Josoa 1:9 - Baiboly Protestanta Malagasy 2011

⁹ Tsy efa nandidy anao va Aho? Koa mahereza sy matanjaha, aza matahotra na mivadi-po fa momba anao NY TOMPO Andriamanitrao amin’izay rehetra alehanao.

DIEM PROTESTANTA

⁹ Moa tsy efa nandidy anao ve Aho mba ho sahy sy hahery? Koa aza matahotra na mivadi-po fa Izaho TOMPO Andriamanitrao no homba anao amin’izay rehetra alehanao.

Dikateny Iombonana Eto Madagasikara

⁹ Moa tsy efa nandidy anao ve Aho mba ho sahy sy hahery? Koa aza matahotra na mivadi-po fa Izaho TOMPO Andriamanitrao no homba anao amin’izay rehetra alehanao.

Baiboly Katolika

⁹ Tsy efa nodidiako ianao va amin’ny hoe: matanjaha ary mahereza fo; aza matahotra na manam-badi-po, fa i Iaveh Andriamanitrao no momba anao na aiza na aiza halehanao.»

Baiboly Protestanta Malagasy

⁹ Tsy efa nandidy anao va Aho? Koa mahereza sy matanjaha; aza matahotra na mivadi-po, fa momba anao Jehovah Andriamanitrao amin’izay rehetra alehanao.

Malagasy Bible

⁹ Tsy efa nandidy anao va Aho? Koa mahereza sy matanjaha; aza matahotra na mivadi-po, fa momba anao Jehovah Andriamanitrao amin'izay rehetra alehanao.

La Bible en Malgache

⁹ Tsy efa nandidy anao va Aho? Koa mahereza sy matanjaha, aza matahotra na mivadi-po fa momba anao NY TOMPO Andriamanitrao amin’izay rehetra alehanao.

Josoa 1:9 Rohy Ifampitohizana

Genesisy 28:15

Ary indro Aho momba anao ka hiaro anao amin’izay lalan-kalehanao rehetra ary hampody anao indray ho amin’ity tany ity. Tsy handao anao Aho mandra-pahatanterako izay voalazako taminao.

Genesisy 39:2

Ary NY TOMPO nomba an’i Josefa ka nambinina izy; nitoetra tao an-tranon’ilay Ejiptiana tompony izy.

Genesisy 39:3

Dia hitan’ny tompony fa nomban’NY TOMPO izy satria izay rehetra nataony dia nampahombiazin’NY TOMPO.

2Samoela 13:28

Ary nanome teny ny zatovony i Absaloma hoe: Miomàna tsara, fa rehefa faly ny fon’i Amnona azon’ny divay ka lazaiko aminareo hoe: Asio i Amnona! Dia vonoy ho faty izy, nefa aza matahotra; tsy izaho va no nanome teny anareo? Matokia, aoka hiseho ho lehilahy mahery ianareo!

1Tantara 28:20

Hoy koa i Davida tamin’i Solomona zanany: Mahereza sy matanjaha ka mahefà; aza matahotra na mivadi-po; fa NY TOMPO Andriamanitra, dia Andriamanitro, no momba anao; tsy handao na hahafoy anao Izy ambara-pahavitanao ny asa rehetra hanaovana ny tranon’NY TOMPO.

2Tantara 15:7

Koa mahereza ianareo fa aza miraviravy tanana, fa hisy valim-pitia tokoa ny ataonareo.

Salamo 46:7

Andriamanitra, Tompon’izao rehetra izao, no momba antsika, Andriamanitr’i Jakoba no fiarovana avo ho antsika. Fiatoana

Isaia 41:10

Aza matahotra ianao fa momba anao Aho; ary aza miherikerika foana fa Izaho no Andriamanitrao; mampahery anao Aho sady mamonjy anao; eny, mitantana anao amin’ny tanana ankavanan’ny fahamarinako Aho.

Isaia 43:1

Fa ankehitriny, izao no lazain’NY TOMPO, izay nahary anao, ry Jakoba ô, sady namolavola anao, ry Israely ô: Aza matahotra ianao, fa efa nanavotra anao Aho. Efa niantso anao tamin’ny anaranao Aho, Ahy ianao!

Isaia 43:5

Aza matahotra fa momba anao Aho; hitondra ny taranakao avy any atsinanana Aho, ary avy any andrefana no hanangonako anao.

Isaia 8:12

Aza mba lazainareo ho tetika fikomiana izay lazain’ity firenena ity ho tetika fikomiana; aza matahotra izay atahorany ianareo na mangorohoro noho ny aminy.

