Isaia 57:15 - Baiboly Protestanta Malagasy 2011

¹⁵ Fa izao no lazain’ny Iray avo sy manerinerina izay monina mandrakizay, Masina no anarany: Ao amin’ny fitoerana avo sy masina no onenako, ary ao amin’ny torotoro fo sy ny manetry tena, mba hamelombelona ny fanahin’ny manetry tena sy hamelombelona ny fo torotoro.

DIEM PROTESTANTA

¹⁵ Fa ankehitriny ilay Avo manerinerina, ilay mandrakizay ny fonenany sady masina ny anarany, dia manao izao teny izao: «Any amin’ny toerana avo sy masina no onenako, nefa koa ao amin’ny torotoro fo sy manetry tena mba hamelombelona ny fanahin’ireo manetry tena sy hamelombelona ny fon’ireo torotoro fo.

Dikateny Iombonana Eto Madagasikara

¹⁵ Fa ankehitriny ilay Avo manerinerina, ilay mandrakizay ny fonenany sady masina ny anarany, dia manao izao teny izao: «Any amin’ny toerana avo sy masina no onenako, nefa koa ao amin’ny torotoro fo sy manetry tena mba hamelombelona ny fanahin’ireo manetry tena sy hamelombelona ny fon’ireo torotoro fo.

Baiboly Katolika

¹⁵ Fa izao no lazain’ny Avo Indrindra, izay mipetraka amin’ny fonenana mandrakizay sy antsoina hoe ilay Masina: Mitoetra eo amin’ny fitoerana avo sy masina Aho, ary koa ao amin’ny olona torotoro fo sy manetry tena am-panahy, mba hamelombelona ny fanahin’ny manetry tena, sy hamelombelona ny fon’ny torotoro fo.

Baiboly Protestanta Malagasy

¹⁵ Fa izao no lazain’ny Iray avo sy manerinerina, Izay monina mandrakizay, Masina no anarany: Ao amin’ny fitoerana avo sy masina no onenako, Ary ao amin’ny torotoro fo sy ny manetry tena, Hamelombelona ny fanahin’ny manetry tena Sy hamelombelona ny fon’ny torotoro fo;

Malagasy Bible

¹⁵ Fa izao no lazain'ny Iray avo sy manerinerina, izay monina mandrakizay, masina no anarany: Ao amin'ny fitoerana avo sy masina no onenako, ary ao amin'ny torotoro fo sy ny manetry tena, hamelombelona ny fanahin'ny manetry tena sy hamelombelona ny fon'ny torotoro fo;

La Bible en Malgache

¹⁵ Fa izao no lazain’ny Iray avo sy manerinerina izay monina mandrakizay, Masina no anarany: Ao amin’ny fitoerana avo sy masina no onenako, ary ao amin’ny torotoro fo sy ny manetry tena, mba hamelombelona ny fanahin’ny manetry tena sy hamelombelona ny fo torotoro.

Isaia 57:15 Rohy Ifampitohizana

Genesisy 21:33

Namboly hazo tamarisika tany Bery-Sheba i Abrahama ka tao no niantsoany ny anaran’NY TOMPO, dia Andriamanitra Mandrakizay.

1Mpanjaka 8:27

Andriamanitra va honina etỳ an-tany tokoa? E, ny lanitra ary ny lanitry ny lanitra aza tsy omby Anao, koa mainka fa ity trano naoriko ity!

2Tantara 34:27

satria nino anatra ianao ka nanetry tena teo anatrehan’Andriamanitra raha nandre ny teniny ny amin’ity tanàna ity sy ny mponina eto, eny, satria nanetry tena teo anatrehako ianao ka nandriatra ny fitafianao sady nitomany teo anatrehako, Izaho koa efa nihaino, hoy NY TOMPO.

Joba 22:29

Raha misy mietry dia hataonao hoe: Misandrata! Fa ny manetry tena no hovonjeny.

Joba 6:10

Dia hahita fiononana amin’izany aho ka hibitaka noho ny hafaliana na dia amin’ny fangirifiriana tsy mifaditra ovana aza satria tsy nandà ny tenin’ny Iray Masina aho.

Salamo 111:9

Nandefa fanavotana ho an’ny olony Izy; nanorina ny fanekeny ho mandrakizay Izy; masina sy mahatahotra ny anarany.

