Josoa 8:29 - Baiboly Katolika

²⁹ Nasainy nahantona tamin’ny hazo anankiray ny mpanjakan’i Haia, ka navelany teo mandra-paharivan’ny andro. Nony maty ny masoandro dia nasain’i Jôsoe nesorina teo amin’ny hazo ny fatiny, ka natsipy tao am-bavahadin’ny tanàna, sy notsindriana antontam-bato lehibe izay mbola ao mandraka androany.

Baiboly Protestanta Malagasy 2011

²⁹ Nahantony tamin’ny hazo mandra-paharivan’ny andro ny mpanjakan’i Ay; ary rehefa tokony ho maty masoandro dia nasain’i Josoa nesorina tamin’ny hazo ny fatiny ka nariana teo anoloan’ny vavahadin’ny tanàna sady notsindriany antontam-bato avo mandraka androany.

DIEM PROTESTANTA

²⁹ Ny mpanjakan’i Hay kosa nahantona tamin’ny hazo; ka teo ihany mandra-paharivan’ny andro. Nony nilentika ny masoandro, dia nasain’i Josoa naidina ny faty, ka natsipy teo akaikin’ny vavahadin’ny tanàna ary notsindrina antontan-bato miavoavo izay mbola ao mandraka androany.

Dikateny Iombonana Eto Madagasikara

²⁹ Ny mpanjakan’i Hay kosa nahantona tamin’ny hazo; ka teo ihany mandra-paharivan’ny andro. Nony nilentika ny masoandro, dia nasain’i Josoa naidina ny faty, ka natsipy teo akaikin’ny vavahadin’ny tanàna ary notsindrina antontan-bato miavoavo izay mbola ao mandraka androany.

Baiboly Protestanta Malagasy

²⁹ Ary ny mpanjakan’i Ay nahantony tamin’ny hazo mandra-paharivan’ny andro; ary rehefa tokony ho maty masoandro, dia nasain’i Josoa nesorina tamin’ny hazo ny fatiny ka nariana teo anoloan’ny vavahadin’ny tanàna ary notsindriany antontam-bato avo mandraka andro-any.

Malagasy Bible

²⁹ Ary ny mpanjakan'i Ay nahantony tamin'ny hazo mandra-paharivan'ny andro; ary rehefa tokony ho maty masoandro, dia nasain'i Josoa nesorina tamin'ny hazo ny fatiny ka nariana teo anoloan'ny vavahadin'ny tanàna ary notsindriany antontam-bato avo mandraka androany.

La Bible en Malgache

²⁹ Nahantony tamin’ny hazo mandra-paharivan’ny andro ny mpanjakan’i Ay; ary rehefa tokony ho maty masoandro dia nasain’i Josoa nesorina tamin’ny hazo ny fatiny ka nariana teo anoloan’ny vavahadin’ny tanàna sady notsindriany antontam-bato avo mandraka androany.

Josoa 8:29 Rohy Ifampitohizana

2Samoela 18:17

Dia nalainy i Absalôma ka natsipiny tao anatin’ny lavaka lehibe, tao afovoan’ny ala, ary nasiany antontam-bato lehibe dia lehibe teo amboniny. Ary samy nandositra ho any an-dainy avy i Israely rehetra.

Salamo 107:40

Nosaforany henatra ny mpanapaka an’ireny, nampirenireny any an’efitra tsy misy lalana;

Salamo 110:5

Eo ankavananao ny Tompo, handripaka ny mpanjaka Izy amin’ny andron’ny fahatezerany.

Jaona 19:31

Ary andro fiomanana tamin’izay, ka nangataka tamin’i Pilaty ny Jody mba hotapahina ny ranjon’izy ireo, dia hoesorina, mba tsy hisy faty mihantona amin’ny hazofijaliana amin’ny andro sabata (fa andro lehibe izany sabata izany).

Asan’ny Apostoly 12:23

Niaraka tamin’izay, dia nisy Anjelin’ny Tompo namely azy, satria tsy nanome voninahitra an’Andriamanitra izy, ka maty nohanin’ny kankana.

Josoa 10:30

Natolotr’i Iaveh teo an-tanan’i Israely koa izy sy ny mpanjakany, ka nasiany tamin’ny lelan-tsabatra izy mbamin’ny manana aina rehetra tao, tsy nasiany niangana na dia iray aza, ary toy ny nanaovany ny mpanjakan’i Jerikô no nanaovany ny mpanjakany koa.

Josoa 10:33

Niakatra hamonjy an’i Lakisa i Horama mpanjakan’i Gazera tamin’izay, fa nasian’i Jôsoe izy sy ny vahoakany ka tsy navelany hisy afa-nandositra akory.

Josoa 12:9

Ny mpanjakan’i Jerikô, iray; ny mpanjakan’i Haia akaikin’i Betela, iray;

Josoa 7:26

ary nanangana antontam-bato lehibe teo ambonin’i Akàna ny olona, ka mbola maharitra ao mandraka androany izany. Dia nitony i Iaveh tamin’ny firehetan’ny fahatezerany. Noho izany zava-nitranga izany no iantsoana io toerana io mandraka androany hoe Lohasaha Akora.

Josoa 8:23

Nataony sambo-belona ny mpanjakan’i Haia, ka nentiny teo amin’i Jôsoe.