Daniela 10:19

ka niteny hoe: Aza matahotra, ry ilay malala indrindra; fiadanana anie ho anao. Mahereza; eny, mahereza. Ary rehefa niteny tamiko izy dia nihanahery aho ka niteny hoe: Aoka hiteny ianao tompoko, satria efa nampahery ahy.

Hagay 2:4

Nefa mahereza ankehitriny, ry Zerobabela! Hoy NY TOMPO. Mahereza, ry Josoa, zanak’i Jozadaka, Mpisoronabe! Mahereza, ianareo vahoaka rehetra! Hoy NY TOMPO. Miasà! Fa Izaho no momba anareo, hoy Andriamanitra, Tompon’izao rehetra izao,

Hagay 2:5

araka ny tenin’ny fanekena nataoko taminareo, fony nivoaka avy tany Ejipta ianareo, ary ny Fanahiko dia mitoetra ao aminareo; koa aza matahotra ianareo!

Asan’ny Apostoly 4:19

Fa i Petera sy i Jaona kosa dia namaly azy hoe: Tsaraonareo na marina eo imason’Andriamanitra na tsia, ny hanaiky anareo mihoatra noho Andriamanitra.

Deoteronomia 1:21

indro, efa natolotry NY TOMPO Andriamanitrao eo anoloanao ny tany; iakaro izy ka raiso ho lovanao, araka izay nolazain’NY TOMPO, Andriamanitry ny razanao, taminao; koa aza matahotra na mivadi-po ianao.

Deoteronomia 20:1

Raha mandeha hanafika ny fahavalonao ianao ka mahita soavaly sy kalesy fitondra miady ary olona maro noho ianao dia aza matahotra azy; fa NY TOMPO Andriamanitrao kosa, izay nitondra anao niakatra avy tany amin’ny tany Ejipta, no momba anao.

Deoteronomia 31:23

Ary NY TOMPO nandidy an’i Josoa, zanak’i Nona, hoe: Mahereza sy matanjaha; fa ianao no hitondra ny Zanak’Israely hiditra ao amin’ny tany izay nianianako taminy homena azy, ary homba anao Aho.

Deoteronomia 31:28

Vorio ho eto amiko ny loholona rehetra amin’ny fokonareo sy ny mpifehy anareo, mba holazaiko eo anatrehany izao teny izao; ary hiantso ny lanitra sy ny tany ho vavolombelona aminy aho.

Josoa 1:10

Dia nandidy ny mpifehy ny vahoaka i Josoa hoe:

Josoa 1:17

Araka ny nihainoanay an’i Mosesy tamin’ny zavatra rehetra no hihainoanay anao koa. Homba anao anie NY TOMPO Andriamanitrao tahaka ny nombany an’i Mosesy.

Josoa 1:18

Izay rehetra mandà ny didinao ka tsy mihaino ny teninao amin’izay rehetra ibaikoanao azy dia hovonoina ho faty, koa mahereza sy matanjaha ianao.

Josoa 10:25

Ary hoy i Josoa taminy: Aza matahotra na mivadi-po; mahereza sy matanjaha; fa toy izao no hataon’NY TOMPO amin’ny fahavalonareo rehetra izay iadianareo.

Josoa 10:8

Ary hoy NY TOMPO tamin’i Josoa: Aza matahotra azy fa efa natolotra eo an-tananao izy ka tsy hisy hahajanona eo anoloanao izy na dia iray akory aza.

Josoa 3:7

Ary hoy NY TOMPO tamin’i Josoa: Anio Aho no hanomboka hanandratra anao eo imason’ny Israely rehetra, hahafantarany fa tahaka ny nombako an’i Mosesy no hombako anao koa.

Josoa 6:27

Ary NY TOMPO nomba an’i Josoa ka niely tamin’ny tany rehetra ny lazany.

Josoa 8:1

Hoy NY TOMPO tamin’i Josoa: Aza matahotra na mivadi-po ianao. Ento miaraka aminao ny vahoaka rehetra mpanafika ka miaingà, iakaro i Ay; indro, efa natolotro eo an-tananao ny mpanjakan’i Ay mbamin’ny vahoakany sy ny tanànany ary ny taniny.

Mpitsara 6:14

Dia nitodika nijery azy NY TOMPO ka niteny hoe: Mandehana amin’izao herinao izao ka vonjeo amin’ny tanan’ny Midianita ny Israely. Tsy efa naniraka anao va Aho?

1Samoela 10:7

Rehefa tonga aminao ireo famantarana ireo dia ataovy izay azon’ny tananao atao, fa Andriamanitra no momba anao.