Salamo 115:3

Nefa any an-danitra Andriamanitsika; efa nanao izay sitrapony rehetra Izy.

Salamo 123:1

Aminao no anandratako ny masoko, ry Ilay mitoetra any an-danitra.

Salamo 138:6

Fa na dia avo aza NY TOMPO dia mijery ny manetry tena ary ny mpiavonavona dia fantany eny lavitra eny.

Salamo 138:7

Na dia handeha ao anatin’ny fahoriana aza aho dia hamelona ahy Ianao; hanatsotra ny tananao hanohitra ny fahatezeran’ny fahavaloko Ianao ary hamonjy ahy ny tananao ankavanana.

Salamo 147:3

Manasitrana ny torotoro fo Izy ary mamehy ny feriny.

Salamo 34:18

akaiky an’izay manana fo mangorakoraka NY TOMPO ary mamonjy izay torotoro fanahy.

Salamo 34:19

Maro ny fahorian’ny marina, nefa NY TOMPO manafaka azy amin’izany rehetra izany.

Salamo 51:17

Ny fanatitra ho an’Andriamanitra dia fanahy torotoro; ny fo torotoro sy mangorakoraka, Andriamanitra ô, tsy mba ataonao tsinontsinona.

Salamo 51:19

Dia ho sitrakao ny fanatitra amim-pahamarinana sy ny fanatitra dorana manontolo ary ny fanatitra levonina amin’ny afo ary hanatitra vantotra ombilahy eo amin’ny alitaranao ny olona.

Salamo 83:18

Aoka ho fantany fa Ianao irery ihany, izay atao hoe NY TOMPO, no Ilay Avo Indrindra ambonin’ny tany rehetra.

Salamo 90:2

Fony tsy mbola ary ny tendrombohitra, na voaforonao ny tany sy izao rehetra izao, dia Andriamanitra Ianao, hatramin’ny taloha indrindra ka ho mandrakizay.

Salamo 93:2

Ny sezafiandriananao dia nampitoerina hatramin’ny fahagola; hatrizay hatrizay Ianao.

Salamo 97:9

Fa Ianao, TOMPO ô, no Avo Indrindra, ambonin’ny tany rehetra; tafasandratra avo ambonin’ny andriamanitra rehetra Ianao.

Salamo 99:3

Aoka hidera ny anaranao lehibe sy mahatahotra ireo! Fa masina NY TOMPO!

Eksodosy 15:11

TOMPO ô, iza no tahaka Anao amin’izay andriamanitra? Iza no tahaka Anao, izay ankalazaina amin’ny fahamasinana, deraina amin’ny fahatahorana, ary mpanao fahagagana?

Eksodosy 15:13

Tarihinao amin’ny famindramponao ny firenena izay navotanao; entinao amin’ny herinao izy ho any amin’ny fonenanao masina.

Eksodosy 15:18

NY TOMPO hanjaka mandrakizay doria.

Eksodosy 40:34

Ary nanarona ny tranolay fihaonana ny rahona, ary ny voninahitry NY TOMPO dia nameno ny tabernakely.

Eksodosy 40:35

Tsy afaka niditra tao amin’ny tranolay fihaonana i Mosesy satria ny rahona dia nitoetra teo amboniny, ary ny voninahitry NY TOMPO dia nameno ny tabernakely.

Ohabolana 16:19

Tsara ny mietry miaraka amin’izay manetry tena noho ny mizara babo amin’izay miavonavona.

Ohabolana 8:23

Notendreny hatramin’ny fahagola aho, eny, hatramin’ny voalohany indrindra, fony tsy mbola ary ny tany.

Isaia 18:4

Fa izao no nolazain’NY TOMPO tamiko: Hangina Aho aloha ka hijery eto amin’ny fitoerako, tahaka ny hafanan’ny masoandro mipoaka, tahaka ny ranonando amin’ny hafanan’ny fararano.

Isaia 33:5

Manerinerina NY TOMPO satria mitoetra any amin’ny avo Izy; nofenoiny rariny sy fahamarinana i Ziona.

Isaia 40:28

Tsy fantatrao va? Tsy efa renao va fa Andriamanitra mandrakizay NY TOMPO izay namorona ny faran’ny tany. Tsy mba mety ho reraka na sasatra Izy; tsy takatry ny saina ny fahalalany.

