1Tantara 15:13 - DIEM PROTESTANTA

¹³ Fa tamin’ny nampiakarana azy voalohany, dia tsy teo ianareo; noho izany, dia nasian’ny TOMPO Andriamanitsika mafy izahay satria tsy nanontany Azy araka ny fitsipika.

Baiboly Protestanta Malagasy 2011

¹³ Satria tsy ianareo no nampiakatra azy tamin’ny voalohany, dia nasian’NY TOMPO Andriamanitsika isika, fa tsy nitady Azy araka ny fomba tokony harahina.

Dikateny Iombonana Eto Madagasikara

¹³ Fa tamin’ny nampiakarana azy voalohany, dia tsy teo ianareo; noho izany, dia nasian’ny TOMPO Andriamanitsika mafy izahay satria tsy nanontany Azy araka ny fitsipika.

Baiboly Katolika

¹³ Fa satria noho ianareo tsy nampiakatra azy tamin’ilay voalohany, no nikapohan’i Iaveh Andriamanitsika antsika, satria tsy nitady azy araka ny lalàna isika.»

Baiboly Protestanta Malagasy

¹³ Satria tsy hianareo no tamin’ilay teo, dia nasian’i Jehovah Andriamanitsika isika, fa tsy nitady Azy araka ny voadidy.

Malagasy Bible

¹³ Satria tsy ianareo no tamin'ilay teo, dia nasian'i Jehovah Andriamanitsika isika, fa tsy nitady Azy araka ny voadidy.

La Bible en Malgache

¹³ Satria tsy ianareo no nampiakatra azy tamin’ny voalohany, dia nasian’NY TOMPO Andriamanitsika isika, fa tsy nitady Azy araka ny fomba tokony harahina.

1Tantara 15:13 Rohy Ifampitohizana

2Samoela 6:3

Tao an-tranon’i Abinadaba teo an-kavoana ilay Vatamasina, dia nataingina teo ambany sarety vaovao ary nentina. I Hozà sy i Ahiao samy zanakalahin’i Abinadaba no nitondra ny sarety,

1Tantara 13:3

Dia halaintsika ho atỳ amintsika indray ny Vatamasina mirakitra ny Fanekempihavanan’ilay Andriamanitsika, satria tsy nahoantsika izany tamin’ny andron’i Saoly.

1Tantara 15:2

Tamin’izay i Davida dia nilaza hoe; –Aza misy mitondra ilay Vatamasina afa-tsy ny levita ihany, satria ireo no efa nofidin’ny TOMPO hitondra ny Vatamasiny sy hanao ny fanompoana momba izany hatrany hatrany.

Ohabolana 28:13

Izay manafina ny fahotany tsy mba hahita fahombiazana, fa izay miaiky izany ka miala aminy no hahazo indrafo.

Nomery 4:15

Rehefa hifindra toby ny Israelita dia ho vitan’i Aharôna sy ny zanany ny famonosana ny Toeramasina sy ny fanaka rehetra momba ny Toeramasina, dia ho avy amin’izay ny taranak’i Kehàta hitondra azy. Tsy hikasika ny fitaovana masina mivantana izy sao maty. Izany no anjara entan’ny taranak’i Kehàta ny amin’ny Tranolay fihaonana.

Nomery 7:9

Fa ny taranak’i Kehàta kosa tsy mba nomeny, satria izy ireo no tompon’andraikitra momba ny fitaovana masina, ka tsy maintsy milanja izany eo an-tsoroka.

1Korintiana 11:2

Deraiko ianareo, fa tsarovanareo aho amin’ny zavatra rehetra sady tandrovinareo tsara ny fampianarana nampitaiko araka ny nampitako azy taminareo.

1Korintiana 14:40

Aoka hatao amim-pahamendrehana sy filaminana avokoa ny zavatra rehetra.

Deoteronomia 31:9

Dia nataon’i Mosesy an-tsoratra izany Lalànan’Andriamanitra izany, ka natolony tamin’ireo mpisorona, taranak’i Levỳ, dia ireo mpitondra ny Vatamasina mirakitra ny Fanekempihavanan’ny TOMPO, ary koa tamin’ireo rehetra loholon’i Israely.