1Timoty 4:3 - DIEM PROTESTANTA

³ raran-dry zareo ny fanambadiana; ary asainy fadina ny hanina sasantsasany. Hanina noarîn’Andriamanitra anefa ireny; ka ho an’ireo mpino sady mpahafantatra ny hafatra marim-pototra dia amim-pisaorana an’Andriamanitra no ihinanana azy.

Baiboly Protestanta Malagasy 2011

³ Mandrara tsy hanambady izy ireny ary mampifady hanina, izay nataon’Andriamanitra ho an’izay mino sady mahalala ny marina mba horaisiny amin’ny fisaorana.

Dikateny Iombonana Eto Madagasikara

³ raran-dry zareo ny fanambadiana; ary asainy fadina ny hanina sasantsasany. Hanina noarîn’Andriamanitra anefa ireny; ka ho an’ireo mpino sady mpahafantatra ny hafatra marim-pototra dia amim-pisaorana an’Andriamanitra no ihinanana azy.

Baiboly Katolika

³ handrara tsy hanambady izy, ary hampifady ny hanina nataon’Andriamanitra horaisin’ny mpino sy ny mpahalala ny marina amim-pisaorana.

Baiboly Protestanta Malagasy

³ izay mandrara tsy hanam-bady, ary mampifady hanina, izay nataon’Andriamanitra ho an’izay mino sady mahalala ny marina, mba horaisiny amin’ny fisaorana.

Malagasy Bible

³ izay mandrara tsy hanam-bady, ary mampifady hanina, izay nataon'Andriamanitra ho an'izay mino sady mahalala ny marina, mba horaisiny amin'ny fisaorana.

La Bible en Malgache

³ Mandrara tsy hanambady izy ireny ary mampifady hanina, izay nataon’Andriamanitra ho an’izay mino sady mahalala ny marina mba horaisiny amin’ny fisaorana.

1Timoty 4:3 Rohy Ifampitohizana

Genesisy 9:3

Izay rehetra velona sy mihetsiketsika dia omeko ho sakafonareo avokoa tahaka ny nanomezako ny anana ho anareo.

Mpitoriteny 5:18

Rehefa misy olona omen’Andriamanitra vola aman-karena sady avelany hihinana sy haka ny anjarany amin’izany ary koa hifaly amin’ny vokatry ny asany, dia fanomezan’Andriamanitra izany.

Daniela 11:37

Ary tsy horaharahainy akory ireo andriamanitry ny razany na ireo andriamanitra lalain’ny vehivavy; tsy hisy horaharahainy tokoa izay andriamanitra satria heveriny ho ambonin’izy rehetra ny tenany.

Matio 14:19

Dia nasain’i Jesoa nipetraka teny amin’ny ahitra ny vahoaka. Noraisin’i Jesoa tamin’izay ny mofo dimy sy ny trondro anankiroa; ary rehefa niandrandra ny lanitra ka nisaotra an’Andriamanitra Izy, dia nanapaka ny mofo sy nanome azy ny mpianatra; ny mpianatra kosa nandroso izany tamin’ny vahoaka.

Matio 15:11

Tsy izay miditra ao am-bavan’ny olona no mahaloto azy; fa izay aloaky ny vavan’ny olona no mahaloto azy.

Matio 15:36

Ary noraisin’i Jesoa ny mofo fito sy ny trondro; ka rehefa avy nisaotra an’Andriamanitra Izy, dia nanapaka ny mofo sy ny trondro ary nanome azy ny mpianatra; ny mpianatra kosa nandroso izany tamin’ny vahoaka.

Lioka 24:30

Raha nipetraka hiara-misakafo iny izy telo mianaka, dia nandray ny mofo i Jesoa; ary nisaorany an’Andriamanitra izany ka nozarainy sy nomeny azy roa lahy.

Jaona 6:23

Kanefa nisy sambokely hafa maro avy any Tiberiada tonga teo akaikin’ilay toerana nihinanan’izy ireo ny mofo, fony avy nisaotra an’Andriamanitra ny Tompo.

