Nomery 18:9 - Baiboly Katolika

⁹ Izao no ho anjaranao amin’ny zava-masina indrindra, ialan’izay holevonin’ny afo: ny zavatra hatolony rehetra, izany hoe ny fanatiny rehetra, ny sorona rehetra noho ny ota, ny sorom-panonerana rehetra hatolony ho Ahy; izany rehetra izany izay zava-masina indrindra, dia ho anao sy ny zanakao.

Baiboly Protestanta Malagasy 2011

⁹ Izao no ho anao amin’ireo zavatra masina indrindra, avy amin’ny fanatitra izay tsy nolevonina tamin’ny afo: Ny fanatitra rehetra izay atolony ho fanatitra avy amin’ny zavamaniry sy ho fanatitra noho ny ota ary ho fanati-panonerana izay hanonerany ho Ahy; ho masina indrindra ho anao sy ireo zanakao izany.

DIEM PROTESTANTA

⁹ Ireto avy no horaisinareo amin’ny fanatitra masina indrindra, afa-tsy izay zavatra dorana: ny fanomezana rehetra hataon’ny Israelita amiko, izany hoe ny fanatitra lafarinina rehetra sy ny sorona rehetra fanalana ny ota ary ny sorom-panonerana rehetra; ireo fanatitra masina indrindra ireo dia ho anao sy ny taranakao,

Dikateny Iombonana Eto Madagasikara

⁹ Ireto avy no horaisinareo amin’ny fanatitra masina indrindra, afa-tsy izay zavatra dorana: ny fanomezana rehetra hataon’ny Israelita amiko, izany hoe ny fanatitra lafarinina rehetra sy ny sorona rehetra fanalana ny ota ary ny sorom-panonerana rehetra; ireo fanatitra masina indrindra ireo dia ho anao sy ny taranakao,

Baiboly Protestanta Malagasy

⁹ Izao no ho anao amin’ny zavatra masina indrindra, avy amin’ny fanatitra atao amin’ny afo; ny fanatiny rehetra sy ny fanatiny noho ny ota rehetra ary ny fanati-panonerany rehetra, izay hanonerany ho Ahy; ho masina indrindra ho anao sy ny taranakao izany.

Malagasy Bible

⁹ Izao no ho anao amin'ny zavatra masina indrindra, avy amin'ny fanatitra atao amin'ny afo; ny fanatiny rehetra sy ny fanatiny noho ny ota rehetra ary ny fanati-panonerany rehetra, izay hanonerany ho Ahy; ho masina indrindra ho anao sy ny taranakao izany.

La Bible en Malgache

⁹ Izao no ho anao amin’ireo zavatra masina indrindra, avy amin’ny fanatitra izay tsy nolevonina tamin’ny afo: Ny fanatitra rehetra izay atolony ho fanatitra avy amin’ny zavamaniry sy ho fanatitra noho ny ota ary ho fanati-panonerana izay hanonerany ho Ahy; ho masina indrindra ho anao sy ireo zanakao izany.

Nomery 18:9 Rohy Ifampitohizana

2Mpanjaka 12:17

Ny vola tamin’ny sorona noho ny ota sy ny sorona noho ny heloka dia tsy mba naterina tao an-tranon’i Iaveh fa an’ny mpisorona.

Nehemia 10:36

Nametra-teny izahay fa hanatitra ao an-tranon’i Iaveh isan-taona ny voaloham-bokatry ny taninay sy ny santatry ny voankazo rehetra avy amin’ny hazo mamoa rehetra,

Ezekiela 42:13

Dia hoy izy tamiko: «Ireo efitrano eo avaratra, sy efitrano eo atsimo manatrika ny fitoerana foana ireo, no efitranon’ny fitoerana masina, ihinanan’ny mpisorona manatona an’i Iaveh ny zava-masina indrindra; ao no ametrahany ny zavatra masina indrindra, ny fanatitra, ny sorona noho ny ota sy noho ny fahadisoana, satria masina io fitoerana io.

