Nomery 25:13 - Baiboly Katolika

¹³ dia ho faneken’ny fisoronana mandrakizay, ho azy sy ny taranany mandimby azy, noho izy saro-piaro ho an’Andriamaniny, sy nanao ny fanonerana ho an’ny zanak’i Israely.»

Baiboly Protestanta Malagasy 2011

¹³ Izy sy ny taranany mandimby azy no hanana izany ho faneken’ny fisoronana mandrakizay satria nirehitra noho ny fitiavany an’Andriamaniny izy ka nanao fanavotana ho an’ny Zanak’Israely.

DIEM PROTESTANTA

¹³ izany fanekempihavanana izany dia hahatonga ny tenany sy ny taranany ho mpisorona hatrany, satria niseho ho saro-piaro momba Ahy i Pinehasa ka nahazo famelan-keloka ho an’ny Israelita.

Dikateny Iombonana Eto Madagasikara

¹³ izany fanekempihavanana izany dia hahatonga ny tenany sy ny taranany ho mpisorona hatrany, satria niseho ho saro-piaro momba Ahy i Pinehasa ka nahazo famelan-keloka ho an’ny Israelita.

Baiboly Protestanta Malagasy

¹³ ary izy sy ny zanany mandimby azy no hanana izany ho faneken’ny fisoronana mandrakizay, satria nirehitra noho ny fitiavany an’Andriamaniny izy ka nanao fanavotana ho an’ny Zanak’Isiraely.

Malagasy Bible

¹³ ary izy sy ny zanany mandimby azy no hanana izany ho faneken'ny fisoronana mandrakizay, satria nirehitra noho ny fitiavany an'Andriamaniny izy ka nanao fanavotana ho an'ny Zanak'Isiraely.

La Bible en Malgache

¹³ Izy sy ny taranany mandimby azy no hanana izany ho faneken’ny fisoronana mandrakizay satria nirehitra noho ny fitiavany an’Andriamaniny izy ka nanao fanavotana ho an’ny Zanak’Israely.

Nomery 25:13 Rohy Ifampitohizana

2Samoela 21:3

Izao no nolazain’i Davida tamin’ny Gabaônita: «Inona no hataoko ho anareo? Ary amin’inona no hanaovako ny fanonerana mba hitsofanareo rano ny lovan’i Iaveh?»

1Mpanjaka 19:10

Ka hoy ny navaliny: «Feno hafanam-po ho an’i Iaveh Andriamanitry ny tafika aho, fa ny fanekenao nafoin’ny zanak’i Israely, ny ôtelinao nazerany, ny mpaminaninao novonoiny tamin’ny sabatra, izaho irery no sisa, ary tadiaviny halàna aina aho.»

1Mpanjaka 19:14

Ary hoy ny navaliny: «Feno hafanam-po ho an’i Iaveh Andriamanitry ny tafika aho, fa ny fanekenao nafoin’ny zanak’i Israely, ny ôtelinao nazerany, ny mpaminaninao novonoiny tamin’ny sabatra, izaho irery sisa, ary tadiaviny halàna aina aho.»

1Mpanjaka 2:27

Koa nesorin’i Salômôna tsy ho mpisoron’i Iaveh intsony i Abiatara, ary tanterany tamin’izay ilay nolazain’i Iaveh tany Silao ny amin’ny fianakavian’i Helì.

Nehemia 13:29

Tsarovy izy ireo, ry Andriamanitra ô, ny amin’ny nanalany baraka ny fisoronana sy ny andraikitra masin’ny mpisorona sy ny Levita!

Salamo 106:31

Notanana ho fahamarinana ho azy izany nataony izany, hatramin’ny taona mifandimby mandrakizay.

Salamo 119:139

Mandritra aina ahy ny fahazotoako, satria manadino ny teninao ireo mpanohitra ahy.

Salamo 69:9

Zary vahiny eo amin’ny rahalahiko aho, ary olon-tsy fantatra eo amin’ny zanak’ineny.

Eksodosy 29:9

I Aarôna sy ireo zanany samy etrao amin’ny fehikibo; ary ireo zanak’i Aarôna ampisatrohy mitra. Dia ho azy ireo, amin’ny lalàna mandrakizay ny fisoronana; ary hanokana an’i Aarôna sy ireo zanany ianao.»

Eksodosy 32:30

Nony ampitso hoy i Môizy tamin’ny vahoaka: «Efa nahavita heloka be vava ianareo, ka ankehitriny ndeha hiakatra ho any amin’i Iaveh aho, fa angamba hahazo famelana ny fahotanareo aho.»

