Biblia Todo Logo
Baiboly an-tserasera
- dokam-barotra -




Josoa 1:8 - Baiboly Protestanta Malagasy 2011

8 Aoka tsy hiala amin’ny vavanao ity bokin’ny lalàna ity fa saintsaino andro aman’alina, hitandremanao hanatanteraka araka izay rehetra voasoratra ao; fa amin’izany dia hahalavorary ny lalanao ianao sady hambinina.

Jereo ny toko dika mitovy

DIEM PROTESTANTA

8 Aoka ianao hahavatra mamaky ity bokin’ny lalàna ity ary handinika azy andro aman’alina mba himasoanao ny hanao araka izay rehetra voasoratra anatiny. Amin’izay dia ho tontosanao tsara ny fikasanao rehetra ary hahomby ianao.

Jereo ny toko dika mitovy

Dikateny Iombonana Eto Madagasikara

8 Aoka ianao hahavatra mamaky ity bokin’ny lalàna ity ary handinika azy andro aman’alina mba himasoanao ny hanao araka izay rehetra voasoratra anatiny. Amin’izay dia ho tontosanao tsara ny fikasanao rehetra ary hahomby ianao.

Jereo ny toko dika mitovy

Baiboly Katolika

8 Aoka tsy ho afaka am-bavanao ny bokin’ity lalàna ity, fa hosaintsaininao andro aman’alina sady hotandremanao ny hanao araka izay rehetra voasoratra ao, fa amin’izany dia hiadana amin’ny lalanao rehetra sy hahomby tsara ianao.

Jereo ny toko dika mitovy

Baiboly Protestanta Malagasy

8 Aoka tsy hiala amin’ny vavanao ity bokin’ny lalàna ity, fa saintsaino andro aman-alina, hitandremanao hanao araka izay rehetra voasoratra eo; ary amin’izany dia hahalavorary ny lalanao hianao sady hambinina.

Jereo ny toko dika mitovy

Malagasy Bible

8 Aoka tsy hiala amin'ny vavanao ity bokin'ny lalàna ity, fa saintsaino andro aman'alina, hitandremanao hanao araka izay rehetra voasoratra eo; ary amin'izany dia hahalavorary ny lalanao ianao sady hambinina.

Jereo ny toko dika mitovy

La Bible en Malgache

8 Aoka tsy hiala amin’ny vavanao ity bokin’ny lalàna ity fa saintsaino andro aman’alina, hitandremanao hanatanteraka araka izay rehetra voasoratra ao; fa amin’izany dia hahalavorary ny lalanao ianao sady hambinina.

Jereo ny toko dika mitovy




Josoa 1:8
40 Rohy Ifampitohizana  

Nony harivariva ny andro dia lasa tany an-tsaha Isaka mba hieritreritra, ary nitazana izy ka nahita fa indreny nisy rameva avy manatona.


Nitady an’Andriamanitra izy tamin’ny andron’i Zakaria, izay nahafantatra ny fahatahorana an’Andriamanitra; ary tamin’ny andro nitadiavany NY TOMPO dia nambinin’Andriamanitra izy.


Ato am-poko no iraketako ny teninao mba tsy hanotako Aminao.


Ny didinao no saintsainiko ary ny lalanao no dinihiko.


Endre ny fitiavako ny lalànanao! Fisaintsainako mandrakariva izany.


Hendry noho ny mpampianatra ahy rehetra aho, satria ny teny vavolombelonao no fisaintsainako.


Aoka ny tenin’ny vavako sy ny fisainan’ny foko samy hankasitrahana eo imasonao, TOMPO ô, Vatolampiko sy Mpanavotra ahy!


Tsy mba nafeniko tato am-poko ny fahitsianao, ny fahamarinanao sy ny famonjenao no nambarako; tsy nanafina ny famindramponao sy ny fahamarinanao tamin’ny fiangonan-dehibe aho.


