Josoa 22:29 - Baiboly Katolika

²⁹ Koa lavitra anay izay hikomy amin’i Iaveh na hiala amin’i Iaveh anio, ka hanorina ôtely hanaterana sorona dorana, sy fanatitra ary sorona, afa-tsy ny ôtelin’i Iaveh Andriamanitsika, izay eo anoloan’ny fonenany.»

Baiboly Protestanta Malagasy 2011

²⁹ Sanatria aminay raha hikomy amin’NY TOMPO ka hiala indray amin’ny fanarahana NY TOMPO hanorina alitara hanaterana fanatitra dorana manontolo, na fanatitra avy amin’ny zavamaniry na fanatitra hafa alatsa-dra, afa-tsy ny alitaran’NY TOMPO Andriamanitsika izay eo anoloan’ny tabernakeliny.

DIEM PROTESTANTA

²⁹ Sanatria aminay mihitsy ny hikomy amin’ny TOMPO na hiala amin’ny fanarahana AZY ankehitriny, ka hanorina alitara mba hanolorana sorona dorana manontolo na fanatitra hohanina na sorona hafa. Eo amin’ny alitaran’ny TOMPO Andriamanitray, dia ilay alitara manoloana ny fonena-masiny ihany, no hanoloranay ireny.

Dikateny Iombonana Eto Madagasikara

²⁹ Sanatria aminay mihitsy ny hikomy amin’ny TOMPO na hiala amin’ny fanarahana AZY ankehitriny, ka hanorina alitara mba hanolorana sorona dorana manontolo na fanatitra hohanina na sorona hafa. Eo amin’ny alitaran’ny TOMPO Andriamanitray, dia ilay alitara manoloana ny fonena-masiny ihany, no hanoloranay ireny.

Baiboly Protestanta Malagasy

²⁹ Sanatria aminay raha hiodina amin’i Jehovah ka hiala anio amin’ny fanarahana an’i Jehovah hanorina alitara hanaterana fanatitra odorana, na fanatitra hohanina, na fanatitra hafa alatsa-dra, afa-tsy ny alitaran’i Jehovah Andriamanitsika, izay eo anoloan’ny tabernakeliny.

Malagasy Bible

²⁹ Sanatria aminay raha hiodina amin'i Jehovah ka hiala anio amin'ny fanarahana an'i Jehovah hanorina alitara hanaterana fanatitra dorana, na fanatitra hohanina, na fanatitra hafa alatsa-drà, afa-tsy ny alitaran'i Jehovah Andriamanitsika, izay eo anoloan'ny tabernakeliny.

La Bible en Malgache

²⁹ Sanatria aminay raha hikomy amin’NY TOMPO ka hiala indray amin’ny fanarahana NY TOMPO hanorina alitara hanaterana fanatitra dorana manontolo, na fanatitra avy amin’ny zavamaniry na fanatitra hafa alatsa-dra, afa-tsy ny alitaran’NY TOMPO Andriamanitsika izay eo anoloan’ny tabernakeliny.

Josoa 22:29 Rohy Ifampitohizana

Genesisy 44:17

Fa hoy i Josefa: «Sanatria ahy ny hanao izany. Izay olona nahitana ny kôpiko no ho andevoko, fa ianareo, miakara soa aman-tsara ho any amin-drainareo.»

Genesisy 44:7

«Nahoana re, Tompokolahy, no dia manao izany ianao? Sanatria amin’ny mpanomponao mihitsy izay hanao izany zavatra izany.

1Mpanjaka 21:3

Fa hoy i Nabôta namaly an’i Akaba: «Hampanalavirin’i Iaveh ahy anie ny hanome ny lova avy amin’ny razako!»

2Mpanjaka 18:22

Angamba ianareo hanao amiko hoe: I Iaveh Andriamanitray no itokianay. Kanefa raha Izy, moa tsy efa nofoanan’i Ezekiasa va ny ôteliny amam-pitoerana avony, ary efa noalazainy tamin’i Jodà sy i Jerosalema fa hoe: Eo anoloan’ity ôtely eto Jerosalema ity no hiankohofanareo.

2Tantara 32:12

Tsy io Ezekiasa io indrindra va no nandrava ny fitoerana avo sy ny ôtelin’i Iaveh, ka nilaza tamin’i Jodà sy i Jerosalema hoe: Eo anoloan’ny ôtely iray monja no hiankohofanareo ary ao no anateranareo zava-manitra.

Romana 3:6

Sanatria izany! fa raha izany, ahoana no hitsaràn’Andriamanitra an’izao tontolo izao?

Romana 6:2

Sanatria izany! Hataontsika efa maty ny amin’ny fahotana ahoana no mbola ho velona aminy ihany?

Romana 9:14

Inona àry no holazaintsika: misy tsy fahamarinana ao amin’Andriamanitra? Sanatria izany!

Deoteronomia 12:11

Amin’izay fitoerana hofidin’i Iaveh Andriamanitrareo hamponenany ny Anarany no hanateranareo ny zavatra rehetra andidiako anareo, dia ny sorona doranareo, ny soronareo, ny fahafolon-karenareo, ny voatokan’ny tananareo, ary ny fanatitra rehetra voafantina hanalanareo ny voadinareo izay nataonareo tamin’i Iaveh.

Josoa 22:23

Raha ny hiala amin’i Iaveh no nanorenanay, sy ny hanatitra sorona dorana sy fanatitra ary ny hanao sorom-pihavanana eo amboniny, dia aoka hampamoahin’i Iaveh izany izahay.

Josoa 22:26

ka nifampilaza izahay hoe: Andeha isika hanorina ôtely anankiray, tsy hanaterana sorona dorana, na sorona,

Josoa 22:28

Ary hoy izahay: Raha avy izay hilazany amintsika na amin’ny taranatsika indray andro any, dia izao no havalintsika azy: Jereo ny endriky ny ôtelin’i Iaveh naorin’ny razanay, tsy hanaterana sorona, fa ho vavolombelona ho anay sy ianareo.

Josoa 22:30

Nony ren’i Finea, mpisorona sy ny lohan’ny fiangonana, mpifehy ny isan’arivon’i Israely izay niaraka taminy ny teny nolazain’ny tarana-dRobena, sy ny taranak’i Gada ary ny taranak’i Manase dia afa-po izy ireo.

Josoa 24:16

Dia namaly ny vahoaka, ka nanao hoe: Lavitra anay izay handao an’i Iaveh ka hanompo andriamani-kafa.

1Samoela 12:23

Ary raha ny amiko, dia lavitra ahy izay hanota amin’i Iaveh ka hitsahatra ny tsy hivavaka ho anareo. Fa hatoroko anareo ny lalana tsara sy mahitsy.