Levitikosy 20:18 - Baiboly Katolika

¹⁸ Raha misy lehilahy mandry amim-behivavy mararin’ny fadim-bolana ka manokatra ny fitanjahany, dia nanokatra ny fandehanan’ny rany izy, ary hofongorana amin’ny fireneny izy roaroa.

Baiboly Protestanta Malagasy 2011

¹⁸ Raha misy lehilahy mandry amin’ny vehivavy izay mararin’ny fadimbolany ary Ravehivavy nampiseho ny fitanjahany ka nampisokatra ny fandehanan’ny rany dia hesorina tsy ho amin’ny fireneny izy roa.

DIEM PROTESTANTA

¹⁸ «Raha misy lehilahy mandry sy miray amin’ny vehivavy mararin’ny fadimbolany, dia nifanaraka hampihanjahanja ny ipoiran’ny ran-dravehivavy izy roroa, ka samy hofongorana tsy ho anisan’ny vahoaka israelita.

Dikateny Iombonana Eto Madagasikara

¹⁸ «Raha misy lehilahy mandry sy miray amin’ny vehivavy mararin’ny fadimbolany, dia nifanaraka hampihanjahanja ny ipoiran’ny ran-dravehivavy izy roroa, ka samy hofongorana tsy ho anisan’ny vahoaka israelita.

Baiboly Protestanta Malagasy

¹⁸ Ary raha misy lehilahy mandry amin’ny vehivavy izay mararin’ny fadimbolany, dia nampisokatra ny fandehanan’ny rany izy, ary ravehivavy koa nanokatra ny fandehanan’ny rany, dia hofongorana tsy ho amin’ny fireneny izy roroa.

Malagasy Bible

¹⁸ Ary raha misy lehilahy mandry amin'ny vehivavy izay mararin'ny fadim-bolany, dia nampisokatra ny fandehanan'ny ràny izy, ary ravehivavy koa nanokatra ny fandehanan'ny ràny, dia hofongorana tsy ho amin'ny fireneny izy roroa.

La Bible en Malgache

¹⁸ Raha misy lehilahy mandry amin’ny vehivavy izay mararin’ny fadimbolany ary Ravehivavy nampiseho ny fitanjahany ka nampisokatra ny fandehanan’ny rany dia hesorina tsy ho amin’ny fireneny izy roa.

Levitikosy 20:18 Rohy Ifampitohizana

Eksodosy 30:33

Na zovy na zovy hanamboatra tahaka an’io na hanosotra izany amin’ny olona tsy fanosotra azy, dia hofongorana tsy ho eo amin’ny fireneny.»

Ezekiela 18:6

tsy mihinana eny an-tendrombohitra, tsy manandra-maso amin’izay sampin-dozan’ny taranak’i Israely, tsy manala baraka ny vadin’ny namany, tsy mandeha amin’ny vehivavy izay mbola ao anatin’ny fahalotoana,

Ezekiela 22:10

Ao aminao, misy manokatra ny fitanjahan-drainy; ao aminao misy manao an-keriny amin’ny mararin’ny fadim-bolana.

Levitikosy 12:2

«Mitenena amin’ny zanak’i Israely ataovy hoe: ny vehivavy miteraka, raha tera-dahy, dia haloto hafitoana, haloto tahaka ny amin’ny andro aharariany amin’ny fadim-bolany izy.

Levitikosy 15:24

Raha misy lehilahy mandry aminy, ka mankeo amin’ny fahalotoan’io vehivavy io, dia haloto hafitoana izy ary izay farafara rehetra handriany dia haloto avokoa.

Levitikosy 18:19

Aza manatom-behivavy mandritra ny fahalotoam-padim-bolany mba hanokatra ny fitanjahany.