Anaka, aza manadino ny fampianarako, fa aoka ny fonao hitandrina ny didiko;


Raha Izaho dia izao no fanekeko aminy, hoy NY TOMPO: Ny Fanahiko izay ao aminao sy ny teniko izay nataoko teo am-bavanao dia tsy hiala amin’ny vavanao, na amin’ny vavan’ny taranakao, na amin’ny vavan’ny taranaky ny taranakao, hatramin’izao ka ho mandrakizay, hoy NY TOMPO.


Avy amin’ny rakitra tsara no amoahan’ny olona tsara fanahy zavatra tsara; ary avy amin’ny rakitra ratsy kosa no amoahan’ny olona ratsy fanahy zavatra ratsy.


sady mampianatra azy hitandrina izay rehetra nandidiako anareo; ary indro Aho momba anareo mandrakariva, ambara-pahatongan’ny fahataperan’izao tontolo izao.


Tsy izay rehetra miteny amiko hoe: Tompoko, Tompoko, no hiditra amin’ny fanjakan’ny lanitra, fa izay manao ny sitrapon’ny Raiko izay any an-danitra.


Koa amin’izany, na zovy na zovy no mandre ny teniko teo ka mankatò azy dia hoharina amin’ny lehilahy manan-tsaina izy, izay nanorina ny tranony teo ambonin’ny vatolampy.


Fa hoy Izy: Sambatra kokoa izay mandre ny tenin’Andriamanitra ka mitandrina izany.


Raha fantatrareo izany dia sambatra ianareo raha manao izany.


Izay manana ny didiko ka mitandrina izany dia izy no tia Ahy; ary izay tia Ahy no ho tian’ny Raiko, ary Izaho ho tia azy ka hiseho aminy.


Aoka tsy haloaky ny vavanareo izay teny maloto, fa izay tsara ho fampandrosoana, araka izay ilaina, mba hahazoan’izay mihaino, fahasoavana.


Koa tandremo ny tenin’izao fanekena izao ka araho, mba hambinina ianareo amin’izay rehetra ataonareo.


Miseho eto anatrehan’NY TOMPO Andriamanitrareo ianareo rehetra anio, dia ny lehibenareo sy ny firenenareo, ny lehiben’ny fokonareo sy ny mpifehy anareo ary ny lehilahy rehetra amin’ny Israely,


Fa eo akaikinao indrindra ny teny, dia eo am-bavanao sy ao am-ponao, mba harahinao.


raha avy hiseho eo anatrehan’NY TOMPO Andriamanitrao eo amin’ny tany izay hofidiny ny Israely rehetra dia aoka hovakinao eo anatrehan’ny Israely rehetra ny ventin’ity lalàna ity mba handrenesany azy.


Rehefa tapitra voasoratr’i Mosesy teo amin’ny boky avokoa ny tenin’ity lalàna ity


Niantso ny Israely rehetra i Mosesy ka niteny taminy hoe: Ry Israely ô, mihainoa ny didy sy ny fitsipika izay lazaiko eto anatrehanareo anio dia ianaro ireo, ary tandremo ny fankatoavana azy.


Koa mitandrema mba hahatanteraka araka izay nandidian’NY TOMPO Andriamanitrareo anareo; aza mivily, na ho amin’ny ankavanana, na ho amin’ny ankavia;


Aoka ny tenin’i Kristy hitoetra betsaka ao aminareo; dia mifampianara ka mifananara amin’ny fahendrena rehetra amin’ny salamo sy ny hira ary ny tononkiram-panahy, mihira amin’ny fahasoavana ao am-ponareo ho an’Andriamanitra.


Koa mahereza sy matanjaha tsara ianao, hitandremanao hanatanteraka araka ny lalàna rehetra izay nandidian’i Mosesy mpanompoko anao; aza miala aminy, na ho amin’ny ankavanana na ho amin’ny ankavia, mba hambinina ianao amin’izay rehetra alehanao.


Rehefa afaka izany dia namaky ny tenin’ny lalàna rehetra izy, dia ny fitahiana sy ny fanozonana, araka izay rehetra voasoratra ao amin’ny bokin’ny lalàna.


Sambatra izay manasa ny akanjony mba hananany fahefana amin’ny hazon’aina sy hidirany amin’ny vavahady ho ao an-tanàna.


Araho izahay:

dokam-barotra


dokam-barotra