Zakaria 9:1 - Baiboly Katolika

¹ Teny fitsarana. Tenin’i Iaveh mamely ny tany Hadràky; ary ao Damasa no ho fonenany, - fa ny mason’i Iaveh dia eo amin’ny olona, sy eo amin’ny fokon’i Israely rehetra; -

Baiboly Protestanta Malagasy 2011

¹ Teny faminaniana. Tonga any amin’ny faritanin’i Hadraka ny tenin’NY TOMPO ary miato any Damaskosy izany. Fa ny mason’NY TOMPO mandinika ny olombelona mbamin’ny foko rehetra amin’ny Israely

DIEM PROTESTANTA

¹ Hafatry ny TOMPO. Any amin’ny tanin’i Hadràka no tafapaka ny teniny, ka niato tao Damasy; satria samy an’ny TOMPO na ireo tanànan’i Arama na ny fitambaran’ireo fokon’ny Israely.

Dikateny Iombonana Eto Madagasikara

¹ Hafatry ny TOMPO. Any amin’ny tanin’i Hadràka no tafapaka ny teniny, ka niato tao Damasy; satria samy an’ny TOMPO na ireo tanànan’i Arama na ny fitambaran’ireo fokon’ny Israely.

Baiboly Protestanta Malagasy

¹ TENY faminaniana avy tamin’i Jehovah ny amin’ny loza hanjo ny tany Hadraka, Ary Damaskosy no hiharany– Fa ny mason’i Jehovah mandinika ny olombelona Mbamin’ny firenena rehetra amin’ny Isiraely–

Malagasy Bible

¹ Teny faminaniana avy tamin'i Jehovah ny amin'ny loza hanjo ny tany Hadraka, Ary Damaskosy no hiharany - Fa ny mason'i Jehovah mandinika ny olombelona Mbamin'ny firenena rehetra amin'ny Isiraely -

La Bible en Malgache

¹ Teny faminaniana. Tonga any amin’ny faritanin’i Hadraka ny tenin’NY TOMPO ary miato any Damaskosy izany. Fa ny mason’NY TOMPO mandinika ny olombelona mbamin’ny foko rehetra amin’ny Israely

Zakaria 9:1 Rohy Ifampitohizana

Genesisy 14:15

Natokotokony ny olona nentiny mba hanao sovokalina izy sy ireto mpanompony, ka nandresy sy nanenjika an-dry zareo hatrany Hôba, ao ankavian’i Damasy.

2Tantara 20:12

Ry Andriamanitra ô, tsy hamoaka fitsarana an’ireo va Ianao? Fa izahay dia tsy manan-kery eo anatrehan’ireo vahoaka be tonga hamely anay ireo, ka tsy hitanay izay hataonay, fa Ianao no itodihan’ny masonay!»

Salamo 145:15

Mitodika miandry Anao ny mason’ny zavatra rehetra, ary omenao izay haniny amin’ny fotoany izy.

Salamo 25:15

Mitodika any amin’i Iaveh mandrakariva ny masoko, fa Izy no hanafaka ny tongotro amin’ny fandrika harato.

Isaia 13:1

Faminaniana momba an’i Babilôna nambara tamin’i Izaia, zanak’i Amôsa.

Isaia 52:10

Nasehon’i Iaveh ny sandrin’ny fahamarinany, hiharihary eo imason’ny firenena rehetra. Ary ny faran’ny tany rehetra, hahita ny famonjen’ny Andriamanitsika.

Jeremia 16:19

Ry Iaveh, heriko ama-mandako, sy fialofako amin’ny andron’ny fahoriana, ho tonga aminao ny firenena maro, avy amin’ny faran’ny tany, ka hanao hoe: Ny razanay tsy nahazo lova afa-tsy ny lainga, sy zava-poana tsy azo atao na inona na inona!

Jeremia 32:19

lehibe amin’ny fisainana sy mahery amin’ny asa; ny masonao ajerinao ny lalan’ny taranak’i Adama rehetra, mba hamalianao azy, araka ny lalany avy, sy araka ny vokatry ny asany avy.

Amosa 1:9

Izao no lazain’i Iaveh: «Noho ny heloka telo nataon’i Tira - sy noho ny efatra - tsy hahemotro ny didy, satria nanolotra olona babo an’andiany mihitsy ho any Edôma izy, fa tsy nahatsiaro fanekem-pirahalahiana,

Amosa 3:12

Izao no lazain’i Iaveh: «Toy ny fanatsoakan’ny mpiandry ondry, avy eo am-bavan’ny liona ny ranjo roa na tendron-tsofina iray, no famonjy ny zanak’i Israely izay mipetraka ao Samaria, eo an-joron’ny sezabe, eo ambonin’ny ondana avy any Damasy.»

Nahoma 1:1

Teny momba an’i Niniva. Boky milaza ny fahitan’i Nahoma avy any Elkosy.

Zakaria 4:10

Fa iza no hanamavo ny andron’ny zava-madinika? Hifaly izy ireo mahita ny pilao eny an-tanan’i Zôrôbabela. Ireo lalampy fito ireo, dia ny mason’i Iaveh mitety ny tany rehetra.

Zakaria 5:4

Izaho no nandefa izany ozona izany, - teny marin’i Iavehn’ny tafika, - ka ho tonga ao amin’ny tranon’ny mpangalatra sy amin’ny tranon’ny mianiana tsy tò amin’ny Anarako, dia hitoetra ao afovoan’izany trano izany ary handevona azy mbamin’ny hazony sy ny vatony.»

Malakia 1:1

Teny fitsarana. Tenin’i Iaveh ho an’i Israely amin’ny alalan’i Malakia.