Isaia 9:12 - Baiboly Protestanta Malagasy

¹² Fa ny olona tsy miverina amin’Izay mamely azy, Eny, Jehovah, Tompon’ny maro, tsy mba tadiaviny.

Baiboly Protestanta Malagasy 2011

¹² Tsy miverina amin’Izay mamely azy ny olona; eny, tsy mba tadiaviny Andriamanitra, Tompon’izao rehetra izao.

DIEM PROTESTANTA

¹² Dia toy izany no nikapohan’Andriamanitra ny vahoakany; kanefa tsy niverina tamin’Andriamanitra ihany izy, tsy notadiaviny ny TOMPOn’izao rehetra izao.

Dikateny Iombonana Eto Madagasikara

¹² Dia toy izany no nikapohan’Andriamanitra ny vahoakany; kanefa tsy niverina tamin’Andriamanitra ihany izy, tsy notadiaviny ny TOMPOn’izao rehetra izao.

Baiboly Katolika

¹² Satria tsy niverina amin’izay nikapoka azy ny vahoaka, ary tsy nitady an’i Iavehn’ny tafika izy ireo.

Malagasy Bible

¹² Fa ny olona tsy miverina amin'Izay mamely azy, Eny, Jehovah, Tompon'ny maro, tsy mba tadiaviny.

La Bible en Malgache

¹² Tsy miverina amin’Izay mamely azy ny olona; eny, tsy mba tadiaviny Andriamanitra, Tompon’izao rehetra izao.

Isaia 9:12 Rohy Ifampitohizana

2Mpanjaka 16:6

Tamin’izany andro izany Rezina, mpanjakan’i Syria, dia nahalasa an’i Elota ho isan’ny fanjakan’i Syria ka nandroaka ny Jiosy hiala tao; ary ny Syriana nankany Elota ka monina ao mandraka andro-any.

2Tantara 28:18

Ary ny Filistina koa nanafika ny tanàna eny amin’ny tany lemaka amoron-tsiraka sy eny amin’ny tany atsimo momba an’i Joda, dia nahafaka an’i Beti-semesy sy Aialona sy Gederota sy Soko mbamin’ny zana-bohiny ary Timna sy ny zana-bohiny ary Gimzo koa sy ny zana-bohiny; ary nonina tao izy.

Salamo 79:7

Fa efa nandany an’i Jakoba izy ireo Sady nandrava ny fonenany.

Isaia 10:4

Tsy misy azony atao afa-tsy ny mihohoka voatsindrin’ny mpifatotra Sy ny lavo voatsindrin’ny voavono. Kanefa, na dia izany rehetra izany aza, dia tsy mbola afaka ihany ny fahatezerany, Fa mbola mihinjitra ihany ny tànany.

Isaia 11:14

Fa hipaoka ny tanin’ny Filistina any andrefana ireo Sy hiara-mamabo ny zanaky ny atsinanana; Amin’i Edoma sy Moaba no haninjirany ny tànany, Ary ny taranak’i Amona hanoa azy.

Isaia 31:1

LOZAN’izay midina any Egypta hitady famonjena Sy miantehitra amin’ny soavaly Ary matoky ny kalesy, satria maro ireny, Sy ny mpitaingin-tsoavaly, satria mahery dia mahery ireny, Fa tsy manandrandra ny Iray Masin’ny Isiraely, Na mitady an’i Jehovah.

Isaia 5:25

Koa izany no irehetan’ny fahatezeran’i Jehovah amin’ny olony Sy aninjirany ny tànany aminy ka amelezany azy; Dia mihorohoro ny tendrombohitra, Ary ny fatin’ny olona dia tonga tahaka ny diky eny an-dàlambe. Kanefa, na dia izany rehetra izany aza, dia tsy mbola afaka ihany ny fahatezerany, Fa mbola mihinjitra ihany ny tànany.

Isaia 9:17

Fa ny faharatsiana mandoro tahaka ny afo, Mandevona ny tsilo sy ny hery Ary mampirehitra ny ala mikirindro Ka mitambolimbolina tahaka ny setroka misavoana.

