Josoa 2:9 - Baiboly Protestanta Malagasy 2011

⁹ ka niteny taminy hoe: Fantatro fa efa nomen’NY TOMPO anareo ny tany, koa efa mahazo anay ny tahotra anareo sady ketraka ny mponina rehetra amin’ny tany noho ny tahotra anareo.

DIEM PROTESTANTA

⁹ ka niteny taminy hoe: –Fantatro fa efa nomen’ny TOMPO anareo ity tany misy anay ity ka ny mponina rehetra dia raiki-tahotra anareo sady rera-po eo anoloanareo.

Dikateny Iombonana Eto Madagasikara

⁹ ka niteny taminy hoe: –Fantatro fa efa nomen’ny TOMPO anareo ity tany misy anay ity ka ny mponina rehetra dia raiki-tahotra anareo sady rera-po eo anoloanareo.

Baiboly Katolika

⁹ «Fantatro fa efa nomen’i Iaveh anareo ity tany ity, satria izahay efa raiki-tahotra ny anaranareo; ny mponina rehetra amin’ity tany ity efa ketraka eo anoloanareo.

Baiboly Protestanta Malagasy

⁹ ka nanao taminy hoe: Fantatro fa efa nomen’i Jehovah anareo ny tany, ary efa latsaka aminay ny fahatahorana anareo, sady efa ketraka ny mponina rehetra amin’ny tany noho ny tahotra anareo.

Malagasy Bible

⁹ ka nanao taminy hoe: Fantatro fa efa nomen'i Jehovah anareo ny tany, ary efa latsaka aminay ny fahatahorana anareo, sady efa ketraka ny mponina rehetra amin'ny tany noho ny tahotra anareo.

La Bible en Malgache

⁹ ka niteny taminy hoe: Fantatro fa efa nomen’NY TOMPO anareo ny tany, koa efa mahazo anay ny tahotra anareo sady ketraka ny mponina rehetra amin’ny tany noho ny tahotra anareo.

Josoa 2:9 Rohy Ifampitohizana

Genesisy 35:5

Dia niainga ireo. Ary nisy tahotra avy amin’Andriamanitra nahazo ny tanàna manodidina azy ka tsy nisy nanenjika ny zanak’i Jakoba.

2Samoela 17:10

ary na dia izay mahery ka manana fo tahaka ny fon’ny liona aza dia ho ketraka tokoa; satria fantatry ny Israely rehetra fa lehilahy mahery rainao, sady lehilahy mahery koa ireny manaraka azy ireny.

2Mpanjaka 5:15

Ary niverina nankao amin’ny lehilahin’Andriamanitra izy mbamin’izay rehetra nanaraka azy ka nony tonga tao dia nitsangana teo anatrehany sady niteny hoe: Indro, fantatro fa tsy misy Andriamanitra amin’ny tany rehetra afa-tsy ato amin’ny Israely ihany. Koa miangavy anao aho, raiso ny saotra aterin’ny mpanomponao.

2Mpanjaka 7:6

Fa NY TOMPO efa nahatonga ny miaramilan’ny Arameana handre fikodiadian’ny kalesy fitondra miady sy fandehan-tsoavaly, dia ny firodondrodon’ny miaramila maro; ary nifampiresaka izy ireo hoe: Injao, ny mpanjakan’ny Israely dia nanakarama ny mpanjakan’ny Hetita sy ny mpanjakan’ny Ejiptiana hiady amintsika.

Nehemia 6:16

Rehefa ren’ny fahavalonay rehetra izany dia raiki-tahotra ny firenena rehetra manodidina anay sady hitany fa tsinontsinona izy; ary fantany fa Andriamanitray no nahavitana izany asa izany.

Estera 8:17

Ary teo amin’ny fari-piadidiana tsirairay manerana ny fanjakana sy teny amin’ny tanàna tsirairay izay nahatongavan’ny didin’ny mpanjaka sy ny teniny dia nahazo hafaliana sy haravoravoana ny Jiosy sady nanao fanasana sy andro fifaliana. Ary maro ny olona tompon-tany no nitonon-tena ho Jiosy satria nahazo azy ny fahatahorana ny Jiosy.

Joba 19:25

Kanefa raha izaho dia fantatro fa velona ny Mpanavotra ahy ka hitsangana any am-parany eo ambonin’ny vovoka Izy.

Salamo 112:10

Hahita azy ny ratsy fanahy ka ho sosotra; hihidy vazana izy ka ho levona; ho foana ny fanirian’ny ratsy fanahy.

Salamo 115:16

Ny lanitra dia lanitry NY TOMPO; fa ny tany dia nomeny ho an’ny zanak’olombelona.

Eksodosy 18:11

Ankehitriny, fantatro fa lehibe NY TOMPO mihoatra noho ny andriamanitra rehetra, na dia nanitsakitsaka ny olony aza ny Ejiptiana.

Eksodosy 23:27

Hampandehaniko eo anoloanao ny fahatahorana Ahy ka hampifanaritahiko ny firenena rehetra izay alehanao ary hampandosiriko eo anoloanao ny fahavalonao rehetra.

Mpitoriteny 8:12

Eny, fa na manao asa ratsy injato aza ny mpanota ka ela velona ihany, dia fantatro kosa fa hisy soa ho an’izay matahotra an’Andriamanitra, dia izay matahotra eo anatrehany.

