Josoa 1:9 - Baiboly Protestanta Malagasy

⁹ Tsy efa nandidy anao va Aho? Koa mahereza sy matanjaha; aza matahotra na mivadi-po, fa momba anao Jehovah Andriamanitrao amin’izay rehetra alehanao.

Baiboly Protestanta Malagasy 2011

⁹ Tsy efa nandidy anao va Aho? Koa mahereza sy matanjaha, aza matahotra na mivadi-po fa momba anao NY TOMPO Andriamanitrao amin’izay rehetra alehanao.

DIEM PROTESTANTA

⁹ Moa tsy efa nandidy anao ve Aho mba ho sahy sy hahery? Koa aza matahotra na mivadi-po fa Izaho TOMPO Andriamanitrao no homba anao amin’izay rehetra alehanao.

Dikateny Iombonana Eto Madagasikara

⁹ Moa tsy efa nandidy anao ve Aho mba ho sahy sy hahery? Koa aza matahotra na mivadi-po fa Izaho TOMPO Andriamanitrao no homba anao amin’izay rehetra alehanao.

Baiboly Katolika

⁹ Tsy efa nodidiako ianao va amin’ny hoe: matanjaha ary mahereza fo; aza matahotra na manam-badi-po, fa i Iaveh Andriamanitrao no momba anao na aiza na aiza halehanao.»

Malagasy Bible

⁹ Tsy efa nandidy anao va Aho? Koa mahereza sy matanjaha; aza matahotra na mivadi-po, fa momba anao Jehovah Andriamanitrao amin'izay rehetra alehanao.

La Bible en Malgache

⁹ Tsy efa nandidy anao va Aho? Koa mahereza sy matanjaha, aza matahotra na mivadi-po fa momba anao NY TOMPO Andriamanitrao amin’izay rehetra alehanao.

Josoa 1:9 Rohy Ifampitohizana

Genesisy 28:15

Ary, indro, Izaho momba anao ka hiaro anao amin’izay làlan-kalehanao rehetra ary hampody anao indray ho amin’ity tany ity; fa tsy handao anao Aho mandra-panaoko izay voalazako taminao.

Genesisy 39:2

Ary Jehovah nomba an’i Josefa, dia lehilahy nambinina izy; ary nitoetra tao an-tranon’ilay Egyptiana tompony izy.

Genesisy 39:3

Ary hitan’ny tompony fa nomban’i Jehovah izy, ka izay rehetra nataony dia nambinin’i Jehovah avokoa teo aminy.

2Samoela 13:28

Ary Absaloma nanome teny ny zatovony hoe: Miomàna tsara, fa rehefa faly ny fon’i Amnona azon’ny divay, ka lazaiko aminareo hoe: Asio Amnona, dia ataovy maty izy, fa aza matahotra; tsy izaho va no nanome teny anareo? Matokia, aoka hiseho ho lehilahy mahery hianareo.

1Tantara 28:20

Ary hoy koa Davida tamin’i Solomona zanany: Mahereza sy matanjaha ka mahefà; aza matahotra na mivadi-po; fa Jehovah Andriamanitra, dia Andriamanitro, no momba anao; tsy handao na hahafoy anao Izy ambara-pahavitanao ny asa rehetra hanaovana ny tranon’i Jehovah.

2Tantara 15:7

Koa mahereza hianareo, fa aza miraviravy tànana; fa hisy valim-pitia tokoa ny ataonareo.

Salamo 46:7

Jehovah, Tompon’ny maro, no momba antsika; Andriamanitr’i Jakoba no fiarovana avo ho antsika. [Sela.]

Isaia 41:10

Aza matahotra hianao, fa momba anao Aho; Ary aza miherikerika foana, fa Izaho no Andriamanitrao; Mampahery anao Aho sady mamonjy anao; Eny, mitantana anao amin’ny tànana ankavanan’ny fahamarinako Aho.

Isaia 43:1

Fa ankehitriny, ry Jakoba ô, izao no lazain’i Jehovah, Izay nahary anao Sady namorona anao, ry Isiraely ô: Aza matahotra hianao, fa efa nanavotra anao Aho; Efa niantso ny anaranao Aho, Ahy hianao.

Isaia 43:5

Aza mahatahotra, fa momba anao Aho; Hitondra ny taranakao avy any atsinanana Aho, Ary avy any andrefana no hanangonako anao;

Isaia 8:12

Aza mba lazainareo ho tetika fikomiana izay lazain’ity firenena ity ho tetika fikomiana; Ary aza matahotra izay atahorany na mangovitra hianareo.

