Matio 13:57 - Baiboly Katolika

⁵⁷ Ary tafintohina taminy izy ireo; fa hoy i Jesoa taminy: «Eo amin’ny tany onenany sy eo amin’ny ankohonany ihany no tsy mba voahaja ny mpaminany.»

Baiboly Protestanta Malagasy 2011

⁵⁷ Ary tafintohina Taminy izy ireo. Fa hoy Jesosy taminy: Tsy misy mpaminany tsy homen-kaja, afa-tsy eo amin’ny taniny sy ny mpianakaviny ihany.

DIEM PROTESTANTA

⁵⁷ Dia voasakana tsy hino Azy ry zareo. Fa hoy i Jesoa taminy: – Mpaminany tsy hajaina eo amin’ny tanàna nahabe azy sy eo amin’ny fianakaviany, na dia heni-kaja any an-kafa aza!

Dikateny Iombonana Eto Madagasikara

⁵⁷ Dia voasakana tsy hino Azy ry zareo. Fa hoy i Jesoa taminy: – Mpaminany tsy hajaina eo amin’ny tanàna nahabe azy sy eo amin’ny fianakaviany, na dia heni-kaja any an-kafa aza!

Baiboly Protestanta Malagasy

⁵⁷ Ary tafintohina taminy izy. Fa hoy Jesosy taminy: Tsy misy mpaminany tsy hajaina, afa-tsy amin’ny taniny sy ny mpianakaviny ihany.

Malagasy Bible

⁵⁷ Ary tafintohina taminy izy. Fa hoy Jesosy taminy: Tsy misy mpaminany tsy hajaina, afa-tsy amin'ny taniny sy ny mpianakaviny ihany.

La Bible en Malgache

⁵⁷ Ary tafintohina Taminy izy ireo. Fa hoy Jesosy taminy: Tsy misy mpaminany tsy homen-kaja, afa-tsy eo amin’ny taniny sy ny mpianakaviny ihany.

Matio 13:57 Rohy Ifampitohizana

Isaia 49:7

Izao no lazain’i Iaveh, ilay Mpanavotra sy ilay Masin’i Israely; amin’ilay esoina sy tevatevain’ny vahoaka, mpanompon’ny mpanapaka masiaka: «Hahita anao ny mpanjaka, ka hitsangana; ary ny mpanapaka, ka hiankohoka, noho ny amin’i Iaveh izay mahatoky, sy ilay Masin’i Israely izay nifidy anao.»

Isaia 53:3

Noesorina sy nilaozan’ny olona Izy, olona ory sady zatra ny fijaliana; hoatra ny zavatra hisaronan’ny olona tava; natao faneso sy tsy nahoantsika velively.

Isaia 8:14

Dia ho fitoerana masina Izy, nefa koa ho vato fanafintohinana sy ho vatolampy mahasolafaka ho an’ny firenena roa amin’i Israely, ho fandrika aman-tonta ho an’ny mponina eny Jerosalema.

Matio 11:6

ary sambatra izay tsy tafintohina noho ny amiko.»

Matio 13:58

Dia tsy nanao fahagagana betsaka teo Izy noho ny tsy finoan’ireo.

Marka 6:1

Nony niala teo Izy dia nankany amin’ny tany nahabe Azy, ary nanaraka Azy ny mpianany.

Marka 6:14

Nahare ny lazan’i Jesoa i Herôda mpanjaka, fa efa nihamalaza ny Anarany. Ary hoy ny sasany: «I Joany Batista nitsangan-ko velona avy any amin’ny maty izay, ka izany no iasan’ireo hery mahagaga aminy»;

Marka 6:3

Moa tsy io va ilay mpandrafitra, Zanak’i Maria, rahalahin’i Jakôba sy i Josefa ary i Jodà sy i Simôna? Moa tsy atỳ amintsika va ny anabaviny?» Dia tafintohina taminy, izy ireo.

Marka 6:4

Fa hoy i Jesoa taminy: «Tsy misy mpaminany tsy enin-kaja afa-tsy amin’ny taniny sy amin’ny fianakaviany ary amin’ny havany ihany.»

Lioka 4:24

Dia notohiziny hoe: «Lazaiko marina aminareo fa tsy misy mpaminany hajaina amin’ny tany nahabe azy.

Lioka 7:23

ary sambatra izay rehetra tsy ho tafintohina noho ny Amiko.»

Jaona 4:44

Fa araka ny efa voalazany dia tsy misy mpaminany hajaina amin’ny taniny.

Jaona 6:42

«Moa tsy i Jesoa zanak’i Josefa va ity», hoy izy ireo, «izay fantatsika ny rainy aman-dreniny? Ka ahoana àry no anaovany hoe: ‹Nidina avy any an-danitra Aho?› »

Jaona 6:61

Betsaka tamin’ny mpianany nony nandre izany no nanao hoe: «Sarotra izany teny izany, ka iza no mahahaino izany?»