany ianareo noho ny fahotanareo.

Levitikosy 26:28

dia hamely anareo amin’ny fahatezerako Aho; ka Izaho mihitsy no hitondra famaizana impito henin’izany noho ny fahotanareo.

Asan’ny Apostoly 5:33

Nisafoaka ny tao amin’ny Fitsarana ambony raha nandre izany teny izany ka nikasa hamono ny apôstôly.

Asan’ny Apostoly 7:54

Nony nandre izany teny izany ry zareo tao amin’ny Fitsarana ambony, dia nisafoaka mafy ary nihidy vazana tamin’i Stefàna.