Daniela 10:19

ka nanao hoe: Aza matahotra, ry ilay malala indrindra; fiadanana anie ho anao, mahereza, eny, mahereza. Ary rehefa niteny tamiko izy, dia nihahery aho ka nanao hoe: Aoka hiteny hianao tompoko, satria efa nampahery ahy.

Hagay 2:4

Nefa mahereza ankehitriny, ry Zerobabela, hoy Jehovah; ary mahereza, ry Josoa, zanak’i Jozadaka, mpisoronabe; ary mahereza, hianareo vahoaka rehetra, hoy Jehovah, ka miasà; fa Izaho no momba anareo, hoy Jehovah, Tompon’ny maro,

Hagay 2:5

araka ny teny fanekena nataoko taminareo, fony nivoaka avy tany Egypta hianareo, ary ny Fanahiko dia mbola mitoetra ao aminareo ihany; koa aza matahotra hianareo.

Asan’ny Apostoly 4:19

Fa Petera sy Jaona kosa namaly azy ka nanao hoe: Tsaraonareo na marina eo imason’Andriamanitra, na tsia, ny hanaiky anareo mihoatra noho Andriamanitra.

Deoteronomia 1:21

indro, efa natolotr’i Jehovah Andriamanitrao eo anoloanao ny tany; iakaro izy ka lovao, araka izay nolazain’i Jehovah, Andriamanitry ny razanao, taminao; aza matahotra na mivadi-po hianao.

Deoteronomia 20:1

RAHA mivoaka hanafika ny fahavalonao hianao ka mahita soavaly sy kalesy ary olona maro noho hianao, dia aza matahotra azy; fa Jehovah Andriamanitrao kosa, Izay nitondra anao niakatra avy tany amin’ny tany Egypta, no momba anao.

Deoteronomia 31:23

Ary Jehovah nandidy an’i Josoa, zanak’i Mona, ka nanao hoe: Mahereza sy matanjaha; fa hianao no hitondra ny Zanak’Isiraely hiditra ao amin’ny tany izay nianianako taminy homena azy, ary homba anao Aho.

Deoteronomia 31:28

Vorio ho eto amiko ny loholona rehetra amin’ny firenenareo sy ny mpifehy anareo, mba holazaiko eo anatrehany izao teny izao; ary hiantso ny lanitra sy ny tany ho vavolombelona aminy aho.

Josoa 1:10

Ary Josoa nandidy ny mpifehy ka nanao hoe:

Josoa 1:17

Araka ny nihainoanay an’i Mosesy tamin’ny zavatra rehetra no hihainoanay anao koa; homba anao anie Jehovah Andriamanitrao tahaka ny nombany an’i Mosesy.

Josoa 1:18

Izay rehetra mandà ny didinao ka tsy mihaino ny teninao amin’izay rehetra andidianao azy dia hatao maty; koa mahereza sy matanjaha hianao.

Josoa 10:25

Ary hoy Josoa taminy: Aza matahotra na mivadi-po; mahereza sy matanjaha; fa toy izao no hataon’i Jehovah amin’ny fahavalonareo rehetra izay iadianareo.

Josoa 10:8

Ary hoy Jehovah tamin’i Josoa: Aza matahotra azy, fa efa natolotra eo an-tànanao izy, ka tsy hisy hahajanona eo anoloanao izy na dia iray akory aza.

Josoa 3:7

Ary hoy Jehovah tamin’i Josoa: Anio no hanandratako anao eo imason’ny Isiraely rehetra, hahafantarany fa tahaka ny nombako an’i Mosesy no hombako anao koa.

Josoa 6:27

Ary Jehovah nomba an’i Josoa, ka niely tamin’ny tany rehetra ny lazany.

Josoa 8:1

DIA hoy Jehovah tamin’i Josoa: Aza matahotra na mivadi-po hianao, ento miaraka aminao ny vahoaka rehetra mpanafika, ka miaingà, iakaro Ay; indro, efa natolotro eo an-tànanao ny mpanjakan’i Ay mbamin’ny vahoakany sy ny tanànany ary ny taniny.

Mpitsara 6:14

Dia nitodika nijery azy Jehovah ka nanao hoe: Mandehana amin’izao herinao izao, ka vonjeo ny Isiraely amin’ny tànan’ny Midiana, tsy efa naniraka anao va Aho?

1Samoela 10:7

Ary rehefa tonga aminao ireo famantarana ireo, dia ataovy izay azon’ny tànanao atao, fa Andriamanitra no momba anao.