Eksodosy 40:15

dia hohosoranao toy ny nanosoranao an-drainy izy, dia ho mpisorona hanao ny fanompoana Ahy. Izany fanosorana izany no hampahazo azy ny fahefam-pisoronana mandrakizay amin’ny taranany mandimby azy.»

Isaia 61:6

Fa ianareo kosa hataon’ny olona hoe: «mpisoron’i Iaveh.» sy hantsoin’ny olona hoe: «Mpandraharahan’ny Andriamanitsika.» Hihinana ny haren’ny firenena ianareo; hihaingo amin’ny zavatra kanto avy aminy, ary hitafy ny fiamboniana nananany.

Jeremia 33:18

Ireo Levita mpisorona koa, tsy ho diso lehilahy na oviana na oviana eo anatrehako, hanolotra sorona dorana, hampanetona ny fanatitra, ary hanao ny sorona isan’andro isan’andro.

Jeremia 33:22

Toy ny tafiky ny lanitra, tsy azo isaina, sy toy ny fasika any amin’ny ranomasina tsy azo afàtra, no hampitomboako ny taranak’i Davida mpanompoko, sy ireo Levita manao ny fanompoana Ahy.

Levitikosy 15:15

Ary ny mpisorona hanatitra azy ireo, ny iray hatao sorona noho ny ota, ny iray hatao sorona dorana. Ny mpisorona hanao ny fanonerana ho azy, eo anatrehan’i Iaveh noho ny fitsihany.

Malakia 2:8

Fa ianareo kosa nivily lalana, nanafintohina olona maro tamin’ny lalàna, ary namadika ny fanekena tamin’i Levì hoy i Iavehn’ny tafika.

Nomery 17:12

Nalain’i Aarôna araka ny voalazan’i Môizy ny fanembohana, ka nihazakazaka nankeo afovoan’ny fiangonana izy; ary indro efa nanomboka ny loza eo amin’ny vahoaka. Dia nasiana zava-manitra ny fanembohana, ka nataony ny fanonerana ho an’ny vahoaka.

Nomery 25:14

Zamarì no anaran’ilay lehilahy Israelita, niara-novonoina tamin-dravehivavy Madianita; zanak’i Salò izy, sady filoham-pianakaviana tamin’ny Simeônita.

Jaona 2:17

Dia tsaroan’ny mpianany fa efa voasoratra hoe: «Ny fitiavako ny tranonao no maharîtra ny aiko.»

Hebreo 2:17

Ka izany no tsy maintsy nanaovana Azy mitovy amin’ny rahalahiny amin’ny zavatra rehetra, mba ho tonga be famindram-po Izy sy Mpisorona mahatoky ny amin’Andriamanitra, hanaovany sorom-pifonana noho ny otan’ny olona;

Hebreo 7:11

Koa raha tahiny nahalavorary zavatra ny fisoronan’i Levi, fa tamin’izany no nandraisan’ny olona ny Lalàna, ahoana indray àry no ilàna Mpisorona hafa araka ny fomban’i Melkisedeka, fa tsy araka ny fomban’i Aarôna?

Josoa 7:12

Ka tsy natahotra ny fahavalony ny zanak’i Israely fa niamboho teo anoloan’ny fahavalony izy, satria tonga anatema. Tsy homba anareo intsony Aho amin’ny sisa, raha tsy esorinareo hiala aminareo ny anatema.

1Petera 2:5

ary ianareo koa dia mirafeta eo amboniny, toy ny vato velona, mba hitsangana ho tempoly fanahy, ho mpisorona masina, ka hanolotra fanati-panahy ankasitrahin’Andriamanitra, amin’ny alalan’i Jesoa Kristy.

1Petera 2:9

Fa ianareo kosa dia taranaka voafidy, mpisorona manjaka, firenena masina, vahoaka navotana, mba hitorianareo ny hatsaran’Ilay niantso anareo hiala tamin’ny haizina, ho amin’ny fahazavany mahagaga:

1Jaona 2:2

Izy no sorom-pifonana mahafaka ny fahotantsika; ary tsy ny antsika ihany, fa ny an’izao tontolo izao koa.

Apokalipsy 1:6

sy nanao antsika ho fanjakana amam-pisoron’Andriamanitra Rainy, eny, ho Azy anie ny voninahitra amam-pahefana mandrakizay doria. Amen.

1Samoela 2:30

Noho izany, izao no tenin’i Iaveh Andriamanitr’i Israely: Fa efa voalazako fa ny taranakao sy ny tarana-drainao no handeha eo anatrehako mandrakizay; nefa ankehitriny, aza ho toy izany intsony, hoy i Iaveh. Fa izay manaja Ahy no hohajaiko, ary izay maniratsira Ahy no hotsiratsiraiko koa.