Jeremia 10:25

Aidino amin’ny jentilisa izay tsy mahalala Anao ny fahatezeranao, Dia amin’ny taranaka izay tsy miantso ny anaranao; Fa efa nihinana an’i Jakoba ireo, Eny, nihinana sy nahalevona azy– Ary nahalao ny fonenany.

Jeremia 15:7

Ary kororohiko amin’ny fikororohana izy Ho any amin’ny vava-tany; Ary foanako anaka ny oloko, Eny, aringako izy–tsy mety miala amin’ny fanaony mba hiverina izy.

Jeremia 35:11

Fa raha nananika ny tany Nebokadnezara, mpanjakan’i Babylona, dia hoy izahay: Andeha isika hankany Jerosalema handositra ny miaramilan’ny Kaldeana sy ny miaramilan’ny Syriana, ka dia izany no itoerany eto Jerosalema.

Jeremia 4:8

Ary noho izany dia misikìna lamba fisaonana hianareo, ka mitomania sy midradradradrà; Fa ny firehetan’ny fahatezeran’i Jehovah tsy afaka amintsika.

Ezekiela 16:27

Ary, indro, nahinjitro taminao ny tànako, ka nahenako ny anjara-haninao, ary natolotro ho amin’ny sitrapon’izay mankahala anao hianao, dia ny zanakavavin’ny Filistina, izay menatra noho ny fahavetavetana fanaonao.

Ezekiela 6:14

Hahinjitro aminy ny tànako, Ary ny tany any amin’ny fonenany rehetra Dia hataoko lao sy foana mihoatra noho ny efitr’i Dibla; Ka dia ho fantany fa Izaho no Jehovah.

Hosea 7:10

Ary ny avonavon’ Isiraely dia vavolombelona manameloka azy; Nefa, na dia izany rehetra izany aza, dia tsy miverina amin’i Jehovah Andriamaniny ihany izy, na mitady Azy.

Amosa 4:10

Efa naterako areti-mandringana tahaka ny any Egypta hianareo; Novonoiko sabatra ny zatovonareo Sady nobaboina koa ny soavalinareo; Ary nampakariko ho eo am-bavoronareo ny hamaimboan’ny tobinareo; Nefa tsy niverina tamiko ihany hianareo, hoy Jehovah.

Amosa 4:11

Efa nisy noravako teo aminareo tahaka ny nandravan’Andriamanitra an’i Sodoma sy Gomora, Ka efa tahaka ny forohana nosarihana tamin’ny afo hianareo; Nefa tsy niverina tamiko ihany hianareo, hoy Jehovah.

Amosa 4:6

Fa Izaho dia efa nanome anareo ny mahamavovava tao an-tanànanareo rehetra, Sy ny tsi-fahampian-kanina tamin’ny fonenanareo rehetra; Nefa tsy niverina tamiko ihany hianareo, hoy Jehovah.

Amosa 4:8

Dia nivembena ny tanàna roa aman-telo nitady rano tany amin’ny tanàna iray, Kanjo tsy afa-ketaheta izy; Nefa tsy niverina tamiko ihany hianareo, hoy Jehovah.

Amosa 4:9

Efa nasiako tamin’ny vary main’ny rivotra sy maty fotsy hianareo; Ny habetsahan’ny tanimbolinareo sy ny tanimboalobokareo Sy ny aviavinareo sy ny hazo olivanareo Dia nohanin’ny valala; Nefa tsy niverina tamiko ihany hianareo, hoy Jehovah.

Zefania 1:6

Ary izay nihemotra niala tamin’i Jehovah, Sy izay tsy nitady an’i Jehovah na nanontany taminy.

Zefania 3:2

Tsy nihaino ny feo izy, Na nino anatra; Jehovah tsy nitokiany, Andriamaniny tsy nohatoniny.

Deoteronomia 31:17

Dia hirehitra aminy ny fahatezerako amin’izany andro izany, ka hahafoy azy Aho ary hanafina ny tavako aminy, ka ho lany ritra izy, ary loza maro sy fahoriana no hanjo azy; dia hiteny izy amin’izany andro izany ka hanao hoe: Moa tsy ny tsy itoeran’Andriamanitro eto amiko va no mahatonga izao fahoriana izao amiko?