Zakaria 9:3 - Baiboly Katolika

³ I Tira dia nanao trano mimanda ho azy, nanangona volafotsy hoatra ny vovoka, sy volamena hoatra ny fotaka eny an-dalambe.

Baiboly Protestanta Malagasy 2011

³ I Tiro dia nanao manda mafy ho an’ny tenany ka nanangona volafotsy ohatra ny vovoka sy volamena tsara ohatra ny fotaka eny an-dalambe.

DIEM PROTESTANTA

³ Ary i Tiro nanao manda mafy ho azy; volafotsy matevina tahaka ny vovoka no voaangony ary koa volamena mivongana toy ny fotaka eny an-dalambe.

Dikateny Iombonana Eto Madagasikara

³ Ary i Tiro nanao manda mafy ho azy; volafotsy matevina tahaka ny vovoka no voaangony ary koa volamena mivongana toy ny fotaka eny an-dalambe.

Baiboly Protestanta Malagasy

³ Ary Tyro nanao mànda mafy ho azy Ka nanangona volafotsy hoatra ny vovoka Sy volamena tsara hoatra ny fotaka eny an-dàlambe.

Malagasy Bible

³ Ary Tyro nanao manda mafy ho azy Ka nanangona volafotsy hoatra ny vovoka Sy volamena tsara hoatra ny fotaka eny an-dalambe.

La Bible en Malgache

³ I Tiro dia nanao manda mafy ho an’ny tenany ka nanangona volafotsy ohatra ny vovoka sy volamena tsara ohatra ny fotaka eny an-dalambe.

Zakaria 9:3 Rohy Ifampitohizana

2Samoela 24:7

Ary nalehany koa i Tiro, tanàna mimanda, mbamin’ny tanànan’ny Heveanina sy ny Kananeanina rehetra dia tafapaka amin’ny Negeban’i Jodà, any Bersabea.

1Mpanjaka 10:21

Ny kapoaka fisotroan’i Salômôna mpanjaka, dia volamena avokoa, ny vilia rehetra tao amin’ny trano Alan’i Libàna, volamena madio avokoa. Tsy nisy volafotsy tamin’ireny, fa natao tsinontsinona izany tamin’ny andron’i Salômôna.

1Mpanjaka 10:27

Tao Jerosalema ny volafotsy nataon’ny mpanjaka ho ankabetsahana toy ny vato, ary ny hazo sedera nataony maro toy ny amontana maniry any an-tany lemaka.

Joba 22:24

Ario eny amin’ny vovoka ny anja-bolamena, ary eny amin’ny korontam-bato eny an-dohasahan-driaka, ny volamenan’i Ofira.

Joba 27:16

Na hanangona volafotsy hoatra ny fasika aza izy, ka hampisavoana fitafiana hoatra ny fotaka,

Joba 3:15

sy amin’ireo andriandahy be volamena, nameno volafotsy ny fonenany.

Isaia 23:11

I Iaveh efa naninjitra ny tanany amin’ny ranomasina, nampihorohoro ny fanjakana; nanao didy hamelezana ny tanànany mimanda.

Isaia 23:8

Iza no nandidy izany, hamelezana an’i Tira izay nanome satroboninahitra; ary ny mpandrantony dia andriandahy, ary ny mpivarotra avy aminy olo-malaza amin’ny tany?

Ezekiela 26:12

Ny harenao, halainy; ny entam-barotrao, hobaboiny; ny mandanao, harodany; ny lapa soanao, hazerany; ary hariany eny amin’ny rano ny vato aman-kazonao mbamin’ny vovokao.

Ezekiela 27:27

Ny harenao, ny varotrao, ny entanao, ny mpiantsambonao amam-panamory eo aminao, ny mpamboatra sambo sy ny mpanelanelam-barotrao, ny lehilahy mpiady rehetra izay eo aminao, mbamin’ny vahoaka zavon-tany izay eo afovoanao, dia ho latsaka ao anatin’ny ranomasina amin’ny andro hianjeranao.

Ezekiela 27:33

Fony nivoaka avy amin’ny ranomasina ny entanao, nahavoky firenena maro ianao; amin’ny habetsahan’ny harenao amam-barotrao, nampanan-karena ny mpanjakan’ny tany ianao.

Ezekiela 27:34

Ankehitriny kosa rehefa ravan’ny ranomasina ianao, sady nazera any amin’ny fara fanambanin’ny riaka, ny entanao mbamin’ny vahoaka rehetra tao aminao, niara-drendrika taminao koa.

Ezekiela 28:1

Tonga tamiko ny tenin’i Iaveh nanao hoe:

Amosa 1:9

Izao no lazain’i Iaveh: «Noho ny heloka telo nataon’i Tira - sy noho ny efatra - tsy hahemotro ny didy, satria nanolotra olona babo an’andiany mihitsy ho any Edôma izy, fa tsy nahatsiaro fanekem-pirahalahiana,

Josoa 19:29

dia niolaka ny faritry ny tany mankany Ramaha hatrany Tira, tanàna mimanda, ary niolaka ny faritra mankany Hosa, ka nihatra tamin’ny ranomasina, akaikin’ny faritanin’i Akziba,