Josoa 22:28 - Baiboly Katolika

²⁸ Ary hoy izahay: Raha avy izay hilazany amintsika na amin’ny taranatsika indray andro any, dia izao no havalintsika azy: Jereo ny endriky ny ôtelin’i Iaveh naorin’ny razanay, tsy hanaterana sorona, fa ho vavolombelona ho anay sy ianareo.

Baiboly Protestanta Malagasy 2011

²⁸ Ary hoy koa izahay: Raha toa ka lazainy aminay na ny taranakay izany rahatrizay dia hataonay hoe: Jereo ny endriky ny alitaran’NY TOMPO izay nataon’ny razanay, tsy hanolorana fanatitra dorana manontolo anefa na fanatitra hafa alatsa-dra io fa mba ho vavolombelona ho amintsika roa tonta.

DIEM PROTESTANTA

²⁸ Raha sendra ka hambarany aminay na amin’ny taranakay izany rahatrizay, dia hovaliana hoe: «Jereo io alitara nataon’ny razanay io fa mitovy amin’ny alitaran’ny TOMPO; saingy tsy natao hanolorana sorona dorana manontolo na fanatitra hohanina izany, fa ho vavolombelona aminay sy aminareo».

Dikateny Iombonana Eto Madagasikara

²⁸ Raha sendra ka hambarany aminay na amin’ny taranakay izany rahatrizay, dia hovaliana hoe: «Jereo io alitara nataon’ny razanay io fa mitovy amin’ny alitaran’ny TOMPO; saingy tsy natao hanolorana sorona dorana manontolo na fanatitra hohanina izany, fa ho vavolombelona aminay sy aminareo».

Baiboly Protestanta Malagasy

²⁸ Ary hoy izahay: Raha tàhiny lazainy aminay na ny taranakay izany rahatrizay, dia hataonay hoe: Jereo ny endriky ny alitaran’i Jehovah, izay nataon’ny razanay, tsy hanaterana fanatitra, odorana anefa na fanatitra hafa alatsa-dra, fa mba ho vavolombelona ho amintsika roa tonta.

Malagasy Bible

²⁸ Ary hoy izahay: Raha tàhiny lazainy aminay na ny taranakay izany rahatrizay, dia hataonay hoe: Jereo ny endriky ny alitaran'i Jehovah, izay nataon'ny razanay, tsy hanaterana fanatitra, dorana anefa na fanatitra hafa alatsa-drà, fa mba ho vavolombelona ho amintsika roa tonta.

La Bible en Malgache

²⁸ Ary hoy koa izahay: Raha toa ka lazainy aminay na ny taranakay izany rahatrizay dia hataonay hoe: Jereo ny endriky ny alitaran’NY TOMPO izay nataon’ny razanay, tsy hanolorana fanatitra dorana manontolo anefa na fanatitra hafa alatsa-dra io fa mba ho vavolombelona ho amintsika roa tonta.

Josoa 22:28 Rohy Ifampitohizana

Genesisy 31:48

Ary hoy i Labàna: «Ity fanataovana ity no vavolombelona amiko sy aminao anio.» Izany no nanaovana ny anarany hoe Galaada,

2Mpanjaka 16:10

Nankany Damasa i Akaza mpanjaka hitsena an’i Teglaty-Falasara mpanjakan’i Asiria. Nony nahita ity ôtely tao Damasa i Akaza mpanjaka, dia nampitondra ny môdelin’ny ôtely sy ny toetr’endriny araka izay nahavitana azy manontolo ho an’i Oriasa mpisorona.

Eksodosy 25:40

Jereo ka ataovy araka ny marika aseho anao ao an-tendrombohitra.»

Isaia 19:19

Amin’izany andro izany hisy ôtely ho an’i Iaveh, eo afovoan’ny tany Ejipta. Ary eo amin’ny sisin-taniny, hisy tsangam-bato ho an’i Iaveh.

Hebreo 8:5

ireo dia sary sy tandindon’ny any an-danitra fotsiny no fanompoana ataony, araka ny natoron’Andriamanitra an’i Môizy ilay efa hanao ny tranolay iny izy hoe: «Tandremo mba ho vita araka ny ohatra naseho anao tany an-tendrombohitra ny zavatra rehetra.»

Josoa 22:27

fa mba ho vavolombelona ho anay sy ianareo, sy ny fara mandimby antsika, fa izahay dia manompo an’i Iaveh eo anatrehany amin’ny sorona doranay, sy ny soronay, ary ny sorom-pihavananay, mba tsy hilazan’ny taranakareo amin’ny taranakay rahatrizay hoe: Tsy manana anjara amin’i Iaveh ianareo.

Josoa 22:29

Koa lavitra anay izay hikomy amin’i Iaveh na hiala amin’i Iaveh anio, ka hanorina ôtely hanaterana sorona dorana, sy fanatitra ary sorona, afa-tsy ny ôtelin’i Iaveh Andriamanitsika, izay eo anoloan’ny fonenany.»

Josoa 24:27

Dia hoy i Jôsoe tamin’ny vahoaka rehetra: «Indro ity vato ity no ho vavolombelona amintsika, fa efa nandre ny teny rehetra nolazain’i Iaveh tamintsika io; ho vavolombelona aminareo koa io, mba tsy handavanareo ny Andriamanitrareo.»