Salamo 9:20 - Baiboly Katolika

²⁰ Mitsangàna, ry Iaveh, aoka tsy ho ny olombelona no hahery; aoka hotsaraina eo anatrehan’ny Tavanao ny firenena!

Baiboly Protestanta Malagasy 2011

²⁰ Ataovy eo aminy ny horohoro, TOMPO ô! Aoka ho fantatry ny Jentilisa fa olona ihany izy! Fiatoana

DIEM PROTESTANTA

²⁰ Mirotsaha an-tsehatra re, TOMPO ô, aza avela hahery noho Ianao ny olona. Enga anie ireo hafa firenena hotsaraina eo anatrehanao!

Dikateny Iombonana Eto Madagasikara

²⁰ Mirotsaha an-tsehatra re, TOMPO ô, aza avela hahery noho Ianao ny olona. Enga anie ireo hafa firenena hotsaraina eo anatrehanao!

Baiboly Protestanta Malagasy

²⁰ Asio fampahatahorana izy, Jehovah ô; Aoka ho fantatry ny jentilisa fa olona ihany izy. [Sela.]

Malagasy Bible

²⁰ Asio fampahatahorana izy, Jehovah ô; aoka ho fantatry ny jentilisa fa olona ihany izy.

La Bible en Malgache

²⁰ Ataovy eo aminy ny horohoro, TOMPO ô! Aoka ho fantatry ny Jentilisa fa olona ihany izy! Fiatoana

Salamo 9:20 Rohy Ifampitohizana

2Tantara 14:10

Niantso an’i Iaveh Andriamaniny i Asà ka nanao hoe: «Iaveh ô, azonao vonjena mora foana ny malemy tahaka ny mahery, ka vonjeo izahay, ry Iaveh Andriamanitray! Fa Ianao no iankinanay, ary amin’ny Anaranao no nandrosoanay hiady amin’ireto vahoaka be ireto, Ianao no Andriamanitray, ry Iaveh: aza maharesy Anao anie ny olona!»

Salamo 3:8

Mitsangàna, ry Iaveh ô! Vonjeo aho, ry Andriamanitro! Fa Ianao no mamely ny takolaky ny fahavaloko rehetra; Ianao no manorotoro ny nifin’ny ratsy fanahy.

Salamo 62:9

Matokia Azy mandrakariva, rey vahoaka; aborahy eo anatrehany ny fonareo; Andriamanitra no fialofantsika. - Selà

Salamo 76:12

Manaova voady ianareo, ka efao amin’i Iaveh Andriamanitra izany, aoka hitondra fanatitra ho an’Andriamanitra mahatahotra, izay rehetra manodidina azy.

Eksodosy 15:16

Ho resin-tahotra sy zoim-pahoriana izy ireo. Noho ny herin-tsandrinao, hanjary toa vato tsy mahahetsika izy ireo. Mandra-pandalon’ny vahoakanao, ry Iaveh ô, Mandra-pandalon’ny vahoakanao izay navotanao.

Eksodosy 23:27

«Handefa ny fampangorohoroako hialoha anao Aho, hampifandritahiko ny firenena rehetra hahatongavanao, ary hampiambohoiko anao ny fahavalonao rehetra.

Isaia 31:3

Ny Ejiptianina dia olombelona ihany, fa tsy fanahy; dia haninji-tanana i Iaveh, ka ho tafintohina izay manampy, ho potraka izay hampiana, ary hiara-devona avokoa izy roa tonta.

Jeremia 32:40

Hanao fanekena mandrakizay aminy Aho, mba tsy hihatahako aminy tsy manao soa aminy intsony, ary halatsako ao am-pony ny fahatahorany Ahy, mba tsy hihatahany Amiko.

Ezekiela 28:2

Ry zanak’olona, lazao ny mpanjakan’i Tira hoe: Izao no lazain’ny Tompo Iaveh: Noho ny fonao nanandra-tena, sady ianao nanao hoe: Andriamanitra aho, no ipetrahako eo anivon’ny ranomasina, seza fiandrianan’Andriamanitra; nefa olombelona ihany ianao, fa tsy Andriamanitra tsy akory, na dia ataonao ho toy ny fon’Andriamanitra aza ny fonao!

Ezekiela 28:9

Ianao va mbola hilaza hoe: «Andriamanitra aho,» eo anatrehan’ny mpamono anao; nefa olombelona ihany ianao, fa tsy Andriamanitra tsinona, eo an-tanan’izay mamono anao?

Ezekiela 30:13

Izao no lazain’ny Tompo Iaveh: Hofoanako ny sampim-betaveta, holevoniko ny andriamanitra tsy izy ao Nôfa, tsy hisy mpanapaka intsony, avy amin’ny tany Ejipta, ary hanidinako tahotra ny tany Ejipta.

Deoteronomia 2:25

Hatramin’ny anio dia haeliko amin’ny vahoaka rehetra mbamin’ny lanitra ny horohoro aman-tahotra ny anaranareo; ka raha vao mandre ny lazanareo izy dia hangovitra sy hangorohoro noho ny aminao.