2Tantara 19:11 - DIEM PROTESTANTA

¹¹ Ary indro i Amarià mpisorombe no ho lehibenareo amin’ny raharaham-pivavahana rehetra; ary i Zebadià, zanakalahin’i Jismahela sady mpifehy ny taranak’i Joda, no ho lehibenareo amin’ny raharaham-panjakana rehetra. Ny levita no ho mpitantsoratra hanampy anareo. Mahereza, ka mahefà, ary ny TOMPO anie hiaraka amin’izay manao ny tsara!

Baiboly Protestanta Malagasy 2011

¹¹ Ary indro, i Amaria mpisoronabe no ho lehibenareo amin’ny raharahan’NY TOMPO rehetra; i Zebadia, zanak’Ismaela, mpifehy ny taranak’i Joda, kosa no ho lehibenareo amin’ny raharahan’ny mpanjaka rehetra; ary ho mpifehy hanampy anareo ny levita. Mahereza ka mahefà, ary NY TOMPO anie homba izay manao ny tsara.

Dikateny Iombonana Eto Madagasikara

¹¹ Ary indro i Amarià mpisorombe no ho lehibenareo amin’ny raharaham-pivavahana rehetra; ary i Zebadià, zanakalahin’i Jismahela sady mpifehy ny taranak’i Joda, no ho lehibenareo amin’ny raharaham-panjakana rehetra. Ny levita no ho mpitantsoratra hanampy anareo. Mahereza, ka mahefà, ary ny TOMPO anie hiaraka amin’izay manao ny tsara!

Baiboly Katolika

¹¹ Indro i Amariasa mpisorona lehibe, ho filohanareo amin’ny raharahan’i Iaveh rehetra; ary i Zabadiasa zanak’i Ismaely mpanapaka ny taranak’i Jodà, amin’ny raharahan’ny mpanjaka rehetra; ary ny Levita koa dia ho eo anatrehanareo ho manamboninahitra. Matokia, ataovy ny asa, ary homba anareo anie i Iaveh.»

Baiboly Protestanta Malagasy

¹¹ Ary, indro, Amaria mpisoronabe no ho lehibenareo amin’ny raharahan’i Jehovah rehetra; ary Zebadia, zanak’Isimaela, mpanapaka ny taranak’i Joda, ho lehibenareo amin’ny raharahan’ny mpanjaka rehetra kosa; ary ny Levita ho mpifehy hanampy anareo. Mahereza, ka mahefà; ary Jehovah anie homba izay tsara.

Malagasy Bible

¹¹ Ary, indro, Amaria mpisoronabe no ho lehibenareo amin'ny raharahan'i Jehovah rehetra; ary Zebadia, zanak'Isimaela, mpanapaka ny taranak'i Joda, ho lehibenareo amin'ny raharahan'ny mpanjaka rehetra kosa; ary ny Levita ho mpifehy hanampy anareo. Mahereza, ka mahefà; ary Jehovah anie homba izay tsara.

La Bible en Malgache

¹¹ Ary indro, i Amaria mpisoronabe no ho lehibenareo amin’ny raharahan’NY TOMPO rehetra; i Zebadia, zanak’Ismaela, mpifehy ny taranak’i Joda, kosa no ho lehibenareo amin’ny raharahan’ny mpanjaka rehetra; ary ho mpifehy hanampy anareo ny levita. Mahereza ka mahefà, ary NY TOMPO anie homba izay manao ny tsara.

2Tantara 19:11 Rohy Ifampitohizana

1Tantara 22:11

Koa ankehitriny, anaka, hiaraka aminao anie ny TOMPO ka hanambina anao hanorina trano ho Azy TOMPO Andriamanitrao, araka izay efa voalazany ny aminao.

1Tantara 22:16

Tsy hita isa ny volamena sy ny volafotsy ary ny halimo sy ny vy; koa arosoy ny asa, ary hiaraka aminao anie ny TOMPO!

1Tantara 22:19

Koa ankehitriny, aoka ny fo amam-panahinareo hifantoka hitady ny TOMPO Andriamanitrareo! Irosoy ny asa, aoreno ilay Toeramasin’ny TOMPO Andriamanitra; ary dia ao amin’ny tempoly haorina ho voninahitry ny TOMPO no hampidiranareo ilay Vatamasina mirakitra ny fanekempihavanan’ny TOMPO sy hampidiranareo ny fanaka voatokana hanompoana an’Andriamanitra.

1Tantara 26:30

Tamin’ny taranak’i Hebrôna, dia i Hasabià sy ny havany, izay nisy olom-banona 1 700 lahy, no mpifehy ny faritr’i Israely andrefan’i Jôrdàna amin’ny raharaha rehetra momba ny TOMPO sy momba ny fanompoana ny mpanjaka.

