Matio 13:57 - DIEM PROTESTANTA

⁵⁷ Dia voasakana tsy hino Azy ry zareo. Fa hoy i Jesoa taminy: – Mpaminany tsy hajaina eo amin’ny tanàna nahabe azy sy eo amin’ny fianakaviany, na dia heni-kaja any an-kafa aza!

Baiboly Protestanta Malagasy 2011

⁵⁷ Ary tafintohina Taminy izy ireo. Fa hoy Jesosy taminy: Tsy misy mpaminany tsy homen-kaja, afa-tsy eo amin’ny taniny sy ny mpianakaviny ihany.

Dikateny Iombonana Eto Madagasikara

⁵⁷ Dia voasakana tsy hino Azy ry zareo. Fa hoy i Jesoa taminy: – Mpaminany tsy hajaina eo amin’ny tanàna nahabe azy sy eo amin’ny fianakaviany, na dia heni-kaja any an-kafa aza!

Baiboly Katolika

⁵⁷ Ary tafintohina taminy izy ireo; fa hoy i Jesoa taminy: «Eo amin’ny tany onenany sy eo amin’ny ankohonany ihany no tsy mba voahaja ny mpaminany.»

Baiboly Protestanta Malagasy

⁵⁷ Ary tafintohina taminy izy. Fa hoy Jesosy taminy: Tsy misy mpaminany tsy hajaina, afa-tsy amin’ny taniny sy ny mpianakaviny ihany.

Malagasy Bible

⁵⁷ Ary tafintohina taminy izy. Fa hoy Jesosy taminy: Tsy misy mpaminany tsy hajaina, afa-tsy amin'ny taniny sy ny mpianakaviny ihany.

La Bible en Malgache

⁵⁷ Ary tafintohina Taminy izy ireo. Fa hoy Jesosy taminy: Tsy misy mpaminany tsy homen-kaja, afa-tsy eo amin’ny taniny sy ny mpianakaviny ihany.

Matio 13:57 Rohy Ifampitohizana

Isaia 49:7

Ny TOMPO Mpanavotra sady Masin’i Israely, dia miteny aminao, ry voaeson’ny olona sy ankahalain’ny firenen-kafa, ary andevozin’ireo mpanjakazaka; ka izao no lazainy aminao: «Raha vao mahita anao ny mpanjaka dia hitsangana hiala amin’ny sezafiandrianany; ary hiankohoka ny manampahefana, raha vao mahatazana anao. Izany no hanajany Ahy TOMPO mahatoky, dia Ilay Masin’i Israely efa nifidy anao.»

Isaia 53:3

Notsiratsiraina sy nolavin’ny olona izy; lehilahy tototry ny fahoriana sady ilomam-pijaliana tahaka izay tsy tian-kojerena akory. Eny, notsiratsiraina izy ka tsy mba nahoantsika.

Isaia 8:14

Toeramasina tsy azo zimbazimbaina ny Tompo, ka ho vato mahasolafaka sy vatolampy mampianjera Izy, ho an’ny fanjakana roa eto Israely; ary maro no hianjera eo ka ho lavo sy ho mongomongo. Ho harato sy fandrika ny Tompo ho an’ny mponina ao Jerosalema; ary maro no ho voafandrika eo ka tsy ho afa-mitsoaka.

Matio 11:6

Koa sambatra izay tsy voasakana hino Ahy!

Matio 13:58

Ary tsy nahavita asa mahagaga firy teo i Jesoa, noho ry zareo tsy nanam-pinoana.

Marka 6:1

Dia niala teo i Jesoa ka nankany amin’ny tanàna nahabe Azy, ary nanaraka Azy tany koa ny mpianany.

Marka 6:14

Nandre ny resadresaka maro i Herôda mpanjaka satria efa niely ny lazan’i Jesoa; fa hoy ny olona sasany: –I Jôhany Mpanao batisa, ilay efa maty io, fa velona indray, ka izany no ananany hery ahavitany asa mahagaga.

Marka 6:3

Tsy ilay mpandrafitra ve io, ilay zanak’i Maria sady rahalahin’i Jakôba sy i Jôsèta ary i Joda sy i Simôna? Ary tsy ireto miara-monina amintsika ireto ve ny anabaviny? Dia voasakana hino Azy ry zareo.

Marka 6:4

Fa hoy i Jesoa taminy: –Mpaminany tsy hajaina eo amin’ny tanàna nahabe azy sy eo amin’ny havany ary eo amin’ny fianakaviany, na dia heni-kaja any an-kafa aza!

Lioka 4:24

Ary niteny indray i Jesoa hoe: –Lazaiko marina aminareo fa tsy misy mpaminany to teny eo amin’ny tanàna nahabe azy.

Lioka 7:23

Koa sambatra izay tsy voasakana hino Ahy!

Jaona 4:44

ny tenan’i Jesoa manko no efa nanambara fa «tsy misy mpaminany hajaina eo amin’ny tany nahabe Azy».

Jaona 6:42

Ka hoy ry zareo taminy: –Tsy ilay io ve no i Jesoa, zanak’i Jôsefa? Fantatsika ny ray aman-dreniny, koa ahoana àry no anaovany hoe: «Nidina avy tany an-danitra Aho»?

Jaona 6:61

Fantatr’i Jesoa tao am-pony fa nimonomonona ny mpianany noho izany teny izany, ka hoy Izy taminy: –Misakana anareo tsy hino Ahy ve izany?