Asan’ny Apostoly 27:35

Nony avy nilaza izany teny izany i Paoly, dia nandray mofo sy nisaotra an’Andriamanitra ary nanapaka ny mofo teo anatrehan’izy rehetra ka nihinana.

Romana 14:17

Fa tsy izay mihinana na misotro no manana ny Fanjakàn’Andriamanitra, fa izay manao ny marina sy mikatsaka fiadanana ary mifaly ao amin’ny Fanahy Masina.

Romana 14:3

Izay mihinana ny zavatra rehetra, aoka tsy hanamavo izay mifady ny sasany; ary izay mifady kosa, aoka tsy hanameloka izay mihinana; fa Andriamanitra no efa nandray azy.

Romana 14:6

Izay mitandrina ny andro, dia ho an’ny Tompo no itandremany izany; izay mihinana, dia ho an’ny Tompo no ihinanany, satria misaotra an’Andriamanitra koa izy.

1Korintiana 6:13

«Ny hanina fanao an-kibo ary ny kibo fasian-kanina», hoy ianareo, kanefa samy zavatra horavan’Andriamanitra izy roroa. Ny tenantsika kosa tsy natao ho an’ny fijangajangana fa ho an’ny Tompo; ary ny Tompo ho an’ny tenantsika.

1Korintiana 7:28

Kanefa, tsy manota ianao raha manambady. Ary raha manambady tovovavy, dia tsy manota; saingy ny manambady dia tsy ilaozam-pijaliana amin’ny fiainana andavanandro, ka tiako tsy hiharan’izany ianareo.

1Korintiana 8:8

Tsy izay hanina akory no hahasoa na haharatsy antsika eo anatrehan’Andriamanitra: raha tsy homana isika, tsy maty antoka; ary raha homana isika, tsy mahazo tombony.

Kolosiana 2:16

Aza avela hisy olona hitsara anareo momba ny zava-pihinana sy ny zava-pisotro, na ny fombafomba fanao amin’ny fankalazana na amin’ny tsinambolana na amin’ny sabata.

Kolosiana 3:17

Ary ny zavatra rehetra, lazainareo na ataonareo, dia tontosao avokoa amin’ny anaran’i Jesoa Tompo ka isaory an’Andriamanitra Ray amin’ny alalany.

1Timoty 2:4

Izay tia ny hahavoavonjy ny olona rehetra sy ny hahalalan’izy rehetra ny finoana marina.

1Timoty 4:4

Fa tsara avokoa izay noarîn’Andriamanitra, ka tsy misy tokony holavina fa horaisina amim-pisaorana an’Andriamanitra;

1Timoty 5:14

Koa tiako mba hanambady indray ireo vehivavy mpitondratena mbola tanora, ka dia hanan-janaka sy hitondra ny tokantranony mba tsy hohararaotin’ny fahavalontsika hitenenan-dratsy antsika.

Hebreo 13:4

Aoka samy hanaja ny fanambadiana, ary aoka tsy hifanitsakitsaka ny mpivady; fa hohelohin’Andriamanitra ny mpijangajanga sy mpaka vadin’olona.

Hebreo 13:9

Aza mety havilivilin’ny fampianarana samihafa tsy araka an’i Kristy ianareo; tsara manko raha ampaherezina amin’ny fahasoavan’Andriamanitra ny fonareo, fa tsy amina fitsipika momba ny hanina izay tsy mahasoa ireo mahavatra azy.

1Samoela 9:13

Ho hitanareo izy raha vantany vao miditra ny tanàna ianareo, mialoha ny hiakarany hisakafo ao amin’ny toeram-panasinana. Tsy hisy olona hihinana alohan’ny ahatongavany, satria izy no tsy maintsy mitsodrano ny sorona; dia aorian’izay vao hihinana ireo olona nasaina. Koa miakara amin’izay ianareo, fa ho hitanareo anio izy.