Daniela 12:6 - DIEM PROTESTANTA

⁶ Ary ny anankiray tamin’ireo no niteny tamin’ilay lehilahy nitafy rongony fotsy teo ambonin’ny ranon’ny ony ka nanao hoe: ‹Rahoviana no hifarana ireo zava-mahagaga ireo?›

Baiboly Protestanta Malagasy 2011

⁶ Hoy ny iray tamin’ilay lehilahy mitafy lamba rongony, izay teo ambonin’ny rano amin’ny ony: Rahoviana vao ho tonga ny faran’ireo fahagagana ireo?

Dikateny Iombonana Eto Madagasikara

⁶ Ary ny anankiray tamin’ireo no niteny tamin’ilay lehilahy nitafy rongony fotsy teo ambonin’ny ranon’ny ony ka nanao hoe: ‹Rahoviana no hifarana ireo zava-mahagaga ireo?›

Baiboly Protestanta Malagasy

⁶ Ary hoy ny anankiray tamin’ilay lehilahy mitafy rongony fotsy, izay teo ambonin’ny rano amin’ny ony: Mandra-pahoviana vao ho tanteraka ny faran’ireo fahagagana ireo?

Malagasy Bible

⁶ Ary hoy ny anankiray tamin'ilay lehilahy mitafy rongony fotsy, izay teo ambonin'ny rano amin'ny ony: Mandra-pahoviana vao ho tanteraka ny faran'ireo fahagagana ireo?

La Bible en Malgache

⁶ Hoy ny iray tamin’ilay lehilahy mitafy lamba rongony, izay teo ambonin’ny rano amin’ny ony: Rahoviana vao ho tonga ny faran’ireo fahagagana ireo?

Daniela 12:6 Rohy Ifampitohizana

Salamo 74:9

Tsy hitanay intsony ny mariky ny fanatrehanao, tsy misy mpaminany intsony; ary tsy misy aminay mba mahalala izay mbola haharetan’izao toe-javatra izao.

Ezekiela 9:2

Dia indreo lehilahy enina nipoitra teo amin’ny vavahady ambony, izay tamin’ny lafiny avaratry ny tempoly, sady samy nitondra ny fitaovam-pandravàny avy. Nisy lehilahy iray niakanjo rongony teo afovoany sady mitondra fitaovam-panoratana teny amin’ny fehikibony. Niditra izy rehetra ka nijanona teo akaikin’ny alitara halimo.

Daniela 12:5

«Izaho Daniela dia nijery hatrany ilay fahitana ka indro nisy olona roa hafa nitsangana, ny anankiray teto amoron’ny ony an-kilany ary ny anankiray terỳ amoron’ny ony andaniny.

Daniela 12:8

«Izaho Daniela dia nandre izany nefa tsy nahafantatra ny heviny, ka nanontany hoe: ‹Tompoko, hanao ahoana no hiafaran’ireo zavatra ireo?›

Daniela 8:13

Dia nandre anjely iray niteny aho; ary nisy anjely iray hafa nanontany azy hoe: «Mandra-pahoviana no haharetan’izay zavatra nasehon’ny fahitana? Mandra-pahoviana no ho foana ny sorona isan’andro, no hanjaka ny halozana mahatonga fandravana ary ho voahosihosy ny Toeramasina mbamin’ny tafiky ny lanitra?»

Daniela 8:16

Ary nandre feon’olona teo afovoan’ny renirano Olay aho, dia feo niantso azy nanao hoe: ‹Ry Gabriela, hazavao amin’ity lehilahy ity ny fahitana niseho taminy.›

Matio 24:3

Ary nipetraka teo an-tendrombohitra Analanôliva i Jesoa; dia nanatona Azy manokana ireo mpianany ka nanao hoe: –Lazao aminay izay fotoana hahatongavan’izany ary izay hamantarana ny fiavianao sy ny fiafaran’izao tontolo izao.

Marka 13:4

–Lazao anay: oviana no hahatongavan’izany ary inona no famantarana fa hoe madiva ho tonga ny fiafaran’ireo rehetra ireo?

Efesiana 3:10

fa ankehitriny kosa naseho tamin’ny alalan’ny Fiangonana izany, ka tonga fantatr’ireo fanapahana sy ny fahefana eny ana habakabaka ny fahendren’Andriamanitra, dia fahendrena mahefa zavatra tsy tambo isaina.

1Petera 1:12

Nasehon’Andriamanitra tamin’ireo mpaminany fa ny zavatra nomena horaharahainy dia tsy natao ho azy ireo fa natao ho anareo; ary izany zavatra izany dia nampandrenesina anareo ankehitriny, tamin’ny alalan’ireo olona izay nombàn’ny Fanahy Masina nirahina avy tany an-danitra ka nitory ny Vaovao Mahafaly taminareo. Eny, izany zavatra izany aza dia irîn’ireo anjely hodinihina.

Apokalipsy 15:6

ary ny anjely fito izay nitana ny loza fito dia nivoaka avy tao amin’ny tempoly; akanjo madio mangatsakatsaka natao tamin’ny kiran-drongony no niakanjoany ary fehikibo volamena no nietrany.

Apokalipsy 19:14

Nanaraka Azy ny tafiky ny lanitra, ka samy nitaingina soavaly fotsy sy nitafy lamba rongony madinika sady fotsy no madio.

Apokalipsy 6:10

Ary niantso tamin’ny feo mahery izy rehetra nanao hoe: «Ry Tompo masina sy marina ô, rahoviana no hotsarainao ny mponina eny ambonin’ny tany ka hovalianao ny ranay nalatsany?»