Marka 15:19 - Baiboly Katolika

¹⁹ Sady nikapoka volotara ny lohany sy nandrora Azy, ary nandohalika nitsaoka Azy.

Baiboly Protestanta Malagasy 2011

¹⁹ Ary nikapoka ny lohany tamin’ny volotara izy ireo sady nandrora Azy ka nandohalika sy niankohoka teo anatrehany.

DIEM PROTESTANTA

¹⁹ Ary nokapohiny tamin’ny volotara ny lohany sady nororany Izy, dia nandohalihany sy niankohofany teo anatrehany.

Dikateny Iombonana Eto Madagasikara

¹⁹ Ary nokapohiny tamin’ny volotara ny lohany sady nororany Izy, dia nandohalihany sy niankohofany teo anatrehany.

Baiboly Protestanta Malagasy

¹⁹ Ary dia nikapoka ny lohany tamin’ny volotara izy sady nandrora Azy, dia nandohalika sy niankohoka teo anatrehany.

Malagasy Bible

¹⁹ Ary dia nikapoka ny lohany tamin'ny volotara izy sady nandrora Azy, dia nandohalika sy niankohoka teo anatrehany.

La Bible en Malgache

¹⁹ Ary nikapoka ny lohany tamin’ny volotara izy ireo sady nandrora Azy ka nandohalika sy niankohoka teo anatrehany.

Marka 15:19 Rohy Ifampitohizana

Genesisy 24:52

Nony nandre izany ity mpanompon’i Abrahama dia niankohoka tamin’ny tany teo anatrehan’i Iaveh.

Genesisy 43:28

Dia hoy ny navaliny: «Tsara ihany ny mpanomponao rainay, ary mbola velona ihany izy.» Dia niondrika sy nihohoka izy ireo.

1Mpanjaka 19:18

Hamela 7.000 lahy ao amin’i Israely anefa Aho, dia ireo rehetra tsy nandohalika tamin’i Baala, ireo rehetra tsy nanoroka an’io tamin’ny vavany.»

Joba 13:9

raha ny fonareo no mba zahàny toetra, hankasitraka anao va Izy amin’izany? Hofitahinareo toy ny famitaka olombelona va Izy?

Salamo 69:12

Lamba malailay no ataoko fitafy, dia zary fanarabin’izy ireo aho.

Isaia 45:23

Efa nianiana tamin’ny Tenako Aho; ny marina no aloaky ny vavako, dia ny teny iray, izay tsy hofoanana; Ny lohalika rehetra handohalika amiko, ary ny lela rehetra hianiana amiko.

Isaia 49:7

Izao no lazain’i Iaveh, ilay Mpanavotra sy ilay Masin’i Israely; amin’ilay esoina sy tevatevain’ny vahoaka, mpanompon’ny mpanapaka masiaka: «Hahita anao ny mpanjaka, ka hitsangana; ary ny mpanapaka, ka hiankohoka, noho ny amin’i Iaveh izay mahatoky, sy ilay Masin’i Israely izay nifidy anao.»

Isaia 50:6

Natolotro tamin’ny mpikapoka ahy ny lamosiko; ary tamin’ireo nanongotra ny volombavako, ny takolako; ary ny tavako tsy nafeniko tamin’ny latsa sy ny rora.

Isaia 52:14

Toy ny nigagan’ny maro nahita azy, - fa rava endrika loatra izy, ka ny tarehiny efa hoatra ny tsy tarehin’olombelona intsony; ary ny tavany efa hoatra ny tsy tavan-janak’olombelona intsony, -

Mika 5:1

Ary ianao, ry Betleema Efratà, kely tsy tokony ho isan’ireo arivon’i Jodà akory, avy aminao no hivoaka ho Ahy ilay tsy maintsy ho Mpanapaka amin’i Israely, ary ny niandohany dia efa hatramin’ny andro fahagola, hatramin’ny andro mandrakizay.

Matio 27:30

Dia nororany Izy, ary nalainy ny volotara ka nikapohany ny lohany.

Marka 10:34

dia ho esoiny, hororany, hokapohiny, ary hovonoiny, fa hitsangana indray amin’ny andro fahatelo.»

Marka 14:65

ka ny sasany nandrora Azy, dia nanarona ny Tavany, sy namely totohondry Azy ary nanao hoe: «Vinanio»; ny mpanompo avy no namely tehamaina Azy.

Marka 15:18

Ary dia niarahaba Azy izy nanao hoe: «Arahaba, ry mpanjakan’ny Jody.»

Marka 15:20

Nony efa nolalaoviny toy izany Izy, dia noesoriny ny kapaoty jaky teny aminy, ka natafiny Azy indray ny fitafiany. Nentiny hofantsihana amin’ny Hazofijaliana Izy.

Marka 9:12

Ary lazaiko aminareo fa efa tonga sahady i Elia, sady nataon’ny olona taminy izay sitraky ny fony, araka ny nanoratana azy.»

Lioka 22:63

Dia nataon’ireo olona nitana Azy fihomehezana i Jesoa sady nokapohiny,

Lioka 23:11

Dia notebahin’i Herôda sy ny miaramilany Izy, ka nony efa nampiakanjoiny akanjo fotsy sy nolalaoviny, dia naveriny tany amin’i Pilaty indray.

Lioka 23:36

Ny miaramila koa naneso Azy ka nanatona nanolotra vinaingitra Azy,

Romana 11:4

Nefa izao no navalin’Andriamanitra azy: Misy fito arivo lahy no efa natokako ho Ahy, sy tsy nandohalika tamin’i Baala.

Filipiana 2:10

mba handohalika amin’ny Anaran’i Jesoa avokoa ny lohalika rehetra, na ny any an-danitra, na ny etỳ an-tany, na ny any ambany,

Hebreo 13:13

Koa mba hankanesantsika any aminy, dia aoka hivoaka any ivelan’ny toby isika, sy hitondra ny latsa nentiny.