Isaia 52:13

Indro, hambinina ny Mpanompoko; hisandratra sy ho ambony Izy ka ho avo indrindra.

Isaia 6:1

Tamin’ny taona nahafatesan’i Ozia mpanjaka no nahitako ny Tompo nipetraka teo ambonin’ny sezafiandrianana avo sady manerinerina, ary ny ebaneban’akanjony nahafeno ny tempoly.

Isaia 6:3

Ary nanandratra ny feony ireo ka nifamaly hoe: Masina, masina, masina Andriamanitra, Tompon’izao rehetra izao! Henika ny voninahiny ny tany rehetra!

Isaia 63:15

Mitsinjova eny an-danitra ka mijere eny amin’ny fonenan’ny fahamasinanao sy ny voninahitrao: Aiza ny fahasaro-piaronao sy ny asanao lehibe? Ny fandevilevin’ny kibonao sy ny famindramponao dia voasakana tsy ho amiko.

Jeremia 10:10

Fa NY TOMPO no Andriamanitra marina, eny, Izy no Andriamanitra velona sy Mpanjaka mandrakizay, izay mampihorohoro ny tany amin’ny fahatezerany ka tsy tantin’ny firenena ny fahavinirany.

Fitomaniana 3:41

Aoka hasandratsika ny fontsika sy ny tanantsika ho any amin’Andriamanitra any an-danitra.

Ezekiela 16:63

mba hahatsiarovanao sy hangaihaizanao ary tsy hiloa-bava intsony ianao noho ny henatrao, raha mamela ny helokao ny amin’ny nataonao rehetra Aho, hoy NY TOMPO Andriamanitra.

Ezekiela 9:4

Ary hoy NY TOMPO taminy: Mandehana mamakivaky ny tanàna, dia Jerosalema, ka asio marika ny handrin’ny olona izay misento sy mitaraina noho ny fahavetavetana rehetra atao ao aminy.

Daniela 2:11

Sarotra ny zavatra anontanian’ny mpanjaka ka tsy misy mahay milaza izany eo anatrehan’ny mpanjaka afa-tsy ireo andriamanitra izay tsy manam-ponenana miaraka amin’ny olona.

Daniela 4:17

Io hazo hitanao io dia ilay nihalehibe sy nihanahery, koa ny haavony dia nipaka tamin’ny lanitra ary ny fijery azy hatramin’ny tany rehetra;

Daniela 4:34

Koa amin’izany, izaho Nebokadnezara dia midera sy manandratra ary mankalaza ny Mpanjakan’ny lanitra; marina avokoa ny asany rehetra ary araka ny rariny ny lalany, ary izay mandeha amin’ny fiavonavonana dia hainy aetry.

Joela 2:13

Ny fonareo no triatriaro fa aza ny fitafianareo, dia miverena amin’NY TOMPO Andriamanitrareo; fa mamindra fo sy miantra Izy, mahari-po sady be famindrampo ary manenina ny amin’ny loza.

Mika 5:2

Koa hatolony ireny ambara-pahatongan’ny fotoana hiterahan’ny iray izay hiteraka; ary izay sisa amin’ny rahalahiny dia hiverina ho eo amin’ny Zanak’Israely.

Mika 6:8

Ry olombelona, efa naseho anao izay tsara sy izay ilain’NY TOMPO aminao, dia izao ihany: Ny hanao ny rariny sy ny ho tia famindrampo ary ny hanaraka an’Andriamanitrao amin’ny fanetren-tena.

Zakaria 2:13

Fa indro, hatsotrako eo ambonin’ireo firenena ny tanako ka ho tonga babon’ireo nanompo azy izy; dia ho fantatrareo fa Andriamanitra, Tompon’izao rehetra izao, no naniraka ahy.

Zakaria 9:9

Mifalia indrindra, ry Ziona zanakavavy! Manaova feo fifaliana, ry Jerosalema zanakavavy; Indro, ny Mpanjakanao avy ho anao. Marina Izy sady mpandresy, manetry tena sady mitaingina boriky, boriky tanora, zanaky ny borikivavy.

Matio 6:9

Koa amin’izany dia mivavaha toy izao ianareo: Rainay izay any an-danitra, hohamasinina anie ny anaranao.