Ezekiela 44:29

Ny hiveloman’izy ireo dia ny fanatitra, ny sorona noho ny ota, ary ny sorona noho ny fahadisoana; ary izay rehetra hatao anatema amin’i Israely, dia ho azy ireo avokoa.

Levitikosy 10:17

«Nahoana no tsy nohaninareo, teo amin’ny fitoerana masina, ny sorona noho ny ota? Fa zava-masina dia masina izany, ary nomen’i Iaveh anareo, mba hitondranareo ny otan’ny fiangonana sy hanaovanareo ny fanonerana ho azy, eo anatrehan’i Iaveh?

Levitikosy 14:13

Eo amin’ny toerana famonoana ny sorona noho ny ota, sy ny sorona dorana, no hamonoany ny zanak’ondry, dia eo amin’ny fitoerana masina; fa amin’ny sorona fanonerana, dia an’ny mpisorona, toy ny amin’ny sorona noho ny ota, ny zavatra atao sorona: zava-masina dia masina izany.

Levitikosy 2:10

Izay sisa amin’ny fanatitra dia ho an’i Aarôna sy ny zanany; fa zava-masina dia masina amin’ny sorona atao amin’ny afo ho an’i Iaveh.»

Levitikosy 22:11

Mahazo mihinana ihany anefa, izay mpanompon’ny mpisorona novidiny vola, toy izany koa izay teraka tao an-tranony; azon’ireny hanina izay fihinany.

Levitikosy 22:7

ka hadio, rehefa maty ny masoandro, dia hahazo mihinana ny zava-masina, fa fihinany izany.

Levitikosy 4:22

Raha mpifehy no nanota, nanao tsy nahy zavatra anankiray amin’izay noraran’i Iaveh Andriamaniny tsy hatao, ka tonga meloka tamin’izany,

Levitikosy 4:27

Raha ny iray amin’ny sarambabem-bahoaka no nanota tsy nahy, nanao ny iray amin’ny zavatra noraran’i Iaveh tsy hatao, ka tonga meloka izy,

Levitikosy 5:1

Raha misy olona manota noho izy efa nandre ny didin’ny mpitsara, amin’ny maha vavolombelona azy, nefa tsy milaza izay hitany na izay fantany, dia hivesaran’ny helony izy.

Levitikosy 5:6

ary hitondra ho an’i Iaveh ho fanonerana noho ny ota nataony, ny vavy iray amin’ny biby fiompy madinika, na ondry na osy, hatao sorona noho ny fahotany, ary ny mpisorona hanao ny fanonerana ho azy noho ny otany.

Levitikosy 6:17

Ary niteny tamin’i Môizy i Iaveh nanao hoe:

Levitikosy 6:19

Izay mpisorona hanolotra ny sorona noho ny ota no hihinana azy, ka ho eo amin’ny toerana masina, amin’ny kianjan’ny trano lay fihaonana no hihinanana azy.

Levitikosy 7:1

«Izao no lalàna momba ny sorona fanonerana: Zava-masina dia masina izany.

Levitikosy 7:6

Ny lehilahy rehetra amin’ny mpisorona no hihinana amin’izany, ka eo amin’ny toerana masina no hihinanany azy; zava-masina dia masina izany.»

Levitikosy 7:7

«Sahala amin’ny sorona noho ny ota, ny sorona fanonerana; iray ny lalàna amin’izy roa: an’izay mpisorona manao ny fisoronana ny sorona.

Nomery 18:10

Amin’ny toerana masina indrindra no hihinananareo azy, ny lehilahy rehetra no mihinana azy; masina ho anao izany.

Deoteronomia 18:1

Ny mpisorona levitika, ny fokon’i Levì rehetra dia tsy mba hanana anjara na lova miaraka amin’i Israely, fa ny soron’i Iaveh atao amin’ny afo sy izay lova avy aminy no hiveloman’izy ireo.