Mpitsara 7:13 - Baiboly Katolika

¹³ Tonga teo i Jedeôna ka indro nisy lehilahy anankiray nilaza nofy tamin’ny namany anankiray nanao hoe: «Nanonofy aho, ka indro, nisy mofo orja nikodiadia teo amin’ny tobin’i Madiàna, dia tonga hatrany amin’ny lay, dia nandona azy ka nianjera io; nataony mitsingoloka ny lay, ka voazera teo.»

Baiboly Protestanta Malagasy 2011

¹³ Rehefa tonga tao i Gideona, indro, nisy lehilahy nitantara nofy tamin’ny namany ka niteny hoe: Nanonofy aho ka indro, nisy silaka mofo varimbazaha hono nikodiadia ho eo amin’ny tobin’ny Midianita ka nankeo amin’ny tranolay iray, dia nandona azy ka nampivadika azy ambony ambany ary nianjera ny tranolay.

DIEM PROTESTANTA

¹³ Ary fony tonga teo amin’ny toby i Gidehôna, dia nisy lehilahy iray nitantara ny nofiny tamin’ny namany hoe: –Nanonofy aho, ka hitako fa nisy mofo ôrza iray nikodiadia namaky ny tobintsika Midianita; nahavoadòna tranolay anankiray izany ka nampiongana azy hivadika ambony ambany.

Dikateny Iombonana Eto Madagasikara

¹³ Ary fony tonga teo amin’ny toby i Gidehôna, dia nisy lehilahy iray nitantara ny nofiny tamin’ny namany hoe: –Nanonofy aho, ka hitako fa nisy mofo ôrza iray nikodiadia namaky ny tobintsika Midianita; nahavoadòna tranolay anankiray izany ka nampiongana azy hivadika ambony ambany.

Baiboly Protestanta Malagasy

¹³ Ary raha tonga tao Gideona, indro, nisy lehilahy nilaza nofy tamin’ny namany ka nanao hoe: Nanonofy aho, ka, indro, nisy mofo vary hordea nikodiadia ho eo amin’ny tobin’ny Midina ka nankamin’ny lay anankiray, dia nampiongana ka nampivadika azy, ka dia nipetraka teo ny lay.

Malagasy Bible

¹³ Ary raha tonga tao Gideona, indro, nisy lehilahy nilaza nofy tamin'ny namany ka nanao hoe: Nanonofy aho, ka, indro, nisy mofo vary hordea nikodiadia ho eo amin'ny tobin'ny Midina ka nankamin'ny lay anankiray, dia nampiongana ka nampivadika azy, ka dia nipetraka teo ny lay.

La Bible en Malgache

¹³ Rehefa tonga tao i Gideona, indro, nisy lehilahy nitantara nofy tamin’ny namany ka niteny hoe: Nanonofy aho ka indro, nisy silaka mofo varimbazaha hono nikodiadia ho eo amin’ny tobin’ny Midianita ka nankeo amin’ny tranolay iray, dia nandona azy ka nampivadika azy ambony ambany ary nianjera ny tranolay.

Mpitsara 7:13 Rohy Ifampitohizana

1Korintiana 1:27

fa izay ataon’izao tontolo izao ho adala no nofidin’Andriamanitra hampahamenatra ny hendry; izay ataon’izao tontolo izao ho malemy no nofidin’Andriamanitra hampahamenatra ny mahery;

Mpitsara 3:15

Fa nitaraina tamin’i Iaveh ny zanak’i Israely, ka nananganan’i Iaveh mpanafaka, dia i Aoda, zanak’i Gerà, Benjaminita, izay nampiasa ny tanany ankavanana. Nampitondrain’ny zanak’i Israely fanomezana ho an’i Eglôna mpanjakan’i Moaba izy.

Mpitsara 3:31

I Samigara zanak’i Anata no nanarakaraka azy. Nandresy Filistinina enin-jato lahy, tamin’ny fanindronan’omby izy, ka mpanafaka an’i Israely koa.

Mpitsara 4:21

Fa nalain’i Jahela vadin’i Habera kosa ny tsima-day, nataony an-tanana ny tantanana, ary nitsaitsaika nanatona azy izy, dia natsatony tamin’ny fihirifany ny tsimatra, ka tafagorobaka tamin’ny tany, fa renoky ny torimaso izy azon’ny hasasarana mafy; dia maty izy.

Mpitsara 4:9

Ka hoy ny navaliny: «Eny àry, handeha hiaraka aminao aho; fa tsy ho anao ny voninahitra amin’izao fanafihana halehanao izao, satria ho eo an-tanam-behivavy no hanoloran’i Iaveh an’i Sisarà.» Dia niainga i Debôrà, ka lasa niaraka tamin’i Baràka nankany Kedesy.

Mpitsara 6:15

Ary hoy i Jedeôna taminy: «Indrisy, Tompoko ô! Amin’ny inona no hanafahako an’i Israely? Indro ny fianakaviako fa faraidiny indrindra amin’i Manase, ary izaho no kely indrindra amin’ny ankohonan’i dada».

Mpitsara 7:12

I Madiàna sy i Amaleka mbamin’ny zanaky ny Atsinanana dia niely eran’ny tany lemaka, maro toy ny valala, ary tsy hita isa ny ramevany, hoatra ny fasika eny amoron-dranomasina.

Mpitsara 7:14

Dia izao no navalin’ilay namany manao hoe: «Tsy inona izany fa ny sabatr’i Jedeôna, zanak’i Jôasy, lehilahy Israelita; efa voatolotr’Andriamanitra eo an-tanany i Madiàna sy ny toby rehetra.»

Mpitsara 8:10

Tany Karkôra i Zebea sy i Salmanà mbamin’ny tafiny niaraka taminy, dia lehilahy tokony ho dimy arivo sy iray alina, izay rehetra sisa tamin’ny foloalindahin’ny zanaky ny Atsinanana manontolo, fa maty ny lehilahy roa alina sy iray hetsy samy mpitan-tsabatra avokoa.