Lioka 1:49

Fa ny Mahery efa nanatanteraka zavatra lehibe tamiko; masina ny anarany.

Lioka 4:18

«Ny Fanahin’NY TOMPO no ato Amiko, satria nanosotra Ahy hitory teny soa mahafaly amin’ny mahantra Izy; naniraka Ahy hitory fanafahana amin’ny gadra Izy sy fampahiratana amin’ny jamba, hamerina izay nampahorina ho amin’ny fahafahana,

Asan’ny Apostoly 3:14

Ianareo kosa dia nandà Ilay Masina sy Marina ka mpamono olona no nangatahinareo halefa ho anareo;

Romana 1:20

Fa ny fombany tsy hita maso, izany hoe ny heriny mandrakizay sy ny maha Andriamanitra Azy, dia miseho hatramin’ny nahariana izao tontolo izao ka fantatra sy hita amin’ny zavatra nataony, hany ka tsy manan-kalahatra ireo.

2Korintiana 1:4

izay mampionona anay amin’ny fahorianay rehetra mba hahaizanay mampionona izay rehetra mitondra fahoriana kosa, amin’ny fampiononana izay ampiononan’Andriamanitra anay.

2Korintiana 2:7

koa aleo kosa ianareo mamela heloka sy mampifaly azy, fandrao dia kivin’ny alahelo tafahoatra izany olona izany.

2Korintiana 7:6

Fa Andriamanitra izay mampionona ny mpandefitra no efa nampionona anay tamin’ny nahatongavan’i Titosy,

Deoteronomia 33:27

Ny Andriamanitra hatrizay hatrizay no fonenana, ary ny sandry mandrakizay no eto ambany. Mandroaka ny fahavalo eo anoloanao Izy ka miteny hoe: Aringano.

1Timoty 1:17

Ary ho an’ny Mpanjaka mandrakizay, tsy mety maty, tsy hita maso, dia ho an’Andriamanitra tokana ihany anie ny laza sy ny voninahitra mandrakizay mandrakizay. Amena.

1Timoty 6:16

Izy ihany no manana ny tsy fahafatesana, mitoetra eo amin’ny mazava tsy azo hatonina, izay tsy hitan’olona sady tsy hainy jerena; ho Azy anie ny voninahitra sy ny fanjakana mandrakizay. Amena.

Hebreo 9:14

mainka fa ny ran’i Kristy, izay nanolotra ny tenany tsy manan-tsiny ho an’Andriamanitra, tamin’ny alalan’ny Fanahy mandrakizay, no hahadio ny fieritreretanareo ho afaka amin’ny asa maty mba hanompoanareo an’Andriamanitra velona.

Jakoba 4:6

Nefa lehibe kokoa ny fahasoavana omeny, fa hoy izy hoe: «Andriamanitra dia manohitra ny mpiavonavona fa manome fahasoavana ho an’ny manetry tena» (Oha 3.34).

1Petera 5:5

Toy izany koa ianareo tanora, maneke ny loholona. Eny, samia mitafy fanetren-tena ianareo ka mifanompoa, fa «Andriamanitra manohitra ny mpiavonavona fa manome fahasoavana ho an’ny manetry tena» (Oha 3.34).

Apokalipsy 15:4

Iza no tsy hatahotra? Ary iza no tsy hankalaza ny anaranao, Tompo ô? Fa Ianao ihany no masina ary ny firenena rehetra dia ho avy hiankohoka eo anatrehanao; fa naharihary ny fitsarana marina nataonao.

Apokalipsy 3:7

Ary soraty ho amin’ny anjelin’ny Fiangonana any Filadelfia: Izao no lazain’Izay masina, Izay marina, Izay manana ny fanalahidin’i Davida, Izay mamoha ka tsy hisy hanidy ary manidy ka tsy misy mamoha:

Apokalipsy 4:8

Ny zavamananaina efatra dia samy nanana elatra enina avy, sady feno maso ny tenany rehetra manodidina ka hatrany anatiny. Ary tsy mitsahatra andro aman’alina izy miteny hoe: Masina, masina, masina ny Tompo Andriamanitra Tsitoha, Ilay taloha sy ankehitriny ary ho avy!

1Samoela 2:2

Tsy misy masina tahaka NY TOMPO satria tsy misy afa-tsy Ianao; tsy misy vatolampy tahaka ny Andriamanitsika.