Mpitoriteny 2:1 - Baiboly Katolika

¹ Hoy aho tamin’ny foko: Andeha àry hozahako toetra amin’ny hafaliana ianao, ka andramo ny fahafinaretana. Kanjo indro, zava-poana ihany koa izany.

Baiboly Protestanta Malagasy 2011

¹ Hoy aho anakampo: Aoka ianao mba hozahako toetra amin’ny fifaliana ka hahita ny atao hoe fahafinaretana; kanjo indro, zava-poana koa izany.

DIEM PROTESTANTA

¹ Ary dia hoy aho anakampoko: «Andeha hojerena ny lanjan’ny fifaliana eo amin’ny fiainana, ary hotadiavina ny atao hoe fahasambarana.» Kanjo indro fa zava-poana koa izany.

Dikateny Iombonana Eto Madagasikara

¹ Ary dia hoy aho anakampoko: «Andeha hojerena ny lanjan’ny fifaliana eo amin’ny fiainana, ary hotadiavina ny atao hoe fahasambarana.» Kanjo indro fa zava-poana koa izany.

Baiboly Protestanta Malagasy

¹ HOY izaho anakampo: Aoka mba hizahako toetra amin’ny hafaliana hianao, ka dia mifalia amin’ny fahitana ny fahafinaretana; kanjo, indro, zava-poana koa izany.

Malagasy Bible

¹ Hoy izaho anakampo: Aoka mba hizahako toetra amin'ny hafaliana ianao, ka dia mifalia amin'ny fahitana ny fahafinaretana; kanjo, indro, zava-poana koa izany.

La Bible en Malgache

¹ Hoy aho anakampo: Aoka ianao mba hozahako toetra amin’ny fifaliana ka hahita ny atao hoe fahafinaretana; kanjo indro, zava-poana koa izany.

Mpitoriteny 2:1 Rohy Ifampitohizana

Genesisy 11:7

Andeha isika hidina ao ihany ka hanorokoro ny fiteniny mba tsy hifankahazo fiteny intsony izy.»

2Mpanjaka 5:5

Dia hoy ny mpanjakan’i Siria: «Mankanesa any, ary hampitondraiko taratasy ny mpanjakan’i Israely.» Dia lasa izy, sady nitondra talenta volafotsy folo, sy volamena 6.000 sikla, ary akanjo impolo miova.

Salamo 10:6

Hoy izy anakampony: Tsy hangozohozo aho, voafefy tsy ho azon-doza aho na oviana na oviana.

Salamo 14:1

Ny adala manao anakam-po hoe: «Tsy misy Andriamanitra!» Efa simba izy ireo; asa mahamenatra no ataony; Tsy misy manao ny tsara na dia iray aza.

Salamo 27:8

Hoy ny feoko, milaza ny teny avy aminao: «Tadiavinareo ny Tavako»; mitady ny Tavanao aho, ry Iaveh.

Ohabolana 14:13

Na dia eo amin’ny hehy aza mahatsiaro ory ny fo; ary ny fifaliana miafara amin’ny fisaonana.

Mpitoriteny 11:9

Ry zatovo, mifalia dieny mbola tanora ianao; aoka hahazo firavoravoana amin’ny fonao ianao amin’ny andron’ny fahatanoranao! Mandehana any amin’izay lalan’ny fonao, sy araka izay fijerin’ny masonao. Fantaro anefa fa izany rehetra izany dia hiantsoan’Andriamanitra anao hotsaraina.

Mpitoriteny 2:10

Izay rehetra nirin’ny masoko, tsy nisy noesoriko taminy; izay mety ho fifaliana, tsy misy nolaviko tamin’ny foko; fa nifaly tamin’ny asako rehetra ny foko, ary izany no anjarako tamin’ny asako rehetra.

Mpitoriteny 2:15

Ary hitako kosa anefa fa iray ihany ny anjara hahazo azy roa tonta. Ka hoy aho anakampo: Iray amin’ny anjaran’ny adala ihany no anjara hihatra amiko; ka soa inona àry ho ahy izao fahendreko rehetra izao? Dia hoy aho anakampoko: Zava-poana ihany koa izany.

Mpitoriteny 2:25

Zovy tokoa moa, raha tsy misy azy, no ho afa-mihinana sy miarana amin’ny fiadanana?

Mpitoriteny 7:4

Ny fon’ny hendry, ao an-trano misy fisaonana, fa ny fon’ny adala, ao an-trano misy fifaliana.

Mpitoriteny 8:15

Koa midera ny fifaliana aho, satria tsy misy hasambarana ho an’ny olona atỳ ambany masoandro, afa-tsy ny mihinana sy misotro ary mifaly; ary izany no tokony homba azy amin’ny asany, mandritra ny andro omen’Andriamanitra hiainany, atỳ ambany masoandro.

Isaia 5:5

Koa ankehitriny haposako aminareo, izay hataoko amin’ny tanimboaloboko: hongotako ny fefiny, dia horaotina izy; hadorako ny tambohony, dia ho voahosihosy izy.

Isaia 50:11

Fa ianareo rehetra nampirehitra afo kosa, sy mandray zana-tsipìka mirehitra ho fiadiana, mandehana amin’ny lelafonareo, sy eo afovoan’ny zana-tsipìka narehitrareo! Izao no hanjò anareo avy amin’ny tanako; hampandrina amin’ny fahoriana ianareo!

Isaia 50:5

Nosokafan’i Iaveh Tompo ny sofiko, ary tsy mba nanohitra aho, na nihemotra akory,

Lioka 12:19

ary holazaiko amin’ny fanahiko hoe: Ry fanahiko, manam-pananana be ampy ho amin’ny taona maro ianao ka mialà sasatra, mihinàna, misotroa, manaova fihinanam-be.

Lioka 16:19

«Nisy mpanan-karena anankiray niakanjo jaky sy rongonim-bazaha madinika, sady nanao fihinanam-be isan’andro.

Lioka 16:23

Tao amin’ny fitoeran’ny maty, ilay nijaly iny izy, dia niandrandra, ka tazany teny lavitra teny i Abrahama sy i Lazara teo an-tratrany,

Titosy 3:3

Fa isika koa fahiny mba efa adala, tsy nanaiky, naniasia, andevon’ny faniriana amam-pilàn-dratsin’ny nofo rehetra, mpisompatra sy mpialona ka sady tandrifiny hankahalaina no nifankahala koa.

Jakoba 4:13

Ary ianao kosa mba iza, no mitsara ny namana? Ary inty ny aminareo izay manao hoe: «Hankany ananona izahay, anio na rahampitso, dia hitoetra any herintaona, ka hivarotra sy hahazo tombom-barotra»

Jakoba 5:1

Anareo mpanan-karena kosa indray izao: Mitomania sy migogogogoa, fa indro ny lozanareo efa midona.

Jakoba 5:5

Nivelona teto an-tany tamin’ny hanim-py ianareo sy nanaram-batana tamin’ny fahafinaretana; namoky ny fonareo tamin’ny andro fandringanana ianareo.