1Timoty 4:4 - DIEM PROTESTANTA

⁴ Fa tsara avokoa izay noarîn’Andriamanitra, ka tsy misy tokony holavina fa horaisina amim-pisaorana an’Andriamanitra;

Baiboly Protestanta Malagasy 2011

⁴ Fa ny zavatra rehetra nataon’Andriamanitra dia tsara avokoa ka tsy misy tokony holavina raha raisina amin’ny fisaorana

Dikateny Iombonana Eto Madagasikara

⁴ Fa tsara avokoa izay noarîn’Andriamanitra, ka tsy misy tokony holavina fa horaisina amim-pisaorana an’Andriamanitra;

Baiboly Katolika

⁴ Tsara avokoa anefa ny zavatra nataon’Andriamanitra, ka tsy misy tokony hatao fady, rehefa raisina amim-pisaorana koa.

Baiboly Protestanta Malagasy

⁴ Fa ny zavatra rehetra nataon’Andriamanitra dia tsara avokoa, ka tsy misy tokony holavina, raha raisina amin’ny fisaorana,

Malagasy Bible

⁴ Fa ny zavatra rehetra nataon'Andriamanitra dia tsara avokoa, ka tsy misy tokony holavina, raha raisina amin'ny fisaorana,

La Bible en Malgache

⁴ Fa ny zavatra rehetra nataon’Andriamanitra dia tsara avokoa ka tsy misy tokony holavina raha raisina amin’ny fisaorana

1Timoty 4:4 Rohy Ifampitohizana

Genesisy 1:31

Ary hitan’Andriamanitra fa izay rehetra nataony dia indro tena tsara. Dia nisy hariva ary nisy maraina; izany no andro fahenina.

Asan’ny Apostoly 10:15

Nefa dia mbola injay indray ilay feo nanao taminy hoe: –Izay efa nambaran’Andriamanitra fa madio, dia aza ataonao ho fady.

Asan’ny Apostoly 15:29

tsy mihinana ny hena natao sorona tamin’ny sampy; mifady ny ra; tsy mihinana ny henam-biby tsy nosomindaina; ary tsy manao fifandraisana mamoafady ara-panambadiana. Tsara tokoa no ataonareo raha mitandrin-tena tsy hanao izany. Veloma!»

Asan’ny Apostoly 21:25

Fa ny hafa firenena izay tonga mpino dia efa nanoratanay ny fanapahan-kevitray: tsy hihinana ny hena natao sorona tamin’ny sampy; hifady ny ra; tsy hihinana ny henam-biby tsy nosomindaina; ary tsy hanao fifandraisana mamoafady ara- panambadiana.

Romana 14:14

Tafaray amin’i Jesoa Tompo aho ka fantatro ary azoko antoka fa tsy misy zavatra maloto fotsiny amin’izao, fa izay heverin’ny olona ho maloto no maloto aminy.

Romana 14:20

fa aza izay sakafo no handravanao ny asan’Andriamanitra. Eny, madio ka azo hanina avokoa ny zavatra rehetra, nefa kosa ratsy ny mihinan-javatra raha mahasolafaka namana amin’ny ratsy izany.

Romana 14:6

Izay mitandrina ny andro, dia ho an’ny Tompo no itandremany izany; izay mihinana, dia ho an’ny Tompo no ihinanany, satria misaotra an’Andriamanitra koa izy.

1Korintiana 10:23

«Azo atao ny zavatra rehetra», hoy aho, kanefa tsy ary mahasoa avokoa. «Azo atao ny zavatra rehetra», hoy aho, kanefa tsy ary mampandroso amin’ny finoana avokoa.

1Korintiana 10:25

Hano avokoa izay hena amidy eny an-tsena, fa aza velom-panontaniana akory noho ny fieritreretana;

1Korintiana 10:26

satria «an’ny Tompo izao tany izao sy ny zavatra rehetra ao aminy», hoy ny Soratra Masina.

1Korintiana 10:30

Raha isaorako an’Andriamanitra izany sakafo haniko izany, nahoana no dia hanomezan-tsiny ahy amin’ny hanina izay isaorako an’Andriamanitra?»

Deoteronomia 32:4

Ny TOMPO no Vatolampy: lavorary ny asany; ny sori-dàlany rehetra rariny avokoa. Andriamanitra mahatoky Izy, tsy misy ratsy eo aminy: marina sy mahitsy Izy.

1Timoty 4:3

raran-dry zareo ny fanambadiana; ary asainy fadina ny hanina sasantsasany. Hanina noarîn’Andriamanitra anefa ireny; ka ho an’ireo mpino sady mpahafantatra ny hafatra marim-pototra dia amim-pisaorana an’Andriamanitra no ihinanana azy.