1Tantara 26:32

I Jerià mbamin’ny havany dia nisy 2 700 lahy, samy olom-banona loham-pianakaviany avy, ka notendren’i Davida mpanjaka hifehy ny Reobenita sy ny Gadita ary ny antsasam-pokon’i Manase amin’ny raharaha rehetra momba an’Andriamanitra sy momba ny mpanjaka.

1Tantara 28:20

Ary hoy koa i Davida tamin’i Salômôna zanany: –Mahereza sy matanjaha ka mahefà! Aza matahotra na mivadi-po fa ny TOMPO Andriamanitra, ilay Andriamanitro, no miaraka aminao. Tsy handao na hahafoy anao Izy mandra-pahavita ny asa rehetra fanatontosana ny tranon’ny TOMPO.

1Tantara 6:11

dia i Elkanà zanakalahin’i Mahata, i Tsofo zanakalahin’i Elkanà, i Tôa zanakalahin’i Tsofo,

2Tantara 15:2

ka niainga hitsena an’i Asà izy ary nanao taminy hoe: –Mihainoa ahy, ry Asà mbaminareo Jodeanina sy i Benjaminita rehetra. Miaraka aminareo ny TOMPO, raha miaraka aminy ianareo. Raha mitady Azy ianareo, dia hahita Azy; fa raha mandao Azy ianareo, dia hilaozany.

2Tantara 15:7

Koa mahereza ianareo, fa aza miraviravy tanana; satria hisy valim-pitia tokoa ny ataonareo.

2Tantara 19:6

sady nohafatrafarany hoe: –Tandremo izay hataonareo, satria tsy araka ny olona fa araka ny TOMPO no hitsaranareo; sady ny Tompo mihitsy no hiaraka aminareo rehefa mitsara ianareo.

2Tantara 19:8

Tao Jerosalema koa dia nanendren’i Jôsafata ny sasany tamin’ny levita sy ny mpisorona ary ny filoham-pianakaviana israelita mba hitsara araka ny TOMPO sy handamina ny adin’ny mponina tao an-tanàna.

Ezra 7:5

sy zafim-paladian’i Abisoa ary zafin-dorian’i Pinehasa, dia i Pinehasa zanakalahin’i Elehazara sy zafin’i Aharôna mpisorombe.

Salamo 112:5

tsara ny miantra sy ny mampisambotra ary ny mitantana asa fihariana amim-pahitsiana.

Salamo 37:23

Rehefa mahafaly ny TOMPO ny fitondrantenan’olona iray, dia Izy no hampahery azy eo amin’ny lalan-kalehany;

Ohabolana 2:20

Noho izany, ny toetran’ny tsara fanahy no hizoranao ary ny sori-dalan’ny olo-marina no hotandremanao.

Mpitoriteny 2:26

Eny, izay olona sitrak’Andriamanitra no omeny fahakingana sy ny fahaizana ary ny fifaliana. Fa izay mpanota kosa dia asainy manangona sy mamory mba hisy homeny an’izay sitrak’Andriamanitra. Mbola zava-poana sy manenji-drivotra koa izany.

Jeremia 6:16

Izao no lazain’ny TOMPO: Mijanòna eny an-dalana ianareo ka mandiniha; ary anontanio ny sakeli-dalana fahiny. Tadiavo ny lalana ho amin’ny fahasambarana; araho izany, dia hahita fitsaharana ho an’ny fanahinareo ianareo! Kanefa hoy izy hoe: «Tsy hanaraka izahay!»

Malakia 2:7

Fa andraikitry ny mpisorona ny mampianatra ny olona hahalala Ahy Andriamanitra TOMPOn’izao rehetra izao; ny mpisorona no anontaniana ny fitsipika tokony hampiharina, satria mpitondrateniko izy.

Lioka 23:50

Ary indro nisy lehilahy atao hoe Jôsefa, avy any Harimatia tanàna ao Jodea. Olona tsara fanahy sady marina ary fatra-piandry ny Fanjakàn’Andriamanitra izany lehilahy izany, anisan’ny mpitsara ambony amin’ny Jiosy saingy tsy mba niombon-kevitra sy tetika tamin’ireo namany.

Asan’ny Apostoly 11:24

Lehilahy tsara fanahy i Barnabà, sady feno Fanahy Masina sy vontom-pinoana, ka vahoaka maro no niandany tamin’ny Tompo.

1Korintiana 16:13

Miambena ianareo, mamahara tsara amin’ny finoana, aoka hitombandahy, mahereza.

2Timoty 2:1

Koa ianao, anaka, dia aoka hihahery amin’ny alalan’ny fahasoavana ananantsika tafaray amin’i Kristy Jesoa.

Josoa 1:6

Aoka ho sahy sy hahery ianao, fa ianao no hitarika ireto vahoaka ireto handova ny tany izay nianianako tamin’ny razambeny fa homeko azy.

Josoa 1:9

Moa tsy efa nandidy anao ve Aho mba ho sahy sy hahery? Koa aza matahotra na mivadi-po fa Izaho TOMPO Andriamanitrao no homba anao amin’izay rehetra alehanao.