Nahoma 1:4 - Baiboly Katolika

⁴ Mandrahona ny ranomasina izy dia ataony maina; ary ataony ritra ny ony rehetra. Malazo i Basàna sy i Karmely, malazo koa ny zava-manirin’i Libàna.

Baiboly Protestanta Malagasy 2011

⁴ Miteny mafy ny ranomasina Izy ka mahatankina azy sady mandritra ny ony rehetra; malazo i Basana sy i Karmela ary malazo koa ny vonin’i Libanona.

DIEM PROTESTANTA

⁴ Teneniny mafy ny ranomasina dia tankina; ataony ritra avokoa ny ony rehetra. Tonga maina ny ahitr’i Basàna sy i Karmela, ary manjary malazo ny voninkazon’i Libàno.

Dikateny Iombonana Eto Madagasikara

⁴ Teneniny mafy ny ranomasina dia tankina; ataony ritra avokoa ny ony rehetra. Tonga maina ny ahitr’i Basàna sy i Karmela, ary manjary malazo ny voninkazon’i Libàno.

Baiboly Protestanta Malagasy

⁴ Miteny mafy ny ranomasina izy ka mahatankina azy Ary mandritra ny ony rehetra; Malazo Basana sy Karmela, Ary malazo koa ny vonin’i Libanona.

Malagasy Bible

⁴ Miteny mafy ny ranomasina izy ka mahatankina azy Ary mandritra ny ony rehetra; Malazo Basana sy Karmela. Ary malazo koa ny vonin'i Libanona.

La Bible en Malgache

⁴ Miteny mafy ny ranomasina Izy ka mahatankina azy sady mandritra ny ony rehetra; malazo i Basana sy i Karmela ary malazo koa ny vonin’i Libanona.

Nahoma 1:4 Rohy Ifampitohizana

Genesisy 8:1

Ary Andriamanitra nahatsiaro an’i Nôe sy ny biby ary ny biby fiompy rehetra izay niaraka taminy tao an-tsambo fiara; ary Andriamanitra nandefa rivotra tamin’ny tany ary nihena ny rano;

2Samoela 22:16

Niseho tamin’izay ny ambanin’ny ranomasina, nihanjahanja ny fiorenan’ny tany, tamin’ny fandrahonana nataon’i Iaveh, tamin’ny fifofofofon’ny fofon’ain’ny vavorony.

Joba 38:11

ka nilaza taminy hoe: ‹Hatreto alehanao, ka tsy hihoatra, fa eto no hijanona ny fianjonanjonan’ny onjanao?›

Salamo 104:7

Saingy nandositra teo anoloan’ny fanandrinanao ireny, lasa nirifatra aman-tahotra noho ny feon’ny kotrok’oranao izy.

Salamo 106:9

Nambanany ny Ranomasina Mena, dia maina io, ka nentiny nita ny hantsana toy ny hamaky ny efitra izy ireo.

Salamo 114:3

Nahita azy ny ranomasina dia nandositra, i Jordany nianòtra niverina.

Salamo 114:5

Maninona ity ianao no mandositra, ry ranomasina? ary ity ianao no mianòtra miverina, ry Jordany?

Salamo 18:16

Dia niseho tamin’izay ny mason-drano, niposaka ny fanambanin’ny tany, noho ny teny mafy nataonao, ry Iaveh, sy noho ny fifofofofon’ny rivotra ny vavoronao.

Salamo 74:15

Ianao no nampiboiboika ny loharano aman-dranon-driaka, Ianao no nahatankina ny ony tsy mety ritra.

Isaia 33:9

Misaona sy milofika ny tany; menatra sy malazo i Libàna, zary sahala amin’i Arabah i Sarôna, manintsan-dravina i Basàna sy i Karmely.

Isaia 42:15

Hofoanako ny tendrombohitra aman-kavoana; hataoko maina avokoa izay maitso eo aminy; hampanjariako nosy ny ony, ary homainiko ny farihy.

Isaia 44:27

Izaho no milaza amin’ny hantsana hoe: «Tankìna! Hataoko ritra ny oninao.»

Isaia 51:10

Tsy Ianao va no nahamaina ny ranomasina, dia ny rano tao amin’ny hantsam-be. Ka nanao ny fanambanin’ny ranomasina ho lalana nalehan’ny navotana?

Ezekiela 30:12

Ny ony hovako ho tany maina; ny tany hatolotro eo an-tanan’ny olona masiaka; ary ny tany mbamin’izay rehetra ao aminy, horavako, amin’ny tanan’ny hafa firenena. Izaho Iaveh no niteny.

Ezekiela 38:20

Ny hazandrano ao an-dranomasina hangovitra eo anatrehako avokoa, mbamin’ny voromanidina amam-bibin’ny tany, sy ny biby mandady rehetra mikisaka amin’ny tany, ary ny olona rehetra ambonin’ny tany; ny tendrombohitra hirodana, ny vatolampy hianjera; ary ny manda rehetra hikoa amin’ny tany.

Amosa 1:2

Hierona avy ao Siôna i Iaveh; ary hampandre ny feony avy ao Jerosalema Izy; ny tany fiandrasan’ny mpiandry ondry, hisaona; ary ny tampon’i Karmela, ho maina.

Amosa 5:8

Nanao ny Kotokelimiadilaona sy ny Telonohorefy izy; mampody ho maraina ny haizina, ary ny andro ho alim-pito; miantso ny rano ao an-damosina, dia mampiely azy eo ambonin’ny tany; Iaveh no anarany.

Matio 8:26

Ary hoy i Jesoa taminy: «Nahoana no saro-tahotra ianareo, ry kely finoana?» Dia niarina izy, nandidy ny rivotra sy ny ranomasina, ka tonga tony dia tony ny andro.

Josoa 3:16

dia nihandrona ny rano midina avy any ambony, ka niavosa hoatra ny antontan-javatra terỳ lavitra erỳ, akaikin’ny tanànan’i Adoma, izay anilan’i Sartàna, ary tapaka mihitsy ny midina mankany amin’ny Ranomasina Arabaha, dia ny Ranomasin-tSira, ka nita tandrifin’i Jerikô ny vahoaka.