Mpitsara 5:26 - Baiboly Katolika

²⁶ Ny tanany anila mandray ny tsima-day, ary ny tanany havanana ny tantanan’ny mpiasa. Dia asiany i Sisarà, vakìny ny lohany; torotoroiny, gorobahany ny fihirifany.

Baiboly Protestanta Malagasy 2011

²⁶ Nandray ny tsatòkan-day ny tanany, ny tanany havanana no nandray ny tantanan’ny mpiasa, dia namely an’i Sisera tamin’ny tantanana izy ka nahavoa ny lohany; nahapotika sy nahaboroaka ny fihirifany izy.

DIEM PROTESTANTA

²⁶ Avy eo noraisiny tamin’ny tanan-kavia ny tsimaday ary tamin’ny tanan-kavanana ny tantanan’ny mpiasa, dia nasiany ka vaky ny lohan’i Siserà; ary nataony gorobaka ny fihirifany.

Dikateny Iombonana Eto Madagasikara

²⁶ Avy eo noraisiny tamin’ny tanan-kavia ny tsimaday ary tamin’ny tanan-kavanana ny tantanan’ny mpiasa, dia nasiany ka vaky ny lohan’i Siserà; ary nataony gorobaka ny fihirifany.

Baiboly Protestanta Malagasy

²⁶ Ny tànany nandray ny tsima-day, Ary ny tànany ankavanana nandray ny tantanan’ny mpiasa, Dia namely an’i Sisera tamin’ny tantanana izy ka nahavoa ny lohany; Namely mafy izy, dia nahaboroaka ny fihirifany.

Malagasy Bible

²⁶ Ny tànany nandray ny tsima-day, Ary ny tànany ankavanana nandray ny tantanan'ny mpiasa, dia namely an'i Sisera tamin'ny tantanana izy ka nahavoa ny lohany; Namely mafy izy, dia nahaboroaka ny fihirifany.

La Bible en Malgache

²⁶ Nandray ny tsatòkan-day ny tanany, ny tanany havanana no nandray ny tantanan’ny mpiasa, dia namely an’i Sisera tamin’ny tantanana izy ka nahavoa ny lohany; nahapotika sy nahaboroaka ny fihirifany izy.

Mpitsara 5:26 Rohy Ifampitohizana

2Samoela 20:22

Dia nanatona ny vahoaka rehetra ravehivavy sy niteny taminy tamim-pahendrena, ka notapahin’izy ireo ny lohan’i Sebà, zanak’i Bokrì, natsipiny tany amin’i Jôaba. Ary nasain’i Jôaba notsofina kosa ny anjomara, ka ny olona rehetra moa niala tamin’ny tanàna, samy nody any aminy avy; i Jôaba kosa niverina nankany Jerosalema ho any amin’ny mpanjaka.

Mpitsara 4:21

Fa nalain’i Jahela vadin’i Habera kosa ny tsima-day, nataony an-tanana ny tantanana, ary nitsaitsaika nanatona azy izy, dia natsatony tamin’ny fihirifany ny tsimatra, ka tafagorobaka tamin’ny tany, fa renoky ny torimaso izy azon’ny hasasarana mafy; dia maty izy.

Mpitsara 5:25

Rano no nangatahiny, ronono no nomeny azy; ronono tsy misy fangarony no natolony tamin’ny kopy mihaja.

Mpitsara 5:27

Miretaka eo an-tongony, lavo miampatra izy; miretaka eo an-tongony lavo izy, ary eo amin’izay iretahany ihany, no itsirany tsy misy aina intsony.