Josoa 21:43 - Baiboly Protestanta Malagasy

⁴³ DIA nomen’i Jehovah ny Isiraely ny tany rehetra izay efa nianianany homena ny razany; ary nandova izany izy ireo ka nonina teo.

Baiboly Protestanta Malagasy 2011

⁴³ Dia nomen’NY TOMPO ny Israely ny tany rehetra izay efa nianianany homena ny razany; ary nolovainy izany ka nonenany.

DIEM PROTESTANTA

⁴³ Nomen’ny TOMPO ho an’ny Israelita ny tany manontolo, izay efa nianianany homena ny razambeny: dia azony ho fananany tokoa izany ka nonenany.

Dikateny Iombonana Eto Madagasikara

⁴³ Nomen’ny TOMPO ho an’ny Israelita ny tany manontolo, izay efa nianianany homena ny razambeny: dia azony ho fananany tokoa izany ka nonenany.

Baiboly Katolika

⁴³ Tsy nisy foana akory, na dia iray aza, ny teny soa rehetra nolazain’i Iaveh tamin’ny taranak’i Israely, fa tanteraka avokoa.

Malagasy Bible

⁴³ Dia nomen'i Jehovah ny Isiraely ny tany rehetra izay efa nianianany homena ny razany; ary nandova izany izy ireo ka nonina teo,

La Bible en Malgache

⁴³ Dia nomen’NY TOMPO ny Israely ny tany rehetra izay efa nianianany homena ny razany; ary nolovainy izany ka nonenany.

Josoa 21:43 Rohy Ifampitohizana

Genesisy 12:7

Ary Jehova niseho tamin’i Abrama ka nanao hoe: Ny taranakao no homeko ity tany ity. Dia nanorina alitara teo izy ho an’i Jehovah Izay niseho taminy.

Genesisy 13:15

fa ny tany rehetra izay tazanao dia homeko anao sy ny taranakao mandrakizay.

Genesisy 28:4

ary homeny anao anie ny fitahiana an’i Abrahama, dia ho anao sy ny taranakao koa, mba handovanao ny tany fivahinianao, izay efa nomen’Andriamanitra an’i Abrahama.

2Tantara 20:8

Ary nonina tatỳ izy ka nanao fitoerana masina teto ho an’ny anaranao sady nanao hoe:

Nehemia 9:24

Dia niditra ny zanany ka nandova ny tany, ary nampietrenao teo anoloany ny Kananita tompon-tany, dia natolotrao ho eo an-tànany ireo mbamin’ny mpanjakany sy ny vahoakany hanaovany azy araka ny sitrapony.

Nehemia 9:8

ary Hianao nahita ny fony fa nahatoky teo anatrehanao, ka dia nanao ilay fanekena taminy hanome ny tanin’ny Kananita sy ny Hetita sy ny Amorita sy ny Perizita sy ny Jebosita ary ny Girgasita ho an’ny taranany; ary efa nahatanteraka ny teninao Hianao, satria marina Hianao.

Salamo 105:8

Mahatsiaro ny fanekeny mandrakizay Izy, Dia ilay teny izay voadidiny ho an’ny taranaka arivo mandimby,

Salamo 44:3

Fa tsy ny sabany no nahazoany ny tany, Ary tsy ny sandriny no namonjy azy; Fa ny tànanao ankavanana sy ny sandrinao ary ny fahazavan’ny tavanao, satria efa sitrakao izy.

Salamo 78:55

Ary nandroaka ny jentilisa teo anoloany Izy Ka nanome ny tanin’ireny ho lova nozaraina tamin’ny famolaina, Dia nampitoetra ny firenen’Isiraely tao an-dainy.

Eksodosy 3:8

dia efa nidina Aho izao hamonjy azy amin’ny tànan’ny Egyptiana ka hitondra azy hiakatra hiala amin’izany tany izany ho any amin’izay tany soa sy malalaka, dia any amin’izay tany tondra-dronono sy tantely, any amin’ny tanin’ny Kananita sy ny Hetita sy ny Amorita sy ny Perizita sy ny Hivita ary ny Jebosita.

Jeremia 32:23

Ary tonga teto izy, dia nandova azy, nefa tsy nihaino ny feonao izy sady tsy nandeha araka ny lalànao; ary tsy nanao na inona na inona tamin’izay rehetra nasainao nataony izy, ka dia nataonao mihatra aminy izao loza rehetra izao.

Nomery 33:53

dia halainareo ny tany, ka hitoetra eo hianareo; fa hianareo no nomeko ny tany ho zara-taninareo.

Nomery 34:2

Mandidia ny Zanak’Isiraely hoe: Raha tonga any amin’ny tany Kanana hianareo, dia izao no tany izay ho azonareo ho lova, dia ny tany Kanana araka izay fari-taniny.

Deoteronomia 11:31

Fa hianareo efa handeha hita an’i Jordana ka hiditra sy handova ny tany izay omen’i Jehovah Andriamanitrareo anareo, ary handova azy hianareo ka honina eo;

Deoteronomia 12:29

Rehefa aringan’i Jehovah Andriamanitrao eo anoloanao ny firenen-tsamy hafa, izay alehanao horesenao, ary handresy azy hianao ka honina eo amin’ny taniny,

Deoteronomia 17:14

Rehefa tonga any amin’ny tany izay omen’i Jehovah Andriamanitrao anao hianao ka mandova azy sy monina eo ary manao hoe: Hanangana mpanjaka ho ahy aho, mba ho tahaka ny firenena rehetra izay manodidina ahy,

Deoteronomia 34:4

Dia hoy Jehovah taminy: Io no tany izay nianianako tamin’i Abrahama sy Isaka ary Jakoba hoe: Homeko ny taranakao izy; nataoko mahita azy ny masonao, nefa tsy ho tafita ho tonga eny hianao.

Josoa 1:6

Mahereza sy matanjaha; fa hianao no hampandova ity firenena ity ny tany izay nianianako tamin’ny razany homena azy.

Josoa 21:42

Ireo tanàna ireo samy manana ny taniny manodidina azy avy; tahaka izany avokoa ireo tanàna rehetra ireo.

Mpitsara 11:24

Moa tsy hotananao izay tany omen’i Kemosy andriamanitrao anao va? Ary izay tany rehetra omen’i Jehovah Andriamanitray anay dia mba hotananay kosa.

1Samoela 12:8

Rehefa tonga tany Egypta Jakoba, ka nitaraina tamin’i Jehovah ny razanareo, Jehovah dia naniraka an’i Mosesy sy Arona, ka ireo no nitondra ny razanareo nivoaka avy tany Egypta ary namponina azy teto amin’ity tany ity.