Nomery 18:10 - Baiboly Katolika

¹⁰ Amin’ny toerana masina indrindra no hihinananareo azy, ny lehilahy rehetra no mihinana azy; masina ho anao izany.

Baiboly Protestanta Malagasy 2011

¹⁰ Amin’ireo zavatra masina indrindra no hihinananareo; ny lehilahy rehetra no mahazo mihinana azy; ho masina ho anao izany.

DIEM PROTESTANTA

¹⁰ ka hataonareo sakafo. Ny lehilahy rehetra ao amin’ny ankohonanareo ihany no mahazo mihinana azy satria sakafo masina izany.

Dikateny Iombonana Eto Madagasikara

¹⁰ ka hataonareo sakafo. Ny lehilahy rehetra ao amin’ny ankohonanareo ihany no mahazo mihinana azy satria sakafo masina izany.

Baiboly Protestanta Malagasy

¹⁰ Toy ny fihinananao ny zavatra masina indrindra no hihinananao azy; ny lehilahy rehetra no mahazo mihinana azy: masina ho anao izany.

Malagasy Bible

¹⁰ Toy ny fihinananao ny zavatra masina indrindra no hihinananao azy; ny lehilahy rehetra no mahazo mihinana azy: masina ho anao izany.

La Bible en Malgache

¹⁰ Amin’ireo zavatra masina indrindra no hihinananareo; ny lehilahy rehetra no mahazo mihinana azy; ho masina ho anao izany.

Nomery 18:10 Rohy Ifampitohizana

Ezekiela 42:13

Dia hoy izy tamiko: «Ireo efitrano eo avaratra, sy efitrano eo atsimo manatrika ny fitoerana foana ireo, no efitranon’ny fitoerana masina, ihinanan’ny mpisorona manatona an’i Iaveh ny zava-masina indrindra; ao no ametrahany ny zavatra masina indrindra, ny fanatitra, ny sorona noho ny ota sy noho ny fahadisoana, satria masina io fitoerana io.

Levitikosy 10:13

Hano eo amin’ny fitoerana masina izany, fa anjaranao sy anjaran’ireo zanakao, avy amin’ny fanatitra atao amin’ny afo ho an’i Iaveh, araka ny didy azoko.

Levitikosy 10:17

«Nahoana no tsy nohaninareo, teo amin’ny fitoerana masina, ny sorona noho ny ota? Fa zava-masina dia masina izany, ary nomen’i Iaveh anareo, mba hitondranareo ny otan’ny fiangonana sy hanaovanareo ny fanonerana ho azy, eo anatrehan’i Iaveh?

Levitikosy 14:13

Eo amin’ny toerana famonoana ny sorona noho ny ota, sy ny sorona dorana, no hamonoany ny zanak’ondry, dia eo amin’ny fitoerana masina; fa amin’ny sorona fanonerana, dia an’ny mpisorona, toy ny amin’ny sorona noho ny ota, ny zavatra atao sorona: zava-masina dia masina izany.

Levitikosy 21:22

Azony hanina ihany ny mofon’ny Andriamaniny, ny zava-masina dia masina, ny zava-masina.

Levitikosy 6:16

Ny fanatitra rehetra avy amin’ny mpisorona dia hodorana avokoa, fa tsy hohanina.

Levitikosy 6:18

Mitenena amin’i Aarôna sy ny zanany, ka lazao hoe: Izao no lalàna momba ny sorona noho ny ota: eo amin’ny fitoerana famonoana ny sorona dorana no amonoana ny sorona noho ny ota, eo anatrehan’i Iaveh; zava-masina dia masina izany.

Levitikosy 7:6

Ny lehilahy rehetra amin’ny mpisorona no hihinana amin’izany, ka eo amin’ny toerana masina no hihinanany azy; zava-masina dia masina izany.»

Nomery 18:11

Izao koa no ho anao: ny zavatra rehetra voaavaka amin’ny fanomezany, dia amin’ny fanatitra ahevaheva rehetra avy amin’ny zanak’i Israely, omeko anao sy ny zanakao lahy ary ny zanakao vavy miaraka aminao ho lalàna mandrakizay; na iza na iza madio ao an-tranonao, dia hihinana amin’izany avokoa.

Nomery 18:9

Izao no ho anjaranao amin’ny zava-masina indrindra, ialan’izay holevonin’ny afo: ny zavatra hatolony rehetra, izany hoe ny fanatiny rehetra, ny sorona rehetra noho ny ota, ny sorom-panonerana rehetra hatolony ho Ahy; izany rehetra izany izay zava-masina indrindra, dia ho anao sy ny zanakao.