Marka 10:47 - Baiboly Katolika

⁴⁷ Nony reny fa hoe i Jesoa Nazareanina izay, dia rafitra niantso Izy nanao hoe: «Ry Jesoa Zanak’i Davida ô, mamindrà fo amiko.»

Baiboly Protestanta Malagasy 2011

⁴⁷ Nony reny fa injay Jesosy avy any Nazareta dia niantso mafy izy hoe: Ry Jesosy, Zanak’i Davida ô, mamindrà fo amiko!

DIEM PROTESTANTA

⁴⁷ Reny fa i Jesoa avy any Nazareta izay, ka nanomboka niantsoantso mafy izy hoe: –Ry Jesoa Zanak’i Davida ô, mamindrà fo amiko!

Dikateny Iombonana Eto Madagasikara

⁴⁷ Reny fa i Jesoa avy any Nazareta izay, ka nanomboka niantsoantso mafy izy hoe: –Ry Jesoa Zanak’i Davida ô, mamindrà fo amiko!

Baiboly Protestanta Malagasy

⁴⁷ Ary nony reny fa, injay! Jesosy avy any Nazareta, dia niantso izy ka nanao hoe: Ry Jesosy, Zanak’i Davida ô, mamindrà fo amiko!

Malagasy Bible

⁴⁷ Ary nony reny fa, injay! Jesosy avy any Nazareta, dia niantso izy ka nanao hoe: Ry Jesosy, Zanak'i Davida ô, mamindrà fo amiko!

La Bible en Malgache

⁴⁷ Nony reny fa injay Jesosy avy any Nazareta dia niantso mafy izy hoe: Ry Jesosy, Zanak’i Davida ô, mamindrà fo amiko!

Marka 10:47 Rohy Ifampitohizana

Isaia 11:1

Misy rantsana hipoitra amin’ny fototr’i Jese, ary misy solofo haniry avy amin’ny fakany.

Matio 1:1

Filazana ny razan’i Jesoa-Kristy, Zanak’i Davida, zanak’i Abrahama:

Matio 12:23

Gaga avokoa ny vahoaka rehetra ka nanao hoe: «Moa tsy ity va no Zanak’i Davida?»

Matio 15:22

Ary indro nisy vehivavy kananeanina anankiray nivoaka avy tamin’izany tany izany niantsoantso mafy nanao hoe: «Mamindrà fo amiko, ry Tompo, Zanak’i Davida, fa ampijalin’ny demony mafy loatra ny zanakovavy»;

Matio 2:23

Ary nony tonga tany izy, dia nonina tao amin’ny tanàna atao hoe Nazareta, mba ho tanteraka ilay tenin’ny mpaminany hoe: «Fa hatao hoe Nazareanina izy.»

Matio 20:30

Ary indreo nisy jamba roa lahy nipetraka teo amoron-dalana: nony reny fa nandalo i Jesoa dia niantso mafy izy ireo nanao hoe: «Ry Tompo, Zanak’i Davida ô! mamindrà fo aminay.»

Matio 21:11

Ary ny vahoaka nilaza hoe: «Izy no i Jesoa mpaminany, avy any Nazareta any Galilea»

Matio 21:9

ary ny vahoaka izay nialoha sy izay nanaraka Azy, samy niantso nanao hoe: «Hôzàna ho an’ny Zanak’i Davida. Hisaorana anie Ilay avy, amin’ny Anaran’ny Tompo! Hôzàna any amin’ny avo indrindra.»

Matio 26:71

Dia nankeo am-bavahady izy, ndeha hitsoaka, fa hitan’ny ankizy vavy anankiray hafa koa, ka nolazainy tamin’ny olona teo hoe: «Ity koa naman’i Jesoa Nazareanina»;

Matio 9:27

Ary nony niala teo i Jesoa, dia nisy jamba roa lahy nanaraka Azy, sady niantso mafy nanao hoe: «Ry Zanak’i Davida ô! mamindrà fo aminay.»

Marka 1:24

nanao hoe: «Mifampaninona izahay sy ianao, ry Jesoa avy any Nazareta? Tonga hampahita loza anay va Ianao? Fantatro raha Ianao, dia ilay Masin’Andriamanitra.»

Lioka 4:16

Nony tonga tany Nazareta tanàna nahabe Azy Izy, dia niditra tao amin’ny sinagoga araka ny fanaony tamin’ny andro sabata, ary nitsangana hanao ny famakian-teny.

Jaona 1:46

Ka hoy i Natanaely taminy: «Moa mba mety hisy zava-tsoa va avy any Nazareta?» Dia hoy i Filipo taminy: «Avia, ary zahao.»

Jaona 19:19

Ary nanao soratra i Pilaty napetany teo an-dohan’ny Hazofijaliana, ka izao no vakiny: «Jesoa avy any Nazareta mpanjakan’ny Jody.»

Jaona 7:41

ny sasany manao hoe: «Ity no i Kristy» fa hoy kosa ny sasany: «Fa angaha avy any Galilea no iavian’i Kristy?

Jaona 7:52

Fa namaly izy ireo ka nanao taminy hoe: «Ianao koa ve avy any Galilea? Diniho dia ho hitanao fa tsy misy mpaminany avy any Galilea.»

Asan’ny Apostoly 6:14

Efa renay nilaza izy fa ilay Jesoa avy any Nazareta, hono, dia handrava ity fitoerana ity, sy hanova ny fanao nomen’i Môizy antsika.»

Apokalipsy 22:16

Izaho Jesoa no naniraka ny Anjeliko hanambara ireo zavatra ireo aminareo ho an’ny Eglizy. Dia Izaho ilay solofo sy taranak’i Davida ary kintana mamirapiratra fitarika andro.