Josoa 1:6 - Baiboly Protestanta Malagasy

⁶ Mahereza sy matanjaha; fa hianao no hampandova ity firenena ity ny tany izay nianianako tamin’ny razany homena azy.

Baiboly Protestanta Malagasy 2011

⁶ Mahereza sy matanjaha fa ianao no hampandova ity firenena ity ny tany izay nianianako tamin’ny razany homena azy.

DIEM PROTESTANTA

⁶ Aoka ho sahy sy hahery ianao, fa ianao no hitarika ireto vahoaka ireto handova ny tany izay nianianako tamin’ny razambeny fa homeko azy.

Dikateny Iombonana Eto Madagasikara

⁶ Aoka ho sahy sy hahery ianao, fa ianao no hitarika ireto vahoaka ireto handova ny tany izay nianianako tamin’ny razambeny fa homeko azy.

Baiboly Katolika

⁶ «Matanjaha ary mahereza fo, fa ianao no hampanana ity firenena ity ny tany efa nianianako tamin’ny razany homena azy.

Malagasy Bible

⁶ Mahereza sy matanjaha; fa ianao no hampandova ity firenena ity ny tany izay nianianako tamin'ny razany homena azy.

La Bible en Malgache

⁶ Mahereza sy matanjaha fa ianao no hampandova ity firenena ity ny tany izay nianianako tamin’ny razany homena azy.

Josoa 1:6 Rohy Ifampitohizana

Genesisy 12:7

Ary Jehova niseho tamin’i Abrama ka nanao hoe: Ny taranakao no homeko ity tany ity. Dia nanorina alitara teo izy ho an’i Jehovah Izay niseho taminy.

Genesisy 26:3

Mivahinia eto amin’ity tany ity, hianao, dia homba anao sy hitahy anao Aho; fa hianao sy ny taranakao no homeko ireto tany rehetra ireto, ka hotoviko ny fianianana izay nataoko tamin’i Abrahama rainao;

2Samoela 10:12

Mahereza ary, ka aoka hitombandahy isika ho an’ny firenentsika sy ny tanànan’Andriamanitsika; ary aoka Jehovah hanao izay sitrapony.

1Mpanjaka 2:2

Izaho efa handeha amin’ny làlan-kalehan’ny tany rehetra; koa mahereza hianao, ary misehoa ho lehilahy.

1Tantara 22:13

Ary amin’izany dia hambinina hianao, raha mitandrina hankatò ny lalàna sy ny fitsipika izay nandidian’i Jehovah an’i Mosesy ho an’ny Isiraely; mahereza sy matanjaha; aza matahotra na mivadi-po.

1Tantara 28:10

Koa mitandrema; fa Jehovah efa nifidy anao hanao trano ho fitoerana masina; dia mahereza ka mahefà.

1Tantara 28:20

Ary hoy koa Davida tamin’i Solomona zanany: Mahereza sy matanjaha ka mahefà; aza matahotra na mivadi-po; fa Jehovah Andriamanitra, dia Andriamanitro, no momba anao; tsy handao na hahafoy anao Izy ambara-pahavitanao ny asa rehetra hanaovana ny tranon’i Jehovah.

2Tantara 15:7

Koa mahereza hianareo, fa aza miraviravy tànana; fa hisy valim-pitia tokoa ny ataonareo.

2Tantara 20:11

nefa indreo izy mamaly ratsy anay ka avy handroaka anay amin’ny lova nomenao anay.

2Tantara 20:7

Ry Andriamanitray ô, tsy Hianao va no nandroaka ny mponina tamin’ity tany ity hiala teo anoloan’ny Isiraely olonao ka nanome azy mandrakizay ho an’ny taranak’i Abrahama sakaizanao?

Salamo 27:14

Miandrasa an’i Jehovah hianao; Matokia, ary aoka hahery ny fonao; Eny, miandrasa an’i Jehovah.

Daniela 10:19

ka nanao hoe: Aza matahotra, ry ilay malala indrindra; fiadanana anie ho anao, mahereza, eny, mahereza. Ary rehefa niteny tamiko izy, dia nihahery aho ka nanao hoe: Aoka hiteny hianao tompoko, satria efa nampahery ahy.

Hagay 2:4

Nefa mahereza ankehitriny, ry Zerobabela, hoy Jehovah; ary mahereza, ry Josoa, zanak’i Jozadaka, mpisoronabe; ary mahereza, hianareo vahoaka rehetra, hoy Jehovah, ka miasà; fa Izaho no momba anareo, hoy Jehovah, Tompon’ny maro,

Zakaria 8:9

Izao no lazain’i Jehovah, Tompon’ny maro: Aoka hatanjaka ny tànanareo izay mandre izany teny izany amin’izao andro izao avy amin’ny vavan’ny mpaminany, izay teo tamin’ny andro nanaovana ny fanorenan’ny tranon’i Jehovah, Tompon’ny maro, dia ny nanaovana ny tempoly.

