Ohabolana 28:1 - Baiboly Katolika

¹ Mandositra tsy enjehina ny ratsy; fa matoky toy ny liona kosa ny marina.

Baiboly Protestanta Malagasy 2011

¹ Mandositra ny ratsy fanahy na dia tsy misy manenjika aza; fa ny marina kosa dia matoky toy ny liona tanora.

DIEM PROTESTANTA

¹ Mandositra ny olon-dratsy na dia tsy misy manenjika azy, fa ny olo-marina kosa matoky tena toy ny liona tanora.

Dikateny Iombonana Eto Madagasikara

¹ Mandositra ny olon-dratsy na dia tsy misy manenjika azy, fa ny olo-marina kosa matoky tena toy ny liona tanora.

Baiboly Protestanta Malagasy

¹ Ny ratsy fanahy mandositra, na dia tsy misy manenjika aza; Fa ny marina kosa dia matoky toy ny liona tanora.

Malagasy Bible

¹ Ny ratsy fanahy mandositra, na dia tsy misy manenjika aza; Fa ny marina kosa dia matoky toy ny liona tanora.

La Bible en Malgache

¹ Mandositra ny ratsy fanahy na dia tsy misy manenjika aza; fa ny marina kosa dia matoky toy ny liona tanora.

Ohabolana 28:1 Rohy Ifampitohizana

1Mpanjaka 1:49

Raiki-tahotra mafy izy rehetra nasain’i Adoniasa ka tafatsangana dia samy lasa nandeha amin’izay nalehany avy.

2Mpanjaka 7:15

Koa nandeha nanaraka azy hatrany Jordany ireo; ary indro ny lalam-be rehetra dia rakotry ny fitafiana amam-panaka narian’ny Sirianina, tamin’ny fikoropahany nandositra. Nony niverina ny iraka dia nilaza izany tamin’ny mpanjaka.

Nehemia 6:11

Fa hoy ny navaliko: «Lehilahy toa ahy izao ve ka handositra!... Ary ahoana moa no hidiran’ny olona tahaka ahy any amin’ny tempoly ka mbola ho velona ihany? Tsy hiditra aho.»

Joba 15:21

Feo mahatsiravina no migingìna ao an-tsofiny, raha eo afovoan’ny fiadanana izy no irotsahan’ny mpandrava.

Salamo 112:7

Tsy mba matahotra ampandrenesina loza izy miorina mafy ny fony, matoky an’i Iaveh izy;

Salamo 53:5

Moa tsy manana fahalalana va ry zareo mpanao ratsy? fa ny vahoakako haniny toy ny fihinan-kanina; izy ireo tsy miantso an’Andriamanitra akory.

Salamo 53:6

Ho tera-kovitry ny tahotra tampoka izy ireo, tsy misy anefa izay tokony hatahorany, fa naelin’Andriamanitra ny taolan’izay nitoby hamely anao; nampahamenatra azy ianao satria efa narian’Andriamanitra izy.

Eksodosy 11:8

Izay ny mpanomponao rehetra etoana dia hidina hankany amiko sy hiankohoka eo anatrehako, ka hanao hoe: Mandehana any avokoa, ianao sy ny vahoaka rehetra manaraka anao. Ary izay koa Aho vao handeha.» Dia tamim-pahatezerana mirehitra no nivoahan’i Môizy avy ao amin’i Faraôna.

Ohabolana 10:9

Izay mandeha tsy manan-tsiny no mandeha matoky; fa izay maniasia lalana, ho fantatra eny ihany.

Ohabolana 27:27

be ny rononon’osy ho sakafonao sy ny ankohonanao, ary ho famelomana ny ankizy vavinao koa.

Isaia 30:17

Raha iray no handrahona, dia arivo no handositra; ary raha dimy no handrahona, handositra avokoa ianareo. Mandra-pahatonganareo ho kely sisa, tahaka ny tsato-kazo eny an-tampon’ny tendrombohitra, na ny faneva famantarana eny an-kavoana.

Isaia 7:2

Nambara tamin’ny taranak’i Davida izany vaovao izany, fa hoe: «Mitoby any amin’i Efraima i Siria.» Tamin’izany nipararetra hoatra ny fanetsiky ny rivotra ny hazo an’ala, ny fon’ny mpanjaka sy ny fon’ny vahoaka.

Jeremia 20:4

Satria izao no lazain’i Iaveh: «Indro atolotro ho amin’ny fangorohoroana, ianao sy ny sakaizanao. Izy ireo ho lavon’ny sabatry ny fahavalony, ary ianao hahita maso an’izany. I Jodà rehetra koa hatolotro ho eo an-tanan’ny mpanjakan’i Babilôna, ka hoentiny babo any Babilôna izy ireo, ary hovonoiny amin’ny sabatra.

Levitikosy 26:17

Hanandrina anareo ny Tavako, ka ho resin’ny fahavalonareo ianareo; izay mankahala anareo no hanapaka anareo, ary handositra tsy enjehina ianareo.

Levitikosy 26:36

Izay ho sisa velona aminareo, hampidirako tebiteby ny fony any amin’ny tanim-pahavalony, ka ny fipikan’ny ravin-kazo iray monja voahetsika, dia ampy hahavaky mandositra azy; handositra toy ny enjehin-tsabatra izy, ary ho lavo tsy misy mpanenjika.

Asan’ny Apostoly 14:3

Fa na izany aza, dia nitoetra ela tao ihany izy roa lahy, ka nitory tamin-kasahiana noho ny fitokiany ny Tompo, izay nanamarina ny tenin’ny fahasoavany tamin’ny nampanaovana azy ireo famantarana sy fahagagana.

Asan’ny Apostoly 4:13

Dia gaga ry zareo nahita ity hasahian’i Piera sy i Joany, satria fantany fa sarambaben’olona sy tsy nahita fianarana izy roa lahy, ary tandriny koa fa olona efa niaraka tamin’i Jesoa izy ireo;

Deoteronomia 28:25

Hataon’i Iaveh resy eo anoloan’ny fahavalonao ianao, lalana iray no hivoahanao hiady aminy, fa lalana fito kosa no handosiranao eo anoloany, ary ho zavatra mahatsiravina ho an’ny fanjakana rehetra ambonin’ny tany ianao.

Deoteronomia 28:7

Ny fahavalo mitsangan-kiady aminao hataon’i Iaveh vaky mandositra eo anoloanao; lalana iray no nandrosoany hiady aminao, fa lalana fito kosa no handosirany eo anoloanao.

1Tesaloniana 2:2

fa nony avy nampahorîna sy nalàm-baraka tany Filipy izahay, araka ny fantatrareo rahateo, dia tonga nitory ny Evanjelin’Andriamanitra tatỳ aminareo, tamim-pitokiana lehibe an’Andriamanitra sy tanatin’ny ady mangotraka.