Isaia 19:1

Ny amin’ny loza hanjo an’i Ejipta: Indro NY TOMPO mitaingina rahona miriotra mafy ka tonga any Ejipta. Mangorohoro eo anatrehany ny andriamanitra tsy izy any Ejipta, ary ketraka ny fon’i Ejipta.

Isaia 23:5

Rehefa re tany Ejipta izany dia toran-kovitra izy noho ny nanjo an’i Tiro.

Jeremia 27:5

Izaho no nanao ny tany sy ny olona ary ny biby izay eo aminy tamin’ny heriko lehibe sy tamin’ny sandriko nitsotra; ary nomeko ho an’izay sitraky ny foko ny tany.

Nahoma 2:10

Mandrobà volafotsy, Mandrobà volamena! Fa tsy hita lany ny rakitra soa, dia ny habetsahan’ny zavatra sarobidy isan-karazany.

Nomery 20:14

Ary nandefa iraka avy tao Kadesy hankany amin’ny mpanjakan’i Edoma i Mosesy hilaza hoe: Izao no lazain’Israely rahalahinao: Ianao dia mahafantatra ny fahasahiranana rehetra izay nanjo anay,

Nomery 20:24

Hangonina any amin’ny razany i Arona; fa tsy hiditra any amin’ny tany izay nomeko ny Zanak’Israely izy satria nandà ny teniko teo amin’ny ranon’i Meriba ianareo.

Matio 20:15

Tsy mahazo manao izay tiako hatao amin’ny ahy va aho? Ratsy va ny masonao satria tsara aho?

Deoteronomia 11:25

Tsy hisy olona hahajanona eo anoloanareo, fa hataon’NY TOMPO Andriamanitrareo azon’ny tahotra sy horohoro anareo ny tany rehetra izay hodiavinareo, araka izay nolazainy taminareo.

Deoteronomia 2:25

Anio vao hataoko mahazo ny firenena ambanin’ny lanitra rehetra ny horohoro sy tahotra anareo, koa raha reny ny lazanao dia hangovitra sy hangorohoro eo anoloanao izy.

Deoteronomia 28:10

Dia ho hitan’ny firenena rehetra ambonin’ny tany fa ny anaran’NY TOMPO no antsoina ao aminao, dia hatahotra anao izy.

Deoteronomia 32:8

Fony nomen’ny Avo Indrindra zaratany ireo firenena ka samy natokantokany ny zanak’olombelona dia notendreny ny sisintanin’ireo firenena araka ny isan’ny Zanak’Israely;

Hebreo 11:31

Finoana no tsy nahafaty an’i Rahaba janga niaraka tamin’ireo tsy mpino satria nandray ny mpisafo tany tamin’ny fihavanana izy.

Josoa 2:11

Ny fandrenesanay ireo dia nahaketraka ny fonay ka very hevitra avokoa izahay noho ny aminareo; fa NY TOMPO Andriamanitrareo, Izy no Andriamanitra any amin’ny lanitra ambony sy etỳ amin’ny tany ambany.

Josoa 2:24

Hoy izy ireo tamin’i Josoa: Efa natolotry NY TOMPO eo an-tanantsika tokoa ny tany rehetra; ary ketraka noho ny tahotra antsika ny mponina rehetra amin’ny tany.

Josoa 2:8

Raha mbola tsy natory izy roa lahy dia niakatra nankao aminy tao an-tampon-trano Ravehivavy

Josoa 5:1

Rehefa nandre ny nanamainan’NY TOMPO ny ranon’i Jordana teo anoloan’ny Zanak’Israely nandritra ny fiampitàny ny mpanjaka rehetra tamin’ny Amorita any andafy andrefan’i Jordana sy ireo mpanjaka rehetra tamin’ny Kananita any amoron’ny ranomasina dia ketraka ny fony ka very hevitra izy noho ny tahony ny Zanak’Israely.

Josoa 6:2

Ary hoy NY TOMPO tamin’i Josoa: Indro, efa natolotro eo an-tananao i Jeriko sy ny mpanjakany mbamin’ny lehilahy mahery.

Josoa 9:10

ary izay rehetra nataony tamin’ny mpanjaka roa tamin’ny Amorita izay tany andafin’i Jordana, dia i Sihona, mpanjakan’i Hesbona, sy i Oga, mpanjakan’i Basana, izay tany Astarota.

Josoa 9:24

Dia namaly an’i Josoa izy ireo hoe: Satria nambara taminay mpanomponao tokoa fa NY TOMPO Andriamanitrao efa nandidy an’i Mosesy mpanompony hanome anareo ny tany rehetra sy handringana ny mponina rehetra amin’ny tany eo anoloanareo, koa natahotra ny ho faty izahay noho ny aminareo, dia nanao izany zavatra izany.

Josoa 9:9

Dia hoy izy ireo taminy: Avy tany an-tany lavitra be izahay mpanomponao noho ny anaran’NY TOMPO Andriamanitrao; fa efa renay ny lazany sy izay rehetra nataony tany Ejipta

Mpitsara 7:14

Dia namaly ilay namany hoe: Tsy zavatra hafa izany fa ny sabatr’i Gideona, zanak’i Joasy, lehilahy Israelita, mihitsy; efa natolotr’Andriamanitra eo an-tanany ny Midianita sy ny toby manontolo!