Nomery 26:53

Ireo no hizarana ny tany ho lovany, araka ny isany.

Nomery 33:53

dia halainareo ny tany, ka hitoetra eo hianareo; fa hianareo no nomeko ny tany ho zara-taninareo.

1Korintiana 16:13

Miambena hianareo, tomoera tsara amin’ny finoana, aoka hitomba-ndahy, mahereza.

Efesiana 6:10

FARANY, mahereza ao amin’ny Tompo sy amin’ny herin’ny faherezany.

Deoteronomia 1:21

indro, efa natolotr’i Jehovah Andriamanitrao eo anoloanao ny tany; iakaro izy ka lovao, araka izay nolazain’i Jehovah, Andriamanitry ny razanao, taminao; aza matahotra na mivadi-po hianao.

Deoteronomia 1:8

Indro, efa natolotro eo anoloanareo ny tany; idiro ka lovao ny tany izay efa nianianan’i Jehovah tamin’ny razanareo, Abrahama sy Isaka ary Jakoba, homena azy sy ny taranany mandimby azy.

Deoteronomia 11:8

Koa tandremo ny lalàna rehetra izay andidiako anareo anio, mba hahery hianareo, dia hiditra handova ny tany izay efa halehanareo holovana;

Deoteronomia 31:23

Ary Jehovah nandidy an’i Josoa, zanak’i Mona, ka nanao hoe: Mahereza sy matanjaha; fa hianao no hitondra ny Zanak’Isiraely hiditra ao amin’ny tany izay nianianako taminy homena azy, ary homba anao Aho.

2Timoty 2:1

KOA hianao, anaka, dia aoka hihahery amin’ny fahasoavana izay ao amin’i Kristy Jesosy.

Josoa 1:18

Izay rehetra mandà ny didinao ka tsy mihaino ny teninao amin’izay rehetra andidianao azy dia hatao maty; koa mahereza sy matanjaha hianao.

Josoa 1:7

Koa mahereza sy matanjaha tsara hianao, hitandremanao hanao araka ny lalàna rehetra, izay nandidian’i Mosesy mpanompoko anao; aza miala aminy, na ho amin’ny ankavanana, na ho amin’ny ankavia, mba hambinina hianao amin’izay rehetra alehanao.

Josoa 1:9

Tsy efa nandidy anao va Aho? Koa mahereza sy matanjaha; aza matahotra na mivadi-po, fa momba anao Jehovah Andriamanitrao amin’izay rehetra alehanao.

Josoa 10:25

Ary hoy Josoa taminy: Aza matahotra na mivadi-po; mahereza sy matanjaha; fa toy izao no hataon’i Jehovah amin’ny fahavalonareo rehetra izay iadianareo.

Josoa 13:6

ary ny mponina rehetra any amin’ny tany havoana hatrany Libanona ka hatrany Misrefota-maima, dia ny Sidoniana rehetra,–Izaho no handroaka ireny hiala eo anoloan’ny Zanak’Isiraely; kanefa zarao amin’ny filokana ho lovan’ny Zanak’Isiraely izy araka izay efa nandidiako anao.

Josoa 18:3

Dia hoy Josoa tamin’ny Zanak’Isiraely: Mandra-pahoviana no hiahotrahoranareo tsy hiditra handova ny tany izay omen’i Jehovah, Andriamanitry ny razanareo, anareo?

Josoa 21:43

DIA nomen’i Jehovah ny Isiraely ny tany rehetra izay efa nianianany homena ny razany; ary nandova izany izy ireo ka nonina teo.

Josoa 5:6

Fa efa-polo taona no nandehanan’ny Zanak’Isiraely tany an-efitra, mandra-pahalany ritran’ny olona rehetra, dia ny mpanafika izay nivoaka avy tany Egypta, satria tsy nihaino ny feon’i Jehovah izy; dia ireo no nianianan’i Jehovah fa tsy havelany hahita ny tany izay nianianan’i Jehovah tamin’ny razana homeny antsika, dia tany tondra-dronono sy tantely.

1Samoela 4:9

Mahereza, ary aoka hitomban-dahy hianareo, ry Filistina, fandrao hanompo ny Hebreo hianareo tahaka ny nanompoany anareo; misehoa ho lehilahy hianareo, ka miadia.